San Lucas 23:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧ ja̧'a̧ Herodescu, umöhuäyotö su̧ro̧da̧u̧cu̧ Jesúsru ttöjö'cö juiyönä jȩtti̧nä̧cu̧do. Ja̧u̧ru̧ ya̧'ä̧huä̧'chö̧, ru̧hua̧ ö̧'ca̧tä̧u̧'a̧nö̧ ttö̧'ca̧ti̧nä̧cu̧do. Ja̧u̧nu̧ o'ca'a Herodes pä'äji ta'anö hueinäcudo Pilatorö.

Nuevo Testamento Uwotjüja

¹¹ Ja̧'wa̧nü̧ jo̧mȩnä̧ Herode-mä̧, umüwäyotü su̧ro̧do̧u̧ku̧ ttüjü'kü juiyünä̧ topü, ya̧'a̧wä̧'chü̧mä̧, ru̧wa̧ rey 'kua̧rü̧nä̧ adiwä juei i̧sä̧ta̧, ü̧'ka̧tä̧wä̧ta̧ 'ka̧tü̧ jȩtti̧nä̧ku̧. Ja̧'wa̧nü̧ jȩpä̧ji̧'ka̧ Herode-mä̧, pä'äjita'anü̧ Pilato ü̧ja̧'a̧ we'ü ikuinä̧ku̧.

San Lucas 23:11 Referans Kwoze

San Juan 19:5

Ja̧'hua̧ ja̧'a̧ttö̧ Jesús so̧ö̧ttö̧ ppöttähuä huȩnä̧rö̧'i̧nä̧ ö̧'ca̧tä̧huä̧ta̧ adiu tuhuä̧ta̧ 'cä̧tä̧u̧'i̧nä̧ rä'opinödo. Ja̧'hua̧nö̧ rä'oi'ö, Pilato pä'inödo: —¡Topätucui, pidesä!

San Marcos 9:12

Jesús jahuätörö ädätinödo: —Iso pai'önä Huȩyu̧cuä̧ Huȩnȩ päa'a Elías ä'canä i̧chä̧cua̧ pä'ö. Ja̧u̧ jo̧mȩ päi'önä o'ca juiyönä a̧di̧tä̧cua̧. Huȩyu̧cuä̧ Huȩnȩ, ¿tta̧'a̧nö̧ päa'attö Ubo I̧tti̧rö̧? Ubo I̧tti̧mä̧ ubara ttu̧huä̧cua̧ päa'ado. Ja̧'hua̧ta̧nö̧ Ubo I̧tti̧rö̧ ttöjö'cococu jä̧cua̧ päa'ado.

San Mateo 14:1

Ja̧u̧nu̧ pä̧nä̧ Herodes, Galilea ru̧hua̧mä̧, Jesús jȩa̧'a̧ ä̧ju̧cui̧nö̧do.

San Mateo 14:3

Herodes Juanrö cärenä rötinödo. Ja̧'hua̧nö̧ cärenä ö̧'a̧'a̧ cuoräusanä nö̧'cä̧rö̧ ttu̧ju̧na̧rö̧ pä'ö hue'inödo, Herodías pä'ö micuaju kesehua pä'ö. Yajutä Herodíasmä, Herodes ö̧jä̧hua̧ Felipe irecua pi̧nä̧ju̧do.

San Mateo 14:6

Herodes uhuäpächinö mo̧ro̧ pätecuächomenä, fiesta jȩtto̧mȩnä̧, Herodías kittiju o'ca toi'önä ttä'ca jo̧mȩttö̧ baile tö'inäjudo. Ja̧'hua̧nö̧ töja'a Herodes juiyo esehuinödo.

San Lucas 23:10

Sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ ju̧huȩnȩtä̧ kä̧nö̧, rö̧ȩnä̧ surojö ucuocuinätödo Jesúsru.

Santiago 2:2

Koro mo̧ro̧ päi'omenä, ya̧tȩ ubo cultonä do'ächö, ödo'che i̧so̧bö̧ orottö adicuo̧bö̧ rö̧nä̧rö̧, ö̧'ca̧tä̧huä̧ta̧'i̧nä̧ adihuä̧ta̧ 'ca̧tä̧u̧. Usurä i̧sa̧'i̧nä̧, ö̧'ca̧tä̧huä̧ta̧ täbo i̧sä̧ta̧ 'ca̧tä̧u̧, do'ächö. Adihuä̧ta̧ 'ca̧tä̧u̧ru̧ päcuhuätucuttumä, “Pä̧mä̧di̧ pȩnȩ päcuähuome adihuome”, päcuhuätucua'anä ka̧ra̧rö̧, täbo i̧sä̧ta̧ 'ca̧tä̧u̧, “Ä̧rä̧mi̧'ö̧ kä̧hui̧. Ju̧huȩnȩ cu̧juä̧mä̧dö̧ juiyöttömä, pä̧mä̧di̧ rȩjȩ.”