San Lucas 20:24 - TÄ̧DO Ä̧CUÄ̧ I̧HUȨNȨ

²⁴ Pärätä̧bi̧ i̧jȩpä̧tu̧cui̧ttö̧. ¿Di a̧'cua̧juä̧ttö̧ pi̧yȩmä̧? ¿Di i̧mi̧ huȩyu̧cua̧'a̧jä̧ttö̧ pi̧bi̧ pärätä̧bi̧nä̧? Ja̧u̧ru̧ ädätinätödo: —Romanos ttö̧ja̧ ttu̧ru̧hua̧ a̧'cua̧juä̧'i̧nä̧, i̧mi̧'i̧nä̧ pa̧'a̧.

Nuevo Testamento Uwotjüja

²⁴ —Poku iyätukuittü pä̧rä̧tä̧bi̧. ¿Pi̧bi̧nä̧mä̧ dí a̧'kua̧juä̧ pa̧'a̧kuä̧ttü̧, dí i̧mi̧jä̧ttü̧? päomȩnä̧, ttädätinä̧ku̧: —Ru̧wa̧ Césa,

San Lucas 20:24 Referans Kwoze

San Mateo 18:28

Ja̧'hua̧nö̧ ja̧'a̧nä̧ ja̧u̧ räopächomenä, ka̧ra̧rö̧ a̧hua̧ru̧hua̧rö̧, ja̧u̧ru̧tä̧ ji̧'qui̧cha̧nö̧tä̧ mippotörö po̧cui̧pi̧nö̧do. Ja̧u̧ a̧hua̧ru̧hua̧rö̧ u̧ru̧pä̧'quȩnä̧ chu'ädö pä'inödo: “Ttörö cuimippotömä mitittö.”

Filipenses 4:22

O'ca toi'önä pȩnȩ ka̧cuä̧tö̧mä̧ Dios i̧tti̧mö̧'i̧nä̧, romanos ttu̧ru̧hua̧ ojusodettö'inä te'ähuätö ucuturu.

Hechos 26:32

Ja̧'hua̧nö̧ ja̧'a̧ Agripamä Festorö pä'inödo: —Chutä romanos ttö̧ja̧ ttu̧ru̧hua̧ ä̧ju̧cua̧rö̧ pä'ö jäepoca'a ji̧nö̧ttö̧mä̧, rä'epö ticuajacu.

Hechos 11:28

Jahuätöttö ya̧tȩ, Agabo pä'ö mi̧cua̧, Jesucristorö esetätö ttö̧'quȩtȩttö̧ ä̧rä̧mi̧'i̧nö̧do. Ji'ähuinödo Espíritu Santo huo̧juȩcuä̧nä̧, pi̧jä̧nä̧ o'ca juiyönä rö̧ȩnä̧ ppäi ttuttäcuotö pä'ö. Iso päi'önä chutä päinö ta'anö, ppäi ttu'inätödo Claudio ru̧hua̧ päi'önä ö̧ji̧nö̧mä̧.

San Lucas 23:2

Juhua'attö yapareu huȩnȩtä̧ ji'ähuinätödo ja̧u̧ru̧. Pä'inätödo: —Pidemä ujutu tahuaruhuä suronä jȩtta̧ pä'ö jiähua'a po̧cui̧pi̧nä̧tö̧jä̧. Ja̧u̧mä̧ romanos ttö̧ja̧ ttu̧ru̧hua̧rö̧ pärätä timitö juiyö'a̧nö̧ ja̧'a̧ pä'ödo. Ja̧'hua̧ta̧nö̧ “Ttötäsä Cristo” pä'ödo. Ja̧'hua̧nö̧ päomenä, “Ttötäsä ru̧hua̧mä̧,” pä'ödo, —pä'inätödo.

San Lucas 20:22

Ji'ähuitö, romanos ttö̧ja̧ ttu̧ru̧hua̧rö̧ pärätä timitomenä, ¿adihua'a tä̧ji̧?

San Lucas 3:1

Ttö̧jä̧pö̧ttö̧nö̧ ji̧mö̧tȩ jähuä a̧'ȩ ru̧hua̧ ö̧ja̧'a̧mä̧, ji̧nä̧ isocu hueähuä i̧sa̧ ru̧hua̧ Tiberio pi̧nö̧do. Poncio Pilatomä Judea rȩjȩ ru̧hua̧ pi̧nö̧do. Herodesmä Galilea rȩjȩ ru̧hua̧ pi̧nö̧do. Ö̧jä̧hua̧ Felipemä Iturea rȩjȩ'i̧nä̧, Traconite rȩjȩ'i̧nä̧ ru̧hua̧ pi̧nö̧do. Ja̧'hua̧ta̧nö̧ Lisaniasmä Abilinia rȩjȩ ru̧hua̧ pi̧nö̧do.

San Lucas 2:1

Ji̧yȩnö̧ mo̧ro̧ ji̧nä̧ isocu hueähuä i̧sa̧, ru̧hua̧ Augusto hue'inödo o'ca toi'önä tti̧mi̧ ttiyarö pä'ö.

San Mateo 20:2

Jahuätörö ihueye ya'ute mo̧ro̧ ttaditö micuähuome iya pä'ö ucuocuinödo. Ja̧u̧nu̧ o'ca'a ö'ättara̧'a̧ hueinä̧u̧do.

San Mateo 22:20

Ju̧huä̧bi̧ pärätä̧bi̧ topö, Jesús jä'epinödo: —¿Di a̧'cua̧juä̧ttö̧ pi̧yȩmä̧? ¿Di i̧mi̧ huȩyu̧cua̧'a̧jä̧ttö̧ pi̧bi̧ pärätä̧bi̧nä̧?

San Lucas 20:23

Ja̧'hua̧nö̧ pätta'a, Jesús huo̧jui̧nö̧do yapareu ttamöcuäda'a. Pä'inödo: —¿Dä̧bö̧ ttörö ka̧cuä̧mö̧ jäcuhue'ätucuättö?

San Lucas 20:25

Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧, chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús.

San Marcos 12:16

Ja̧'hua̧nö̧ päomenä, ji̧bi̧tȩtä̧ i'cächö ttiyinäcudo. Ju̧huä̧bi̧ pärätä̧bi̧ topö, Jesús jä'epinödo: —¿Di a̧'cua̧juä̧ttö̧ pi̧yȩmä̧? ¿Di i̧mi̧ huȩyu̧cua̧'a̧jä̧ttö̧ pi̧bi̧ pärätä̧bi̧nä̧? Jahuätö ädätinätödo: —Romanos ttö̧ja̧ ttu̧ru̧hua̧ a̧'cua̧juä̧'i̧nä̧, i̧mi̧'i̧nä̧ pa̧'a̧.