San Lucas 20:36 - TÄ̧DO Ä̧CUÄ̧ I̧HUȨNȨ

³⁶ Juhua'attö yoröiso 'corupä'i'ocotö ttäcuotö. Angeles ta'anö ttäcuotö. 'Corupätti'omettö ttottächa'attö, Dios i̧tti̧mö̧ ttäcuotö.

Nuevo Testamento Uwotjüja

³⁶ Pä'ejita'a̧nü̧mä̧ wa'ü ttiku juiyünä̧ ja̧'a̧ttü̧. Á̧gȩrȩ jü̧'a̧nü̧tä̧ ttäkuotü. Wa'arettü kki̧'i̧kuä̧ i̧tti̧mü̧ tta'attü̧, Dio i̧tti̧mü̧tä̧ ttäkuotü, ttottächü o'ka'amä̧.

San Lucas 20:36 Referans Kwoze

Apocalipsis 21:4

Ttajuähuomenä, Dios ttö'äre 'ca̧huä̧cua̧. Täcö 'corupäi'äcuähuä'inä, ajuäcuähuä'inä, tta̧'cua̧ tta̧huȩcuä̧cuä̧huä̧'i̧nä̧, ubara ttuhuähuä'inä juiyäcua'a. O'ca juiyönä pä'äji ka̧cui̧nö̧mä̧ 'cuäopina'a.

Filipenses 3:21

Ja̧u̧ ichomenä, ujutu hua'ä tidepä jättäpäyotörö ö̧'ä̧ro̧tä̧cua̧, chutä jä̧ttä̧pä̧ya̧ öadihuä jö̧ ta'anö tö̧ja̧cua̧ pä'ö. Chutä ujurunä koro juäi o'ca juiyönä hueö 'cuäopä̧cuȩ ujurunä jȩä̧cua̧.

San Mateo 22:30

Ttö̧ja̧ ttottächomenä, ttirecuarö jäecuocö. Tti̧tti̧mö̧ nä̧tö̧rö̧'i̧nä̧ iyähuocö ttirecua päi'önä. Dios umöhuäyotö ángeles mo̧ro̧jä̧nä̧ ttö̧ja̧cu̧ ta'anö ttö̧ja̧cuä̧cuo̧tö̧.

Apocalipsis 20:6

Äcuomenä ttottächomettö tto'ächätömä eseunu ttö̧ja̧cuä̧cuo̧tö̧. Ja̧'hua̧ta̧nö̧ Dios ä'ca jo̧mȩttö̧ adihuä isotö päi'önä ttö̧ja̧cuä̧cuo̧tö̧. Todärenä 'corupätti'omettö yoröiso 'cuäopoca'a jä̧cua̧'a̧ jahuätörö. Jahuätömä Dios ä'ca jo̧mȩttö̧'i̧nä̧, Cristo ä'ca jo̧mȩttö̧'i̧nä̧ sacerdotes isotö pätti'äcuotö. Ja̧u̧cu̧ ya'ute mil a̧'ȩ jo̧mȩnä̧ huettäcuotö.

1 Corintios 15:42

Ja̧'hua̧nö̧ jä̧cua̧'a̧ 'corupä'i'ö'cotö ttottächomenä. 'Corupä'i'äjirö, hua'ö icuru 'turätö. Juhuorö'inä ttottächomenä, yoröiso 'corupä'i'ocötä tto̧ä̧chä̧cua̧.

Apocalipsis 22:9

Ja̧'hua̧nö̧ ja̧'a̧nä̧ ttörö pä'inö: —Ja̧'hua̧nö̧mä̧ jȩcu̧'ä̧'. Ucu ta'anö, cu̧jä̧hua̧tö̧, Dios hueö ucuocuätömä, pi̧yȩ cuyäru'tänä huȩyu̧cuä̧ päö'a̧nö̧ jȩpä̧tö̧ ta'anö, Dios u̧mö̧huä̧ya̧sä̧. Diosrötä eseunu ucuocui.

1 Corintios 15:26

Ja̧'hua̧ta̧nö̧ rö̧ji̧nä̧ a̧bo̧i̧ya̧rö̧, 'corupäi'äcuähuä be'epäjipö i̧cuä̧cua̧.

San Marcos 12:25

Ttö̧ja̧ ttottächomenä, ttirecuarö jäecuocö. Tti̧tti̧mö̧ nä̧tö̧rö̧'i̧nä̧ iyähuocö ttirecua päi'önä. Angeles mo̧ro̧jä̧nä̧ ttö̧ja̧cu̧ ta'anö ttö̧ja̧cuä̧cuo̧tö̧.

1 Corintios 15:49

Ja̧'hua̧nö̧ ja̧'a̧ttö̧ jitämä ujutumä pi̧jä̧ ttö̧ja̧ jö̧'a̧nö̧ huotöjä. Juhuorö'inä yodojimä mo̧ro̧jä̧ ttö̧ja̧ jö̧ ta'anö tö'ärohuächäcuotöjä.

Romanos 8:16

Ja̧'hua̧ta̧nö̧ ja̧u̧tä̧ Espíritu Santo ujutu ta̧'cua̧ru̧hua̧rö̧ huo̧juȩtö̧, ujutu iso päi'önä Dios i̧tti̧mö̧jä̧ pä'ö.