San Lucas 18:34 - TÄ̧DO Ä̧CUÄ̧ I̧HUȨNȨ

³⁴ Pi̧yȩmä̧ yoröiso huo̧juä̧chi̧'o̧co̧tö̧ pi̧nä̧tö̧do. Yoröiso ucuocumä jerupinätödo. Ja̧u̧mä̧ ttu̧huo̧juä̧chi̧'ö̧ juiyönä ji̧nö̧do.

Nuevo Testamento Uwotjüja

³⁴ Pä'anä̧, Jesú jiäumä̧ wo̧jui̧'o̧ko̧tü̧ pinä̧tü̧, jua̧u̧ jueimä̧ ttieru jäwä ja̧'a̧.

San Lucas 18:34 Referans Kwoze

San Lucas 9:45

Ja̧'hua̧nö̧ ja̧'a̧nä̧ u̧huo̧juȩtä̧u̧ huo̧juä̧chi̧'o̧co̧tö̧ pi̧nä̧tö̧do ja̧'hua̧nö̧ päa'anä. Ttu̧huo̧juä̧chi̧'ö̧ juiyönä jȩi̧nä̧u̧do. Ja̧'hua̧ta̧nö̧ päji adiu jiähuatö pä'ö jäecuänä ye'ecuinätödo.

San Marcos 9:32

Ja̧'hua̧nö̧ ja̧'a̧nä̧ jahuätö huo̧juä̧chi̧'o̧co̧tö̧ pi̧nä̧tö̧do ja̧u̧ jiäumä. Ja̧'hua̧ta̧nö̧ jättepa pätta'anä ye'ecuinätödo.

San Juan 12:16

Äcuomenä ja̧u̧ huȩnȩ päömä 'cucuächi'oca'a ä̧ju̧cui̧nä̧tö̧do u̧huo̧juȩtä̧u̧mä̧. Ja̧u̧nu̧ o'ca'a, Jesús ttoächomenä, ja̧u̧ o'ca juiyönä ja̧u̧ru̧ huȩyu̧cua̧'a̧ amöcuädinätödo. Ja̧'hua̧nö̧ huȩyu̧cua̧'a̧ttö̧, ihueye 'cuäopina'ado ja̧u̧ru̧.

San Juan 10:6

Jesús pi̧yȩ koro juäi jä̧'i̧nö̧'a̧nö̧ jö̧ huȩnȩ u̧huo̧juȩto̧mȩnä̧, 'cucuächi'oca'a ä̧ju̧cui̧nä̧tö̧do.

San Lucas 24:45

Ja̧'hua̧nö̧ päomenä, ttamöcuädö bahuecuächina'ado Huȩyu̧cuä̧ Huȩnȩ ttu̧huo̧juä̧chi̧'a̧ pä'ö.

San Lucas 24:25

Ja̧'hua̧ ja̧'a̧ Jesús pä'inödo jahuätörö: —Yoröiso huo̧juȩcuä̧mä̧, huo̧jui̧po̧co̧tö̧jä̧. Dios i̧huȩnȩ jiäcuähuä isotö o'ca juiyönä jittähuinömä recuometä huo̧jui̧pä̧tö̧jä̧.

San Lucas 2:50

Ja̧'hua̧nö̧ ja̧'a̧nä̧ jahuätö huo̧juä̧chi̧'o̧co̧tö̧ pi̧nä̧tö̧do päömä.

San Lucas 18:33

Ja̧'hua̧ta̧nö̧ cuäcuättäcuotö ja̧u̧ru̧. Ja̧'hua̧ta̧nö̧ ja̧u̧ru̧ cuä'ö tticuäcuotö. Ja̧'hua̧nö̧ ja̧'a̧nä̧ huäbodäcuä mo̧ro̧ päi'omenä 'corupäi'ö o'ca'a tto̧ä̧chä̧cua̧.