San Lucas 19:13 - TÄ̧DO Ä̧CUÄ̧ I̧HUȨNȨ

¹³ I̧'chä̧cua̧'a̧ ä'canä to̧mö̧rȩ ruhuä umöhuäyotörö huopö iyinödo pärätä̧bi̧, rö̧ȩnä̧ micuähuä̧bi̧, ka̧ra̧rö̧'i̧nä̧, ka̧ra̧rö̧'i̧nä̧. Ja̧'hua̧ ja̧'a̧ pä'inödo: “Ȩmö̧ iyä'chö icu ca̧ca̧tö̧ jȩpi̧ ppa̧dä̧cho̧mȩ jubö päi'önä.”

Nuevo Testamento Uwotjüja

¹³ Ja̧'wa̧nü̧ 'chä̧nü̧ kkä̧nü̧ u̧mü̧wä̧yotürü wopo'ü, pärätämä̧ to̧mü̧rȩ jäwä jo̧mȩnä̧ iyü päinä̧u̧: Pi̧yȩ pärätämä̧ rü̧ä̧chü̧nä̧ aditätukui, ppa̧dä̧chomȩbü päi'ünä̧.

San Lucas 19:13 Referans Kwoze

San Juan 12:26

Ya̧tȩ ttörö ppäda päöttömä, ttöcu cueächäcua'a̧nö̧. Ttö chö̧jo̧mȩ'i̧nä̧, ttörö ppä'ädömä ö̧jä̧cua̧. Ya̧tȩ ttörö ppä'ädörö, Chä'o ja̧u̧ru̧ u̧cuo̧tä̧cua.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

Santiago 1:1

Ttömä Santiagosä. Dios'inä, Tu̧ru̧hua̧ Jesucristo'inä hueö jȩpö̧sä̧. Israel ttö̧ja̧ttö̧ dö'ecuächinätö'cotö pi̧jä̧ pa̧ja̧cu̧nä̧ ka̧cuä̧tö̧rö̧, te'äusä.

Gálatas 1:10

Ja̧'hua̧nö̧ pädomenämä, ¿ttö̧ja̧ ttöjö'cattö pä'ö päda'a tä̧ji̧? Tta̧'a̧huä̧jä̧. Diostä öjö'cattö pä'ö pä'ösä. ¿Ttö̧ja̧ ttörö pä̧huä̧ rö̧jö̧ tottattö pä'ö jȩcha̧'a̧ tä̧ji̧? Ttö ji̧nä̧ ttö̧ja̧ ttöjö'cattö pä'ö jȩcha̧ pädöttömä, Cristomä u̧mö̧huä̧ya̧ pocö pajisä.

San Mateo 25:16

Chumä cinco mil bolívares jo̧mȩnä̧ ȩmi̧nö̧mä̧, koro juäi ȩmö̧'i̧nä̧, iyö'inä jitä ya'ute cinco mil bolívares jo̧mȩnä̧ ȩmi̧nö̧do.

San Mateo 25:20

Äcuomenä cinco mil bolívares jo̧mȩnä̧ ȩmi̧nö̧mä̧ ichi'ö, ru̧hua̧rö̧ cinco mil bolívares jo̧mȩnä̧ ppa̧'ä̧di̧nö̧do. Ja̧u̧ pä'inödo: “Chu̧ru̧hua̧, cinco mil bolívares jo̧mȩnä̧ cuiyinäcusä. Koro cinco mil bolívares jo̧mȩnä̧'i̧nä̧ ttö aditö chȩmi̧nö̧mä̧ ucuru iyösä.”

San Mateo 25:22

Ja̧u̧nu̧ o'ca'a u̧mö̧huä̧ya̧mä̧ dos mil bolívares jo̧mȩnä̧ ȩmi̧nö̧mä̧ ichi'ö pä'inödo: “Chu̧ru̧hua̧, ucumä dos mil bolívares jo̧mȩnä̧ cuiyinäcusä. Koro dos mil bolívares jo̧mȩnä̧'i̧nä̧ ttö aditö chȩmi̧nö̧mä̧ ucuru iyösä.”

San Mateo 25:24

Ja̧u̧nu̧ o'ca'a u̧mö̧huä̧ya̧mä̧ ya'ute mil bolívares jo̧mȩnä̧ ȩmi̧nö̧mä̧ ichi'ö pä'inödo: “Chu̧ru̧hua̧, ucumä ra̧huä̧rö̧jä̧ huo̧jua̧sä̧. Cutocö ji̧nö̧tä̧, ca̧ca̧tö̧ja̧. Cu̧ju̧no̧cö̧ ji̧nö̧tä̧ ȩmö̧jä̧.

San Lucas 19:12

Ja̧'hua̧nö̧ ja̧'a̧ päinä̧u̧do: —Ya̧tȩ ki̧nö̧do ucuo i̧sa̧. Korotö tti̧rȩjä̧ra̧'a̧ i̧hui̧nö̧do ru̧hua̧ ttu̧ju̧na̧rö̧ pä'ö. Ju̧huȩnȩ o'comenä, ppa̧'ä̧chi̧nö̧do pä'äji ta'anö.

San Lucas 19:14

Ja̧'hua̧nö̧ ja̧'a̧nä̧ idepiyu ttö̧ja̧ ttöjö'cococu pi̧nö̧do. I̧'chi̧nö̧ o'ca'a, hue'ähuotörö jittähua pä'ö hue'inätödo: “Ja̧u̧ru̧mä̧ pä̧huä̧ juiyä̧u̧jä̧ ujutu tu̧ru̧hua̧ päi'önä.”