San Lucas 4:25 - TÄ̧DO Ä̧CUÄ̧ I̧HUȨNȨ

²⁵ Iso päi'önä pä'ösä, recuätö rȩcua̧mö̧ Israel ttö̧ja̧ ttö̧'quȩtȩ ka̧cui̧nä̧tö̧ Dios i̧huȩnȩ jiäcuähuä i̧sa̧ Elías ö̧ji̧nö̧ pä̧nä̧. Ja̧u̧nu̧mä̧ huäbodäcuä a̧'ȩ ja̧'a̧nä̧ koro a̧'ȩ kä'conö ajiya ichoca'a ji̧na̧'a̧. Ja̧'hua̧ta̧nö̧ rö̧ȩnä̧ ppäi rö̧ji̧nö̧ o'ca juiyönä tti̧rȩjä̧nä̧.

Nuevo Testamento Uwotjüja

²⁵ Isopäi'ünä̧ Iraettümä̧ rekuätü rȩkua̧mü̧ kka̧kui̧nä̧tü̧ Elía ü̧ji̧nü̧ pä̧nä̧, wäbodäkuä año ja̧'a̧nä̧ kkoro año ju'to jo̧mȩnä̧ juä̧jä̧ttü̧ ppäi ttuttinü̧ mo̧ro̧mä̧.

San Lucas 4:25 Referans Kwoze

Santiago 5:17

Dios i̧huȩnȩ jiäcuähuä i̧sa̧ Elías ujutu jö̧ ta'anö hua̧ ki̧nö̧do. Diosrö ucuocu, ajiya ichö juiya pä'ö jäepomenä, huäbodäcuä a̧'ȩ ja̧'a̧nä̧ ko̧ro̧mö̧ttö̧nö̧ ya̧tȩnö̧ kä̧hua̧tö̧ ichoca'a ji̧na̧'a̧do ajiyamä pi̧jä̧ra̧'a̧cu̧.

San Mateo 20:15

¿Ttötä chöäre pärätänä, ttörötä pä̧huä̧ rö̧jo̧mȩnä̧ jȩpo̧cö̧sä̧ tä̧ji̧? ¿Ucumä korotörö rö̧ȩnä̧nö̧ chiyomenä ra̧huä̧rö̧jä̧ tä̧ji̧?”

San Lucas 10:21

Ja̧u̧nu̧ pä̧nä̧ Jesús juiyo esehuinödo Espíritu Santonä. Ja̧'hua̧ ja̧'a̧ pä'inödo: —Chä'o mo̧ro̧jä̧'i̧nä̧, pi̧jä̧'i̧nä̧ Chu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧. Iso päi'önä Chä'o, ja̧'hua̧nö̧ pä̧huä̧ rö̧ji̧nä̧cu̧jä̧ ucutä.

Efesios 1:11

Ja̧'hua̧ta̧nö̧ ujutu Cristorö tesetomenä, Dios ȩmi̧nä̧u̧jä̧ pi̧jä̧ juiyäi'inä, ujutu'inä iyä̧cuȩ tȩma̧ pä'ö. Ja̧u̧ o'ca juiyönä 'cuäopa'a chutä amöcuädö pä̧huä̧ rö̧jo̧mȩnä̧.

Efesios 1:9

Ja̧'hua̧ta̧nö̧ churutä pä̧huä̧ rö̧jo̧mȩnä̧ chutä jȩa̧ pä'ö amöcuädinö huȩnȩ, tu̧huo̧jua̧ pä'ö iyinä̧u̧jä̧.

Romanos 9:20

Diosrö ja̧'hua̧nö̧ pä'ömä, ¿di cu'ättö ucumä? Redä'ca uriyumä aditörö: “¿Dä̧bö̧ ja̧'hua̧nö̧ cuaditäjättö?” ¿päa'a tä̧ji̧?

Romanos 9:15

Dios pä'inö Moisésrö: “Re rö̧jö̧nä̧ to̧chä̧cua̧sä̧, ttötä re rö̧jö̧nä̧ tocha pädä̧u̧ru̧. Ja̧'hua̧ta̧nö̧ cha̧'cua̧ eseunu to̧chä̧cua̧sä̧, ttötä cha̧'cua̧ eseunu tocha pädä̧uru̧.”

Apocalipsis 11:6

Pitö umöhuäyotömä, Dios i̧huȩnȩ jittähuome jubö, mo̧ro̧jä̧ mö̧ttȩpa̧ pä'ö pi̧jä̧nä̧ ajiya ichö juiya pä'ö juruhuätö. Ja̧'hua̧ta̧nö̧ ajiya ttö̧ja̧ ttucuoja päi'önä pärohuächa pä'ö juruhuätö. Ja̧'hua̧ta̧nö̧ jitörötä pä̧huä̧ rö̧jo̧mȩnä̧, pi̧jä̧ ttö̧ja̧rö̧ o'ca juiyönä surojö 'cuä'opö ubara ttutta pä'ö juruhuätö.