San Lucas 21:15 - TÄ̧DO Ä̧CUÄ̧ I̧HUȨNȨ

¹⁵ Ja̧u̧nu̧ mo̧ro̧ päi'omenä jicuhuähuätucuä̧cuȩ'i̧nä̧, rö̧ȩnä̧ huo̧juä̧huä̧'i̧nä̧, cuaboiyotö yoröiso ucutu päcuhuätucuttu'inä i̧mi̧cu̧nä̧ pättö juiya pä'ö, chi̧yä̧cuä̧u̧jä̧.

Nuevo Testamento Uwotjüja

¹⁵ Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

San Lucas 21:15 Referans Kwoze

Efesios 6:19

Ttörö'inä amöcuädö ucuocuätucui Diosrö, iyattö pä'ö i̧huȩnȩ chucuocuäcua'a̧nö̧. Ja̧'hua̧ta̧nö̧ yeähuä juiyönä chucuocuäcua'a̧nö̧ korotörö ttieru huȩnȩ, suronä jȩttö̧ jȩpö̧ icu huȩnȩ.

San Lucas 12:12

Ja̧u̧nu̧ cucuocuätucuomenä, Espíritu Santotä u̧huo̧juȩtä̧cuo̧tö̧jä̧ cuädätucuä̧cuȩmä̧.

Hechos 6:10

Ja̧'hua̧nö̧ ja̧'a̧ttö̧ Estebanrö ttädätö juiyö'a̧nö̧ ja̧'a̧, Espíritu Santo huo̧ju̧nä̧ jiähua'attö.

San Lucas 24:45

Ja̧'hua̧nö̧ päomenä, ttamöcuädö bahuecuächina'ado Huȩyu̧cuä̧ Huȩnȩ ttu̧huo̧juä̧chi̧'a̧ pä'ö.

Santiago 1:5

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

Hechos 26:28

Ja̧'hua̧nö̧ ja̧'a̧ Agripa pä'inödo Pablorö: —Jitämä ucu jicuhuäumä chä̧ju̧cuo̧mȩnä̧, Jesucristorö chesetö'a̧nö̧ ja̧'a̧.

Hechos 24:25

Ja̧'hua̧nö̧ ja̧'a̧nä̧ suronä jȩä̧cuä̧huä̧ juiyönä adiu kä̧cuä̧huä̧ huȩnȩ'i̧nä̧, Dios ttö̧ja̧rö̧ pojocuä mo̧ro̧'i̧nä̧ Pablo ucuocua'a ä̧ju̧cuo̧mȩnä̧, Félix ye'ecue'inödo. Pä'inödo: —Jitämä täi. Koronö koro juäi jȩcho̧co̧mȩnä̧, pä'äji ta'anö huo̧chä̧cua̧sä̧ cuicha pä'ö.

Hechos 2:4

Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

San Lucas 21:16

Ja̧'hua̧nö̧ ja̧'a̧nä̧ ucutu cuamönä cuä̧'o̧tö'i̧nä̧, cuamönä cu̧jä̧hua̧tö̧'i̧nä̧, cuamönä cuahuaruhuä'inä, cuamönä cu̧huo̧juä̧u̧'i̧nä̧, ucuturu ttiyäcuotö korotörö. Ucututtu yotöcunärö cuä'ö tticuäcuotö.