San Lucas 2:14 - TÄ̧DO Ä̧CUÄ̧ I̧HUȨNȨ

¹⁴ Tucuotätucua Dios Ju'toju Ru̧hua̧rö̧. Tta̧'cua̧ adiunä ttö̧ja̧cua̧ pätä̧u̧ pi̧jä̧nä̧ ka̧cuä̧tö̧mä̧, Dios öjö'cä̧u̧mä̧.

Nuevo Testamento Uwotjüja

¹⁴ «¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

San Lucas 2:14 Referans Kwoze

Romanos 5:1

Ja̧'hua̧nö̧ ja̧'a̧ttö̧ ujutu tesetiniyäcu, Dios ujuturu jȩpi̧nö̧ chutäcu ji̧nä̧ ji̧yȩtȩ huotö ta pä'ö. Ja̧'hua̧ ja̧'a̧ttö̧ Diosmä aboiyotömäcö̧jä̧ Tu̧ru̧hua̧ Jesucristorö teseta'attö.

San Lucas 19:38

Pä'inätödo: —Pide ru̧hua̧, Tu̧ru̧hua̧ i̧mi̧nä̧ ichömä adiu ö̧jä̧cua̧. Mo̧ro̧jä̧ra̧'a̧ eseu ttö̧jä̧cua̧'a̧nö̧. ¡Diosrö eseäcuähuätucui!

Colosenses 1:20

Ja̧'hua̧nö̧ ja̧'a̧ttö̧ Diosmä o'ca juiyönä pi̧jä̧nä̧ ka̧cu̧'i̧nä̧, mo̧ro̧jä̧nä̧ ka̧cu̧'i̧nä̧ ttesehuarö pä'inödo. Ja̧'hua̧nö̧ ja̧'a̧ttö̧ Cristo dau isodänä 'corupäi'omenä, eseäcuähuä iyinödo.

San Lucas 1:79

Tȩa̧u̧ i'cächä̧u̧ yo̧ö̧nä̧ ka̧cuä̧tö̧rö̧, hua'are tö'cö ka̧cuä̧tö̧rö̧, u̧huo̧juȩta̧ pä'ö Diosrö eseunu tö̧ja̧cua̧ pä'ö, ucuocuinödo Zacarías.

Apocalipsis 5:13

Ja̧'hua̧ta̧nö̧ o'ca toi'önä Dios aditinä̧u̧, mo̧ro̧jä̧nä̧ ka̧cuä̧tö̧'i̧nä̧, pi̧jä̧nä̧ ka̧cuä̧tö̧'i̧nä̧, pi̧jä̧ dȩa̧'a̧nä̧ ka̧cuä̧tö̧'i̧nä̧, ajehuiyänä ka̧cuä̧tö̧'i̧nä̧ pätta'a ä̧ju̧cui̧nö̧sä̧. Jahuätö pä'inätö: Chutä i̧dȩä̧cä̧nä̧ pö̧rö̧'i̧nä̧, chutä Corderorö'inä o'ca juiyönä eseäcuähuä'inä, ucuotäcuähuä'inä, eseunu ucuocuäcuähuä'inä, ujuru'inä ttiyö'a̧nö̧ ja̧'a̧, 'cuäopönä.

Hechos 10:36

Iso päi'önä Dios hue'inö Jesucristo, Israel ttö̧ja̧rö̧ jiähua pä'ö i̧huȩnȩ, adihuä huȩnȩ, eseunu kä̧cuä̧huä̧ huȩnȩ. Chutä Jesucristo o'ca toi'önä Ttu̧ru̧hua̧ päi'önä kö̧.

San Juan 17:4

“Pi̧jä̧nä̧ kä̧nö̧ ucurutä eseunu ucuocu jȩpä̧'i̧jö̧sä̧. Jȩcha̧ pä'ö huecuhuinömä cä'ädösä jitämä.

2 Tesalonicenses 2:16

Tu̧ru̧hua̧ Jesucristo'inä, Tä'o Dios'inä ujuturu repe'ö adiu eseäcuähuä'inä, adiu tta̧huä̧rä̧cuä̧huä̧'i̧nä̧ iyinö.

