San Lucas 2:38 - TÄ̧DO Ä̧CUÄ̧ I̧HUȨNȨ

³⁸ Ja̧u̧nu̧tä̧ Ana'inä ju̧huȩnȩtä̧ ki̧nä̧ju̧do. Ja̧'hua̧nö̧ ja̧'a̧ttö̧ Diosrö ucuocu cä'ädö, o'ca toi'önä Jerusalén ötahuiyä ttö̧ja̧rö̧, suronä jȩttö̧ jȩpö̧ i̧cuä̧cua̧rö̧ tta̧'ä̧rä̧'i̧jä̧tö̧rö̧, ucuocuinäjudo ji̧'qui̧cha̧hua̧ Jesúsru.

Nuevo Testamento Uwotjüja

³⁸ Jua̧u̧nu̧tä̧, yotäku ichi'ü Ana-mä̧ kkü̧ä̧nä̧wa̧ Dio-rü eseu ukuokuinä̧ju̧ ja̧'wa̧ta̧nü̧ ji̧'ki̧cha̧wa̧ Jesú ütü'kü ukuokuinä̧ju̧, Jerusarȩ́ ttü̧ja̧rü̧ surojüttü rä'epü ikuäkua'a tta̧'a̧rä̧'i̧jä̧tü̧ o'katoi'ünä̧rü̧.

San Lucas 2:38 Referans Kwoze

San Lucas 2:25

Ja̧u̧nu̧ pä̧nä̧ ya̧tȩ ki̧'ä̧ji̧nö̧do Jerusalén ötahuiyänä Simeón pä'ö mi̧cua̧. Ja̧u̧ adihuä i̧sa̧, Diosrö ucuotäcuähuä i̧sa̧ pi̧nö̧do. Ja̧u̧ tta̧'ä̧ri̧'ä̧ji̧nö̧do Israel ttö̧ja̧rö̧ suronä jȩttö̧ jȩpö̧ i̧cuä̧cua̧ icha'anä. Simeón ami iso'quinä Espíritu Santorö ku̧nä̧ri̧nö̧do.

2 Corintios 9:15

Diosrö adiu tesehuäcuähuätucuaja. Iso päi'önä ja̧u̧mä̧ juiyo rö̧ȩnä̧ adihuä juäi iyö ujuturu.

San Lucas 24:21

Ujutu ja̧u̧ru̧ tta̧'ä̧ri̧nä̧tö̧jä̧, Israel ttö̧ja̧rö̧ rä'epö icua pä'ö. Ja̧'hua̧ta̧nö̧ jitämä ja̧u̧ juäi 'cuäopäji o'ca'a huäbodäcuä mo̧ro̧ päi'a'a.

San Lucas 1:68

Adiu ttucuocuaja Tu̧ru̧hua̧rö̧, Israel ttö̧ja̧ Ttä̧do̧ ä̧cua̧ Diosrö. Ichäji ujutu umöhuäyotörö surojöttö ejädö icua pä'ö.

Efesios 1:3

Diosrö, Tu̧ru̧hua̧ Jesucristo Jä'orö, teseäcuähuätucuaja. Ja̧u̧ ujuturu iyinä̧u̧jä̧ Cristorö tesetomenä, o'ca juiyönä adihuä juäi mo̧ro̧jä̧ra̧'a̧ ka̧cu̧.

San Lucas 23:51

Ja̧u̧'i̧nä̧ Dios U̧ru̧hua̧ päi'önä kö̧rö̧ esetö tta̧'ä̧ri̧nö̧do. Ja̧'hua̧ ja̧'a̧ttö̧ jahuätö ruhuotö jȩttä̧ji̧mä̧ ji̧nä̧ yo̧mȩtȩ amöcuädocö pi̧nö̧do.

San Marcos 15:43

Ja̧u̧nu̧ mo̧ro̧ ya̧tȩ José pä'ö mi̧cua̧, Arimatea ötahuiyä i̧sa̧, ichi'inödo. Ja̧u̧mä̧ judíos ttö̧ja̧ ji̧nä̧ isocu ttu̧ru̧hua̧ i̧sa̧ pi̧nö̧do. Ja̧u̧'i̧nä̧ Dios U̧ru̧hua̧ päi'önä kö̧rö̧ esetö tta̧'ä̧ri̧nö̧do. Ja̧u̧mä̧ yecuäcuähuä juiyönä, Pilato ö̧'o̧mȩ do'ächi'ö, jä'epinödo Jesúsru u'tura pä'ö.

San Lucas 2:36

Ja̧'hua̧ta̧nö̧ ju̧huȩnȩtä̧ ki̧nä̧ju̧do yajute yodoji 'cuäopä̧cuȩ jiäcuähuä isaju, Ana pä'ö micuaju. Aser isotö i̧sa̧ Fanuel ittiju pi̧nä̧ju̧do. Täcö juiyo böa isaju pi̧nä̧ju̧do. Möäyaju käi kirecuorö ȩmi̧nä̧ju̧ o'caju ki̧nä̧ju̧do ko̧ro̧mö̧ttö̧nö̧ todäre a̧'ȩtä̧ kirecuocu.