San Lucas 23:4 - TÄ̧DO Ä̧CUÄ̧ I̧HUȨNȨ

⁴ Ja̧'hua̧ ja̧'a̧ttö̧ sacerdotes ruhuotörö'inä, jahuätö ttö̧ja̧rö̧'i̧nä̧ pä'inödo Pilato: —Chujuamä, suronä jȩpo̧cö̧ pi̧nö̧ pä'ösä ttömä.

Nuevo Testamento Uwotjüja

⁴ Ja̧'wa̧nü̧ jä̧ku̧ Pilato-mä̧ sacerdote wotü tturuwotürü, pä'ü kkä̧nü̧ ttü̧ja̧rü̧'i̧nä̧ pä'inü̧: —Pide suronä̧ jȩä̧ji̧mä̧ tochü juiyünä̧ jä̧ku̧sä̧.

San Lucas 23:4 Referans Kwoze

San Juan 18:38

Ja̧'hua̧ ja̧'a̧ttö̧ Pilato pä'inödo: —¿Däjettö iso päi'önä huȩnȩ? Ja̧'hua̧nö̧ jä'epäji'ca̧, Pilato pä'äji ta'anö rä'opinödo judíos ttö̧ja̧rö̧ ucuocua pä'ö. Jahuätörö pä'inödo: —Ttö chamöcuädomenä, ja̧u̧ ubomä yoröiso suronä jȩpo̧cö̧ pi̧nö̧.

1 Pedro 2:22

Ja̧u̧mä̧ yoröiso suronä jȩpo̧cö̧ pi̧nö̧. Yapareu'inä ji'ähuocö pi̧nö̧ yoröiso.

1 Pedro 1:19

Cristo ucuojanä ȩmi̧nö̧do. Oveja i̧tti̧rö̧, yoröiso surojö jui̧'a̧rö̧, sacrificio jȩttö̧'a̧nö̧ jȩpi̧nö̧do Cristo ucuojanä mitäu.

San Lucas 23:22

Huäbodäcuänä päi'önä Pilato pä'inödo jahuätörö: —Ja̧u̧mä̧ ¿däje suronä jȩä̧jä̧ttö̧? 'Corupäi'a pä'ö yoröiso po̧cui̧po̧cö̧sä̧ ttömä. Ttömä ja̧u̧ru̧ chö̧tä̧bo̧tä̧cua̧sä̧. Ja̧u̧nu̧ o'ca'a ja̧u̧ru̧ rä'epö chi̧cuä̧cua̧sä̧.

San Marcos 15:14

Ja̧'hua̧nö̧ pättomenä, Pilato pä'inödo jahuätörö: —Ja̧u̧mä̧ ¿däje suronä jȩä̧jä̧ttö̧? Ja̧'hua̧nö̧ ja̧'a̧ jahuätö pä'äji ta'anö huopinätödo: —¡Dau isodänä pȩ'o̧pö̧ ku̧ni̧rö̧!

1 Pedro 3:18

Iso päi'önä Cristomä ya'utenätä o'ca toi'önärö suronä jȩttö̧ jȩpö̧ icua pä'ö ubara ttu'u 'corupä'i'inö. Chutä yoröiso adihuä i̧sa̧ ja̧'a̧nä̧, ujutu suronä jȩpä̧tö̧mä̧ suronä jȩtö̧ jȩpö̧ icu, ubara ttu'inö Dios ö̧ja̧'a̧cu̧ ti̧'cha̧ pä'ö. Chutä idepämä 'corupäi'äja'anä, a̧'cua̧ru̧hua̧ pä'äji ta'anö tto'ächäji'ca̧ ki̧nö̧.

Hebreos 7:26

Ja̧'hua̧ ja̧'a̧ttö̧ chutä Jesús ujuturu adihua'ado ji̧nä̧ isocu sacerdote ru̧hua̧ päi'önä ö̧ja̧ pä'ö. Ja̧u̧mä̧ adihuä i̧sa̧do. Ja̧u̧ suronämä yoröiso jȩpo̧cö̧. Suronä jȩpä̧tö̧ttö̧'i̧nä̧ i̧mi̧cu̧nä̧ kö̧. Ja̧'hua̧ta̧nö̧ mo̧ro̧jä̧ttö̧'i̧nä̧ juhua'a yabo ru̧hua̧do.

San Mateo 27:19

Ja̧'hua̧ta̧nö̧ ru̧hua̧ Pilato, ru̧hua̧ i̧dȩä̧cä̧nä̧ ö̧'a̧'a̧, irecua jittähuarö pä'ö hue'inäjudo. Jahuäju pä'inäjudo: “Ja̧u̧ uborö, adihuä i̧sa̧rö̧ jȩcu̧'ä̧'. Mo̧ro̧ji̧ yodo suronä 'cuo̧ti̧cuä̧jä̧ju̧sä̧, ja̧u̧ru̧ amöcuädö”, pä'inäjudo.

Hechos 3:13

Ja̧'hua̧nö̧mä̧cö̧. Ujutu tä̧do̧tö̧ mi̧nä̧ Abraham'inä, Isaac'inä, Jacob'inä Ttä̧do̧ ä̧cua̧ Dios hue'inö o'ca toi'önä ttucuota pä'ö I̧tti̧ Jesúsru. Ja̧u̧ru̧ ucutu iyö icuinätöjä. Ja̧'hua̧ta̧nö̧ ja̧u̧ru̧ ucutu kö'cocotö pi̧nä̧tö̧jä̧, ru̧hua̧ Pilato ja̧u̧ru̧ ejädö icua päa'anä.

Hechos 25:25

Ja̧'hua̧nö̧ ja̧'a̧ ttötä amöcuädösä 'corupäi'a pä'ömä suronä jȩpo̧cö̧ pi̧nö̧. Pablotä romanos ttö̧ja̧ ttu̧ru̧hua̧ Augusto ja̧u̧ru̧ ä̧ju̧cua̧ pä'ö jäepa'attö, ru̧hua̧ Augusto ö̧ja̧'a̧cu̧ huȩdä̧cua̧sä̧ ja̧u̧ru̧.