San Lucas 21:25 - TÄ̧DO Ä̧CUÄ̧ I̧HUȨNȨ

²⁵ Juhua'a yabonö huo̧juȩti̧nö̧do Jesús: —Ja̧'hua̧ ja̧'a̧ttö̧ mo̧ro̧ kä̧hua̧nä̧'inä̧, yodo kä̧hua̧nä̧'i̧nä̧, si̧ri̧'cö̧nä̧'i̧nä̧ i̧jȩcuä̧ kä̧cua̧'a̧. Pi̧jä̧nä̧'i̧nä̧ ttö̧ja̧, dubora rö̧ora rö̧ȩnä̧ ppahua'a pä̧i̧cu̧nä̧ ucuocua'attö ä̧ju̧cu̧, jerunä yettecuäcuotö.

Nuevo Testamento Uwotjüja

²⁵ Ja̧'wa̧ta̧nü̧ mo̧ro̧ kkä̧wa̧nä̧'i̧nä̧, yodó kkä̧wa̧nä̧'i̧nä̧, si̧ri̧'kü̧nä̧'i̧nä̧, ttu̧wo̧juö̧nä̧ i̧jȩkuä̧kua̧'a̧; ja̧'wa̧ta̧nü̧ pi̧jä̧ rȩjȩnä̧ttü̧ ttü̧ja̧mä̧ ttajuäkuäwäkuotü, rü̧ä̧ aje ppawa'a ä̧ju̧ku̧ yettekue'äkuotü.

San Lucas 21:25 Referans Kwoze

Apocalipsis 20:11

Ja̧'hua̧ ja̧'a̧ttö̧ adihuä i̧dȩä̧cä̧ tȩä̧cä̧ topinösä. Ja̧'hua̧ta̧nö̧ ju̧huä̧cä̧nä̧ ya̧tȩ pi̧nö̧. Ju̧huȩnȩ dȩä̧cä̧nä̧ pö̧ ä'ca jo̧mȩttö̧ pi̧jä̧'i̧nä̧, mo̧ro̧jä̧'i̧nä̧ juiyönä toei'ina'a. Ttö̧jo̧mȩ yoröiso juiyina'a.

Hechos 2:19

Mo̧ro̧jä̧ra̧'a̧ttö̧ ttö̧ja̧ ttieru juäi chi̧jȩpä̧cua̧sä̧. Pi̧jä̧nä̧mä̧ chi̧jȩpä̧cua̧sä̧ ttucuoja'inä, ocurä'inä, ocurä isoppa'inä.

San Marcos 13:26

Ja̧'hua̧nö̧ päi'omenä, Ubo I̧tti̧ adihuä ujurunä dä'änö kä̧dȩpö̧nä̧ ajiya isoppanä icha'a tottäcuotö.

San Marcos 13:24

Juhua'a yabonö huo̧juȩti̧nö̧do Jesús: —Ja̧'hua̧ ja̧'a̧nä̧ ja̧u̧nu̧ mo̧ro̧, ubara ttuttu mo̧ro̧ o'ca'a, mo̧ro̧ kä̧hua̧ yo̧ä̧cua̧'a̧. Yodo kä̧hua̧'i̧nä̧ tȩa̧huo̧ca̧'a̧ jä̧cua̧'a̧.

San Mateo 24:29

Juhua'a yabonö huo̧juȩti̧nö̧do Jesús: —Ja̧u̧nu̧ mo̧ro̧, ubara ttuttu mo̧ro̧ o'ca'a, mo̧ro̧ kä̧hua̧ yo̧ä̧cua̧'a̧. Yodo kä̧hua̧'i̧nä̧ tȩa̧huo̧ca̧'a̧ jä̧cua̧'a̧. Si̧ri̧'cö̧'i̧nä̧ mo̧ro̧jä̧ra̧'a̧ttö̧ ttattähuächäcuotö. Mo̧ro̧jä̧ jähuä o'ca juiyönä ttö̧ȩpä̧cua̧'a̧.

San Marcos 15:33

Täcö kä̧hua̧ jueö kö̧rö̧ päi'omenä, o'ca juiyönä pi̧jä̧nä̧ yo̧i̧'i̧na̧'a̧do recuonänö, kä̧hua̧ huerächi'örö, a las tres päi'omenä cä'ädö.

San Mateo 27:45

Ja̧u̧nu̧ pä̧nä̧ o'ca juiyönä pi̧jä̧nä̧ kä̧hua̧ jueö kö̧rö̧ päi'omenä kä̧mä̧dö̧ yo̧i̧'i̧na̧'a̧do. Ja̧'hua̧nö̧ ja̧'a̧nä̧ kä̧hua̧ huerächi'örö cä'ädö mo̧ro̧ päi'ina'ado.

San Lucas 21:24

Ttörohuähuomenä, yotöcunä hua'ö tticuäcuotö. Korotörö ko̧ro̧jä̧cu̧tä̧, ko̧ro̧jä̧cu̧tä̧ cärenä ttötatö pä'ö ttȩpä̧cuo̧tö̧. Ja̧'hua̧ta̧nö̧ korotö ko̧ro̧jä̧ttö̧ ichäcuähuotö Jerusalén ötahuiyänä surojuo'epö cuettächäcuotö, jitöjarö huettö beipächome jubö päi'önä, —pä'inödo Jesús.

San Lucas 21:26

Pi̧jä̧nä̧ 'cuäopä̧cuȩ amöcuädö, pi̧jä̧ ttö̧ja̧ ye'ecu ttijuiyuächi'äcuotö. Mo̧ro̧jä̧ jähuä'inä ttö̧ȩpä̧cua̧'a̧.