San Lucas 23:41 - TÄ̧DO Ä̧CUÄ̧ I̧HUȨNȨ

⁴¹ Ujutumä iso päi'önä jȩti̧nö̧ micuä päi'önä ttö̧tä̧bo̧tä̧u̧jä̧. Pidemä suronä jȩpo̧cö̧ pi̧nö̧.

Nuevo Testamento Uwotjüja

⁴¹ Ujutumä̧ isopäi'ünä̧ suronä̧ jȩtä̧'i̧jü̧mä̧ mikuäwächünä̧ usurä ȩmä̧wä̧tü̧jä̧; ja̧'wa̧nü̧ ja̧'a̧nä̧, pidemä̧, däjéjä̧ttü̧ suronä̧ jȩi̧nü̧mä̧.

San Lucas 23:41 Referans Kwoze

1 Pedro 1:19

Cristo ucuojanä ȩmi̧nö̧do. Oveja i̧tti̧rö̧, yoröiso surojö jui̧'a̧rö̧, sacrificio jȩttö̧'a̧nö̧ jȩpi̧nö̧do Cristo ucuojanä mitäu.

San Mateo 27:24

Ru̧hua̧ Pilato amöcuädäji ta'anö jȩtto̧ca̧'a̧, ttö̧ja̧ ji̧nä̧ isocu huotta'a topinödo. Ajiya sä̧rä̧bä̧nä̧ tti'cächa pä'ö hue'inödo. Ttö̧ja̧ ttä'ca jo̧mȩttö̧ u̧mö̧ töcähuinödo. Ja̧'hua̧nö̧ jȩpö̧ pä'inödo: —Ttömä ja̧u̧ru̧ cuä'ö cuicuätucuamä hue'ocösä. Ucututä cuamönä cuä'ö icuätöjä.

San Mateo 27:4

Jahuätörö pä'inödo: —Ttömä suronä jȩpä̧ji̧sä̧ adihuä i̧sa̧rö̧, yoröiso suronä jȩpo̧cö̧rö̧, ucuturu chiyomenä. Ja̧'hua̧nö̧ päomenä, ädätinätödo: —Ja̧u̧mä̧ ¿tta̧'a̧nö̧ pätäcua'ajä̧ttö̧ ujutumä? Ja̧u̧mä̧ ucutä jȩpä̧ji̧jä̧.

Santiago 4:7

Ja̧'hua̧ ja̧'a̧ttö̧ Diosrötä pä̧huä̧ rö̧jö̧mä̧ jȩpä̧tu̧cui̧. Ähuettärö pä̧huä̧ rö̧jö̧mä̧ jȩcu̧'ä̧tu̧cuä̧'. Ja̧'hua̧nö̧ jȩcu̧'ä̧tu̧cuo̧mȩnä̧, ucututtu tö'ipächö ähuettämä.

San Mateo 27:54

Juhuorö'inä Jesús 'corupäi'omenä, su̧ro̧da̧u̧ ttu̧ru̧hua̧cu̧, Jesúsru tta̧'ä̧rä̧tö̧cu̧ ja̧u̧ juäi o'ca juiyönä rȩjȩ ttö̧ȩpa̧'a̧'i̧nä̧, koro juäi 'cuäopa'a'inä tottomenä, juiyo rö̧ȩnä̧ ye'ecuinätödo. Jahuätö pä'inätödo: —Iso päi'önä ja̧u̧ Dios I̧tti̧ päji ja̧'a̧.

San Mateo 27:19

Ja̧'hua̧ta̧nö̧ ru̧hua̧ Pilato, ru̧hua̧ i̧dȩä̧cä̧nä̧ ö̧'a̧'a̧, irecua jittähuarö pä'ö hue'inäjudo. Jahuäju pä'inäjudo: “Ja̧u̧ uborö, adihuä i̧sa̧rö̧ jȩcu̧'ä̧'. Mo̧ro̧ji̧ yodo suronä 'cuo̧ti̧cuä̧jä̧ju̧sä̧, ja̧u̧ru̧ amöcuädö”, pä'inäjudo.

San Lucas 23:40

Ja̧'hua̧nö̧ päomenä, ka̧ra̧mä̧ a̧hua̧ru̧hua̧rö̧ ro̧'ȩpö̧ pä'inödo: —¿Ucuru'inä, chu ta'anö ttö̧tä̧bo̧to̧mȩnä̧, Diosrö ye'ecuocöjä tä̧ji̧?

San Lucas 23:42

Ja̧'hua̧ ja̧'a̧ pä'inödo: —Jesús mo̧ro̧jä̧ra̧'a̧ cui̧'cho̧mȩnä̧, ttörö cuamöcuädaja.

1 Tesalonicenses 2:10

Ucutucu tö̧ja̧cui̧nö̧mä̧ topinätöjä ucutumä. Dios'inä topinö. Ujutumä adiu jȩpö̧ ka̧cui̧nä̧tö̧jä̧ ucutu Diosrö esetätöcu, yoröiso suronä ttucuocu juiyönä ujuturu.

1 Pedro 2:23

Ja̧u̧ru̧ ra̧huä̧rö̧ huottomenä, ädätö huopocö pi̧nö̧. Ubara ttuhua'anä'inä, ra̧huä̧ri̧po̧cö̧ pi̧nö̧. Jä'o Diosrö, o'ca toi'önärö yoräteunä pä̧cua̧rö̧, amöcuädö ucuocuinö.