San Lucas 3:23 - TÄ̧DO Ä̧CUÄ̧ I̧HUȨNȨ

²³ Jesús treinta a̧'ȩ huinödo, aditähuä ö̧jä̧mä̧di̧nö̧mä̧. Jesúsmä José i̧tti̧ pä'ö amöcuädinätödo ttö̧ja̧mä̧. Josémä Elí i̧tti̧ pi̧nö̧do.

Nuevo Testamento Uwotjüja

²³ Jesú-mä̧ treinta-nü̧ año jo̧mȩnä̧ kku̧nä̧ri̧nü̧ aditäwä kkä̧mä̧dü̧ aditinü̧mä̧. Jesú-mä̧ José i̧tti̧ pä'ütä ttu̧wo̧jui̧nä̧ku̧. José-mä̧ Elí i̧tti̧ ji̧na̧'a̧,

San Lucas 3:23 Referans Kwoze

San Mateo 13:55

Ja̧u̧mä̧ adicuä i̧sa̧ i̧tti̧do. Ja̧ju̧mä̧, María pä'ö micuaju. Ja̧u̧mä̧ Jacobonö, Josénö, Simónnö, Judasnö ttuböo.

Hechos 1:1

Äcuomenä cuyäru'tä huȩyu̧ti̧nö̧sä̧ ucuru Teófilo, o'ca juiyönä Jesucristo äcuomenä kä̧mä̧dö̧ jȩi̧nö̧'i̧nä̧, u̧huo̧juȩti̧nö̧'i̧nä̧, mo̧ro̧jä̧ra̧'a̧ cäecuächinome jubö päi'önä. Mo̧ro̧jä̧ra̧'a̧ cäecuächäcua'a ä'canä u̧mä̧tö̧rö̧ ȩmi̧nö̧do hue'ähuotö pai'önä. Jahuätörö Espíritu Santo ujurunä ji'äu huo̧juȩti̧nö̧do jȩtta̧ pä'ö.

San Juan 6:42

Jahuätö pä'inätödo: —¿Pidemä, José i̧tti̧ Jesúscö̧? Jä'orö'inä, ja̧ju̧ru̧'i̧nä̧ huo̧juä̧tö̧jä̧ ujutumä. “Mo̧ro̧jä̧ra̧'a̧ttö̧ mȩyȩhui̧nö̧sä̧”, ¿tta̧'a̧nö̧ pä'ö päa'ajä̧ttö̧?

San Lucas 4:22

O'ca toi'önä Jesúsru adiu ucuocuinätödo. Ja̧'hua̧ta̧nö̧ eseunänö to̧pä̧ri̧nä̧tö̧do adihuä huȩnȩ päiyä̧u̧. Ja̧'hua̧ta̧nö̧ jä'ecue'inätödo: —¿Chujuamä José i̧tti̧cö̧ tä̧ji̧?

San Marcos 6:3

Ja̧u̧mä̧ dau isodä adicuä i̧sa̧, María ki̧tti̧do. Ja̧u̧mä̧ Jacobonö, Josénö, Judasnö, Simónnö ttuböo. Ö̧jä̧hua̧tö̧ nä̧tö̧ pȩnȩ ujutu tö̧'quȩtȩnä̧ ka̧cuä̧tö̧. Ja̧u̧ jiäu esetocotö pi̧nä̧tö̧do.

San Mateo 4:17

Juhuorö kä̧nö̧ Jesús kä̧mä̧dö̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'ö ji'ähuinödo.

San Mateo 1:16

Ja̧'hua̧ta̧nö̧ Jacobmä, José jä'o pi̧nö̧do. Josémä, María kirecuo pi̧nö̧do. Jahuäjumä, Maríamä, Jesús ja̧ju̧ pi̧nä̧ju̧do. Ja̧'hua̧ta̧nö̧ Jesúsmä koro i̧mi̧ Cristo mi̧cua̧do.

San Lucas 3:31

Eliaquimmä Melea i̧tti̧ pi̧nö̧do. Meleamä Mainán i̧tti̧ pi̧nö̧do. Mainánmä Matata i̧tti̧ pi̧nö̧do. Matatamä Natán i̧tti̧ pi̧nö̧do.

San Mateo 1:6

Ja̧'hua̧ta̧nö̧ Isaímä, ru̧hua̧ David jä'o pi̧nö̧do. Ja̧'hua̧ta̧nö̧ ru̧hua̧ Davidmä, Salomón jä'o pi̧nö̧do. Salomón ja̧ju̧mä̧, Urías mi̧nä̧ recua o'caju pi̧nä̧ju̧do.

San Mateo 1:1

Pitömä Jesucristo ahuaruhuä pi̧nä̧tö̧do. Ja̧u̧mä̧ Jesucristomä tä̧do̧tö̧ mi̧nä̧ ru̧hua̧ David'inä, Abraham'inä tta̧hua̧ru̧hua̧ pi̧nö̧do.

San Lucas 2:48

Ja̧'hua̧nö̧ ja̧'a̧ttö̧ ja̧ju̧cu̧, Josécu topinätödo. Ja̧ju̧ pä'inäjudo: —Chi̧tti̧, ¿dä̧bö̧ jȩcu̧'ä̧jä̧ ja̧u̧mä̧ ujuturumä? Cuä'ocu, ttöcu ta̧'cua̧ tta̧'ȩcu̧ a̧mö̧cuä̧rö̧ usäjätöjä ucuru.

San Juan 1:45

Jesús Feliperö oipäji o'ca'a, Felipemä Natanaelrö o'ipö 'chi̧nö̧do. Ja̧u̧ru̧ pä'inödo: —Moisés hueähuä huȩnȩnä̧ huȩyu̧tu̧ päinäcuru topäjätöjä̧. Ja̧'hua̧ta̧nö̧ Dios i̧huȩnȩ jiäcuähuä isotö pättinäcuru topäjätöjä̧. Ja̧u̧mä̧ Jesús, José i̧tti̧do, Nazaret ötahuiyänä ki̧nö̧do.