San Lucas 4:18 - TÄ̧DO Ä̧CUÄ̧ I̧HUȨNȨ

¹⁸ Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

Nuevo Testamento Uwotjüja

¹⁸ Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

San Lucas 4:18 Referans Kwoze

San Mateo 11:5

Jicuhuähuätucuaröja, ä̧to̧cä̧tö̧'i̧nä̧ topätö. 'Cuä'ätö'inä cue'ächätö. Lepra ttöttahuiyä märichei na̧'ä̧chä̧tö̧'i̧nä̧, jitämä na̧'ä̧cho̧co̧tö̧. Järiyähuätö'inä ä̧ju̧cuä̧tö̧. 'Corupä'i'ätö'inä tto'ächätö. Usurä isotö'inä adihuä juäi suronä jȩttö̧ jȩpö̧ icuähuä huȩnȩ ä̧ju̧cuä̧tö̧.

San Lucas 7:22

Ja̧'hua̧nö̧ jättepomenä, Jesús pä'inödo Juan umöhuäyotörö: —Tocu'ätucu'inä, cuä̧ju̧cuä̧tu̧cu̧'i̧nä̧ ji'ähuäjätucui Juanrö. Jicuhuähuätucuaröja, ä̧to̧cä̧tö̧'i̧nä̧ topätö. 'Cuä'ätö'inä cue'ächätö. Lepra ttöttahuiyä märichei na̧'ä̧chä̧tö̧'i̧nä̧, jitämä na̧'ä̧cho̧co̧tö̧. Järiyähuätö'inä ä̧ju̧cuä̧tö̧. 'Corupä'i'ätö'inä tto'ächätö. Usurä isotö'inä adihuä juäi suronä jȩttö̧ jȩpö̧ icuähuä huȩnȩ ä̧ju̧cuä̧tö̧.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

San Juan 12:46

Ttötäsä pi̧jä̧ tȩa̧u̧mä̧. Ttö ichinösä ttörö esetätömä yo̧ö̧nä̧ cuettächö juiya pä'ö juhua'a yabo.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

Colosenses 1:13

Dios ujuturu ejädö icuinö yo̧ö̧ ujuruttu. Ja̧'hua̧ta̧nö̧ chutä I̧tti̧ rȩni̧'a̧rö̧ ujutu Tu̧ru̧hua̧ päi'önä ö̧ja̧ pä'ö hue'inö.

San Mateo 4:16

juhua'a ttö̧ja̧ yo̧ö̧nä̧ ka̧cui̧nä̧tö̧mä̧, adihuä tȩa̧u̧mä̧ topinätödo. Ja̧'hua̧ta̧nö̧ ttö̧ja̧ 'corupäi'äcuähuä juruhuome ka̧cui̧nä̧tö̧mä̧, adihuä tȩa̧u̧mä̧ tȩa̧hui̧nä̧u̧do, pä'ö huȩyu̧ti̧nö̧do Isaíasmä.

San Mateo 5:3

—Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Lucas 6:20

Ja̧'hua̧nö̧ ja̧'a̧ u̧huo̧juȩtä̧u̧ru̧ topö päinä̧u̧do: —Ucutu usurä isotömä, eseunu cu̧ja̧cuä̧cuo̧tö̧jä̧ Dios Cu̧ru̧hua̧ päi'önä ö̧ja̧'a̧ttö̧.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

San Juan 3:34

Iso päi'önä Dios hueinäcumä, Dios i̧huȩnȩ ji'äu, Dios Espíritu Santorö repeähuä juiyönä iya'attö.

San Juan 1:41

Yotäcu uböo Simónrö o'ipö 'chi̧nö̧do. Ja̧u̧ru̧ pä'inödo: —Ujutumä po̧cui̧pä̧jä̧tö̧jä̧ Mesíasrö. Ja̧'hua̧nö̧ päomenä, “Cristorö po̧cui̧pä̧jä̧tö̧jä̧” pä'inödo.

San Mateo 12:20

Koro nä̧yö̧na̧ su̧ro̧jä̧na̧'i̧nä̧ yoröiso 'te'ädocö jä̧cua̧. Tejähuore adiunä cuocore'inä, yoröiso na̧'ȩpo̧cö̧ jä̧cua̧. Ja̧u̧ hueome jubö päi'önä ja̧'hua̧nö̧ jȩpo̧cö̧ jä̧cua̧.

Hechos 4:27

“Iso päi'önä pi̧yȩ ötahuiyänä Herodes'inä, Poncio Pilato'inä ca̧ca̧cui̧pi̧nä̧tö̧ judíos huocotöcu, judíos ttö̧ja̧cu̧'i̧nä̧, suronä jȩtta̧ pä'ö ucu adihuänä Cui̧tti̧ Jesúsru, pätetö huecuhuinäcuru.

San Mateo 12:18

Pidemä ttö chu̧mö̧huä̧ya̧. Ttö ja̧u̧ru̧ o'ipinösä. Ja̧u̧ru̧ eseunu repe'ösä. Ttö Espírituru chi̧yä̧cua̧sä̧ ja̧u̧ru̧. Ttö huedömä o'ca toi'önärö ji̧ä̧huä̧cua̧.

San Lucas 4:17

Ttiyinäcudo huȩyu̧cuä̧'tä̧ Dios i̧huȩnȩ jiäcuähuä i̧sa̧ Isaías i̧huȩyu̧ti̧nä̧'tä̧. Ja̧'hua̧ ja̧'a̧ttö̧ teädomenä, po̧cui̧pi̧nö̧do pa̧'a̧nö̧ huȩyu̧cua̧'a̧:

Hechos 4:26

Pi̧jä̧ ruhuotö cä'ädö ku̧ni̧nä̧tö̧. Ttö̧ja̧ tturuhuotö ca̧ca̧cui̧pi̧nä̧tö̧, Tu̧ru̧hua̧ Diosrö, Cristorö'inä suronä jȩtta̧ pä'ö.