Filipenses 2:11

Ja̧'hua̧ta̧nö̧ o'ca toi'önä ttättö'inä jittähuäcuotö Jesucristomä Tu̧ru̧hua̧ ja̧'a̧ pä'ö. Iso päi'önä Tä'o Diosrö ttucuotäcua'a̧nö̧.

San Lucas 3:22

Ja̧'hua̧ta̧nö̧ Espíritu Santo unucu ta'anö hua̧ mȩyȩhui̧'ö̧ kä̧mä̧di̧nö̧do Jesúsru tottönä päi'önä. Ja̧'hua̧ta̧nö̧ ttä̧ju̧cu̧nä̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö chi̧tti̧ rȩni̧'a̧jä̧. Ucuru juiyo eseusä, —päina'ado.

San Mateo 21:9

Korotömä ä'canä 'chä̧tö̧'i̧nä̧, tto'ca'anä 'chä̧tö̧'i̧nä̧ huopinätödo: —¡Ru̧hua̧ David I̧tti̧rö̧ eseäcuähuätucui! Tu̧ru̧hua̧ i̧mi̧nä̧ ichömä adiunä ö̧jä̧cua̧. ¡Diosrö eseäcuähuätucui!

Efesios 1:9

Ja̧'hua̧ta̧nö̧ churutä pä̧huä̧ rö̧jo̧mȩnä̧ chutä jȩa̧ pä'ö amöcuädinö huȩnȩ, tu̧huo̧jua̧ pä'ö iyinä̧u̧jä̧.

Efesios 1:6

Ja̧'hua̧nö̧ ja̧'a̧ttö̧ chutä adihuä I̧tti̧rö̧ tesetomenä, ujuturu adihuä juäi iyinömä amöcuädö, 'cuäopönä eseäcuähuätöjä Diosrö.

Filipenses 2:13

Chutä Diostä ucuturu iyö adiu amöcuädäcuähuä. Ja̧'hua̧ta̧nö̧ ja̧u̧tä̧ ucuturu ppä'ädö churutä pä̧huä̧ rö̧jo̧mȩnä̧, adiu amöcuädäcuähuä jȩcu̧'ä̧tu̧cua̧ pä'ö.

Efesios 2:7

Chutä ja̧'hua̧nö̧ jȩpi̧nö̧do, iso päi'önä yodoji'inä ujuturu, rö̧ȩnä̧ rȩpȩä̧cua̧ tu̧huo̧jua̧ pä'ö. Ja̧'hua̧ta̧nö̧ o'ca juiyönä adihuä juäi i̧yä̧cua̧ ujuturu Cristo Jesúsru teseta'attö tu̧huo̧jua̧ pä'ö.

Efesios 2:4

Ja̧'hua̧nö̧ ja̧'a̧nä̧ Dios ujuturu rö̧ȩnä̧ repe'ö, re rö̧jö̧nä̧ toinä̧u̧jä̧.

San Juan 14:27

“Chami iso'quinä eseunu röji ucuocusä ucuturu. Ucuturu eseäcuähuä iyösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ eseäcuähuä ttiyö'a̧nö̧ iyocösä. Cua̧'cua̧ tta̧cu̧huȩcuä̧tu̧cuä̧'. Ja̧'hua̧ta̧nö̧ yecuhuecuätucuä'.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

San Lucas 2:13

Ja̧'hua̧nö̧ päi'omenä, ja̧u̧ ángelcu korotö ángeles recuätö i̧jȩcuä̧chi̧nä̧tö̧do mo̧ro̧jä̧ra̧'a̧ttö̧. Diosrö adiu ucuocu pä'inätödo:

San Lucas 2:15

Ja̧'hua̧nö̧ ja̧'a̧ ángeles mo̧ro̧jä̧ra̧'a̧ ppa̧ttä̧chä̧chä̧ji̧ o'ca'a o̧vȩja̧stö̧rö̧ tta̧huä̧rä̧cuä̧huä̧ isotö pä'ähuinätödo ka̧ra̧ ka̧ra̧rö̧: —Belén ötahuiyära̧'a̧ ti̧'chä̧tu̧cua̧, pi̧yȩ 'cuäopäji, Tu̧ru̧hua̧ jiähuäji totätucua.