San Lucas 3:14 - TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ta̧nö̧ yotöte su̧ro̧da̧u̧ jä'epinätödo: —Ujutumä di̧ttö̧, ¿tta̧'a̧nö̧ jȩtä̧cua̧'a̧jä̧ttö̧? Ja̧u̧ pä'inödo: —Pärätä 'chocuhui'ätucuä' yoröiso ya̧tȩrö̧'i̧nä̧ suronä ye'epe'ömä. Ja̧'hua̧ta̧nö̧ huȩnȩtä̧rö̧ ucuocu ja̧u̧ jȩtto̧cö̧mä̧. Ttimitönätä ja̧'a̧nä̧ ka̧cuä̧tu̧cui̧.

Nuevo Testamento Uwotjüja

¹⁴ Ja̧'wa̧ta̧nü̧ su̧ro̧do̧u̧ttü̧'i̧nä̧ yotüte jä'epü ttä̧ju̧kui̧nä̧ku̧: —Ujutu'i̧nä̧ ¿däjetä jȩtü̧'a̧nü̧jä̧ttü̧? Jättepäku ädätinä̧u̧: —Ya̧tȩrü̧'i̧nä̧ ye'epä'chü jȩ'kuä̧tu̧kuä̧, jȩtto̧ka̧'a̧nä̧mä̧ yapareu kärenä̧ ttütünä̧mä̧ jȩ'kuä̧'chä̧tu̧kuä̧: —Kuäditäwätuku ttimi̧tünä̧tä̧ esewätukui.

San Lucas 3:14 Referans Kwoze

Filipenses 4:11

Ja̧'hua̧ta̧nö̧ juida'attömä pä'ocösä. Iso päi'önä rö̧ȩnä̧ chu̧ju̧nä̧ro̧mȩnä̧'i̧nä̧, ji̧'qui̧cha̧nö̧tä̧ chu̧ju̧nä̧ro̧mȩnä̧'i̧nä̧ eseunu chö̧ja̧ pä'ö huo̧jui̧pi̧nö̧sä̧.

San Lucas 19:8

Ja̧'hua̧nö̧ ja̧'a̧ Zaqueo ä̧rä̧mi̧'ö̧ kä̧mä̧dö̧, pä'inödo Tu̧ru̧hua̧rö̧: —Chu̧ru̧hua̧, chi̧yä̧cua̧sä̧ chu̧ju̧nä̧ro̧mȩ ju'tome usurä isotörö. Yapareu jȩpö̧ chu̧nä̧u̧cuä̧'i̧jö̧ttö̧mä̧, pa̧ja̧cuä̧nö̧ jo̧mȩ yabocu ppa̧dä̧dä̧cua̧sä̧ jahuätörö.

Apocalipsis 12:10

Ja̧'hua̧ ja̧'a̧ttö̧ ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Ja̧u̧ huȩnȩ päina'a: —Ttö̧ja̧ suronä jȩttö̧ jȩpö̧ icuähuä'inä, Dios ujuru'inä, Tä̧do̧ ä̧cua̧ Dios hueähuä'inä, I̧tti̧ Cristo hueähuä'inä täcö ichäja'a. Ujutu tö̧jä̧hua̧tö̧rö̧ Tä̧do̧ ä̧cua̧ Dios ä'ca jo̧mȩttö̧ mo̧ro̧'i̧nä̧, yodo'inä suronä ucuocuinömä, täcö ya'opö tticuinäcu.

Tito 2:3

Ja̧'hua̧ta̧nö̧ nä̧tö̧ böäcuächätörö'inä huo̧juȩti̧. Dios ä'ca jo̧mȩ adiu ttö̧jä̧cua̧'a̧nö̧. Ttahuaruhuärö yapareu huȩnȩ jittähuä'chö juiyäcua'a̧nö̧. Ja̧'hua̧ta̧nö̧ tä̧ttä̧mö̧ juiyäcua'a̧nö̧. Korotö ttä'ca jo̧mȩ adiu huo̧juȩtö̧ jȩttä̧cua̧'a̧nö̧.

Filipenses 2:15

Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö.

Hechos 10:7

Angel, Corneliocu ucuocuäjimä, räopächäji o'ca'a, Cornelio huopinödo ojusodenä adicuä ttö̧ja̧ ta̧ju̧ru̧. Ka̧ra̧rö̧'i̧nä̧ su̧ro̧da̧u̧ i̧sa̧, Diosrö adiu amöcuädö kä̧'i̧jö̧rö̧, Cornelio hueö ta'anö jȩpä̧'i̧jö̧rö̧, huopinödo.

San Mateo 8:5

Jesús Capernaum ötahuiyänä doächomenä, ya̧tȩ romanos ttö̧ja̧ su̧ro̧da̧u̧ ttu̧ru̧hua̧ ichi'ö jä'epinödo Jesúsru.

San Lucas 3:10

Ja̧'hua̧ ja̧'a̧ttö̧ ttö̧ja̧ jä'epinätödo: —Ja̧'hua̧nö̧ ja̧'a̧mä̧ ¿tta̧'a̧nö̧ jȩtä̧cua̧'a̧jä̧ttö̧?

San Lucas 3:13

Juan ädätinödo: —Hueähuä huȩnȩ hueöttö'inä abonänö rö̧ȩnä̧ 'chocuhui'ätucuä'.