San Lucas 2:36 - TÄ̧DO Ä̧CUÄ̧ I̧HUȨNȨ

³⁶ Ja̧'hua̧ta̧nö̧ ju̧huȩnȩtä̧ ki̧nä̧ju̧do yajute yodoji 'cuäopä̧cuȩ jiäcuähuä isaju, Ana pä'ö micuaju. Aser isotö i̧sa̧ Fanuel ittiju pi̧nä̧ju̧do. Täcö juiyo böa isaju pi̧nä̧ju̧do. Möäyaju käi kirecuorö ȩmi̧nä̧ju̧ o'caju ki̧nä̧ju̧do ko̧ro̧mö̧ttö̧nö̧ todäre a̧'ȩtä̧ kirecuocu.

Nuevo Testamento Uwotjüja

³⁶ Ja̧'wa̧ta̧nü̧ juȩnȩmä̧ profeta isaju, Ana pä'ü mi̧kuaju kki̧nä̧ju̧, Fanuel ittiju, Aser isotü isaju, buasaju juo'ächinä̧ju̧. Uborü jerupajuru kkirekuo ȩmi̧na̧'a̧ttü̧mä̧, kko̧ro̧mü̧ttü̧nü̧ todäre a̧'ȩ'tä̧ kkü̧ji̧na̧'a̧ ji̧na̧'a̧.

San Lucas 2:36 Referans Kwoze

Hechos 21:9

Felipe i̧tti̧mö̧ pa̧ja̧cuä̧nö̧ nä̧tö̧ tti̧rȩcuo̧mö̧ to'ätörö ku̧nä̧ri̧nö̧. Dios jahuätörö iyäjimä ji'ähuä'ijätö.

1 Corintios 12:1

Chö̧jä̧hua̧tö̧, koro huȩnȩ, Espíritu Santo o'ca toi'önärö iyähuä, cu̧huo̧juä̧tu̧cua̧ pä'ösä.

Hechos 2:18

Ja̧u̧nu̧ mo̧ro̧ Espíritu Santorö huȩdä̧cua̧sä̧ ttö huedö jȩpä̧tö̧rö̧, u̧mä̧tö̧rö̧'i̧nä̧, nä̧tö̧rö̧'i̧nä̧ chi̧huȩnȩ jittähua pä'ö.

Apocalipsis 7:6

Aser ahuaruhuättö doce mil jo̧mȩnä̧ pi̧nä̧tö̧. Neftalí ahuaruhuättö doce mil jo̧mȩnä̧ pi̧nä̧tö̧. Manasés ahuaruhuättö doce mil jo̧mȩnä̧ pi̧nä̧tö̧.

San Lucas 2:35

Ja̧'hua̧nö̧ ttu̧huo̧juä̧cuo̧tö̧ ya̧cu̧nä̧ ttami iso'quinä ttamöcuädö. Ja̧'hua̧nö̧ ja̧'a̧nä̧ ucurumä dacuo'quȩ cuamönä cuhuacuänä tahuähuächa'a jä̧'i̧nö̧'a̧nö̧ cua̧'cua̧ tta̧cu̧huȩcuä̧cua̧ju̧jä̧, —pä'inödo Simeón.

San Lucas 2:38

Ja̧u̧nu̧tä̧ Ana'inä ju̧huȩnȩtä̧ ki̧nä̧ju̧do. Ja̧'hua̧nö̧ ja̧'a̧ttö̧ Diosrö ucuocu cä'ädö, o'ca toi'önä Jerusalén ötahuiyä ttö̧ja̧rö̧, suronä jȩttö̧ jȩpö̧ i̧cuä̧cua̧rö̧ tta̧'ä̧rä̧'i̧jä̧tö̧rö̧, ucuocuinäjudo ji̧'qui̧cha̧hua̧ Jesúsru.

1 Corintios 11:5

Juhuorö'inä yajute kunä mö̧jȩcu̧ juiyöttömä, Diosrö kucuocuomenä'inä, Dios iyinö huȩnȩ jijähuomenä'inä, jahuäjumä ucuotäcuähuä juiyönä jȩpä̧ju̧ kirecuo dä'äcunu ö̧ja̧ pä'ö. Ja̧'hua̧nö̧ kunä mö̧jȩcu̧ juiyönä kucuocuomenä, kuhuo'che 'quirö tticuäcua jȩja̧'a̧ jä̧'i̧nö̧'a̧nö̧ jȩpä̧ju̧.

1 Timoteo 3:2

Ja̧'hua̧nö̧ ja̧'a̧ttö̧ tta̧huä̧rä̧cuä̧huä̧ i̧sa̧ päi'önä kö̧mä̧ korotö suronä ttucuocu juiyarö pä'ö adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. Ja̧u̧mä̧ a̧'cua̧ pö̧nö̧ ö̧jä̧cua̧'a̧nö̧. Ja̧u̧mä̧ korotö ttä'ca jo̧mȩ adiu ö̧jä̧cua̧'a̧nö̧. Korotö'inä ja̧u̧ru̧ ttucuotäcua'a̧nö̧. Ja̧'hua̧ta̧nö̧ koromettö ichätörö ppädäcua'a̧nö̧. Ja̧'hua̧ta̧nö̧ ahuaruhuärö huo̧juȩtä̧cuä̧huä̧ u̧huo̧juä̧cua̧'a̧nö̧.

1 Timoteo 5:9

Yajute rȩcua̧ iglesia ruhuä ppäcuhuädätucuäcuamä sesenta a̧'ȩ ku̧nä̧rä̧ju̧ru̧ kirecuo'inä ya̧tȩrö̧tä̧ ku̧nä̧ri̧nä̧ju̧ru̧tä̧, ppäcuhuädätucu'a̧nö̧ ja̧'a̧.