San Lucas 2:27 - TÄ̧DO Ä̧CUÄ̧ I̧HUȨNȨ

²⁷ Ja̧u̧ ubo 'chi̧nö̧do Diosrö ucuocuäcuähuodera̧'a̧ Espíritu Santo juȩpä̧ra̧'a̧nä̧. Ja̧'hua̧ta̧nö̧ ji̧'qui̧cha̧hua̧ ja̧ju̧ Maríacu, Josécu Diosrö ucuocuäcuähuodera̧'a̧ i'cächinätödo Jesúsru jȩtta̧rö̧ pä'ö Dios hueö ta'anö.

Nuevo Testamento Uwotjüja

²⁷ Epíritu Sa̧tu̧ juȩpä̧rä̧ku̧ Dio-rü ukuokuäkuäwodera̧'a̧ 'chi̧nü̧, jua̧u̧ Simeón-mä̧. I̧'chi̧'o̧mȩnä̧ ji̧'ki̧cha̧wa̧ ja̧ju̧'i̧nä̧, jä'o'i̧nä̧ Jesú-ru i'kächipinä̧tü̧ weäwä wȩnȩ wea'aku jȩtta̧ pä'ü.

San Lucas 2:27 Referans Kwoze

Hechos 10:19

Pedro toäjimä amöcuäda'anä, Espíritu Santo churutä pä'inödo: —Ä̧ju̧cui̧. U̧mä̧tö̧ huämetucuä ucuru usätö.

San Lucas 2:51

Ja̧'hua̧ ja̧'a̧ttö̧ jahuätöcu ppa̧'ä̧chi̧nö̧do Nazaret ötahuiyära̧'a̧. Ja̧'hua̧ta̧nö̧ jahuätö huettö yabocutä jȩpö̧ ki̧nö̧do. Ja̧'hua̧ ja̧'a̧ ja̧ju̧ kami iso'quinä ja̧u̧ o'ca juiyönä a̧mö̧cuä̧ri̧nä̧ju̧do.

San Lucas 2:48

Ja̧'hua̧nö̧ ja̧'a̧ttö̧ ja̧ju̧cu̧, Josécu topinätödo. Ja̧ju̧ pä'inäjudo: —Chi̧tti̧, ¿dä̧bö̧ jȩcu̧'ä̧jä̧ ja̧u̧mä̧ ujuturumä? Cuä'ocu, ttöcu ta̧'cua̧ tta̧'ȩcu̧ a̧mö̧cuä̧rö̧ usäjätöjä ucuru.

San Lucas 2:41

Ja̧ju̧cu̧, Josécu 'cuäopönä a̧'ȩ ji̧nö̧ a̧'u̧cuä̧ 'chi̧'ä̧ji̧nä̧tö̧do Jerusalén ötahuiyära̧'a̧ pascua fiesta jȩpö̧.

Apocalipsis 17:3

Ja̧u̧nu̧ o'ca'a, Espíritu Santo hueähuä 'cuo̧ti̧nä̧, ja̧u̧ ángel de'acu ȩpi̧nö̧ ttörö. Ju̧huȩnȩ yajute isaju, pä̧i̧cua̧ i̧sa̧ tu̧'hua̧rö̧ huä̧mä̧dä̧ju̧ru̧ topinösä. Ja̧u̧ pä̧i̧cua̧ i̧sa̧rö̧ Diosrö suronä päömä huȩyu̧cui̧na̧'a̧. Ja̧'hua̧ta̧nö̧ uhuiyä'inä ko̧ro̧mö̧ttö̧nö̧ toyure ku̧nä̧ri̧nö̧. U i̧sä̧juä̧'i̧nä̧ to̧mö̧rȩ jähuä ku̧nä̧ri̧nö̧.

Apocalipsis 1:10

Ju̧huȩnȩ chö̧jo̧mȩnä̧, ya'ute ttö̧ja̧ 'cuättächi'ö mo̧ro̧, Espíritu Santo ujurunä ma̧i̧nä̧cu̧sä̧. Chabo ja̧'a̧nä̧ttö̧ ya̧tȩ i̧huȩnȩ pä̧i̧cu̧nä̧ ucuocua'a, trompeta ucuocua'a jä̧'i̧nö̧'a̧nö̧ ä̧ju̧cui̧nö̧sä̧.

Hechos 16:7

Misia rȩjȩ pätecuänö 'chä̧hui̧'i̧nä̧tö̧do. Bitinia rȩjȩra̧'a̧ dottächa pätta'anä, Espíritu Santo ju̧huȩnȩmä̧ hue'ocö pi̧nö̧do.

Hechos 11:12

Espíritu Santo hue'inö jahuätöcu chi̧'cha̧ pä'ö chöarodoca'a. Pitö ko̧ro̧mö̧ttö̧nö̧ ya̧tȩnö̧ tö̧jä̧hua̧tö̧ ttöcu 'chi̧nä̧tö̧. Juhua'attö Cornelio ojusodenä do'ächinätöjä.

Hechos 8:29

Ja̧'hua̧nö̧ ja̧'a̧ Espíritu Santo Feliperö pä'inödo: —Juhuäcä carucänä tö'cönänö täi'i.

San Lucas 4:1

Jesús Espíritu Santorö su̧'pȩhua̧ ppa̧'ä̧chi̧nö̧do Jordán ajera̧'a̧ttö̧. Ja̧'hua̧ ja̧'a̧ttö̧ Espíritu Santomä oipinäcudo de'ara̧'a̧.

San Lucas 2:22

Pa̧ja̧cuä̧chi̧na̧'a̧do täcö ji̧yȩnö̧ mo̧ro̧ jahuätö surojöttö 'cuättopächa pä'ö Moisés hueähuä huȩnȩ päö ta'anö. Jerusalén ötahuiyära̧'a̧ ji̧'qui̧cha̧hua̧rö̧ ȩpi̧nä̧tö̧do tti̧jȩpa̧ pä'ö Tu̧ru̧hua̧ Diosrö.

San Mateo 4:1

Ja̧u̧nu̧ o'ca'a Espíritu Santomä o'ipinödo Jesúsru de'ara̧'a̧, ähuettä ka̧cuä̧mö̧ toarö pä'ö.

San Lucas 2:28

Simeón ji̧'qui̧cha̧hua̧rö̧ jappahui'ö, Diosrö adiu ucuocuinödo. Pä'inödo:

Gálatas 4:4

Ja̧'hua̧nö̧ ja̧'a̧nä̧ churutä pä̧huä̧ rö̧jo̧mȩnä̧ Dios I̧tti̧rö̧ hue'inö, yajute isajuttu uhuäpächa pä'ö. Ja̧u̧ judíos i̧sa̧ ta'anö hueähuä huȩnȩ jȩtto̧mȩ uhuäpächinö.