San Lucas 17:16 - TÄ̧DO Ä̧CUÄ̧ I̧HUȨNȨ

¹⁶ Jesús ä'ca jo̧mȩ ihue'quiyunä kä̧mä̧dö̧, ö'ä rȩjȩ becuächönä ja̧rȩyu̧nu̧ pä'i'inödo, adihua'a päa'attö. Ja̧u̧mä̧ Samaria rȩjȩ ttö̧ja̧ i̧sa̧ pi̧nö̧do.

Nuevo Testamento Uwotjüja

¹⁶ Jesú ä'ka jo̧mȩ ichi'ü, iwe'kiyunä̧ rȩjȩ ja̧rȩyu̧nu̧ pä̧mä̧di̧nü̧, ppäkuädäjäkusä pä'ü eseu. Jua̧u̧mä̧ Samaria ttü̧ja̧sa̧ ji̧na̧'a̧.

San Lucas 17:16 Referans Kwoze

San Mateo 10:5

Jahuätörö, u̧huo̧juȩtä̧u̧ru̧ hue'inödo Jesús. Pa̧'a̧nö̧ pä'inödo: —Judíos huocotö ttö̧ja̧cuo̧mȩcu̧ cui̧'chä̧tu̧cuä̧'. Samaria ttö̧ja̧ ttidepiyunä'inä cui̧'chä̧tu̧cuä̧'.

Apocalipsis 19:10

Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.

Apocalipsis 5:14

Ja̧'hua̧ta̧nö̧ jahuätö pa̧ja̧cuä̧nö̧ isotö a̧'cua̧rä̧tö̧ pä'inätö: —Ja̧'hua̧nö̧ jä̧cua̧. Ja̧'hua̧nö̧ päi'omenä jahuätö veinticuatro jo̧mȩnä̧ ancianos huotömä, chutä 'cuäopönä kö̧mä̧ ä'ca jo̧mȩttö̧ ttihue'quiyunä kä̧mä̧dö̧ eseunu ucuocuinätö.

Hechos 1:8

Ji̧nä̧ isocu ttö chujuru cuȩmä̧cuo̧tö̧jä̧, Espíritu Santo ucuturu ichomenä. Ttö chujurunä ttö chi̧huȩnȩ jicuhuähuäcuotöjä Jerusalén ötahuiyä ttö̧ja̧rö̧'i̧nä̧, o'ca juiyönä Judea rȩjȩ ttö̧ja̧rö̧'i̧nä̧, Samaria rȩjȩ ttö̧ja̧rö̧'i̧nä̧, kara'a oto ka̧cuä̧tö̧rö̧'i̧nä̧, —pä'inödo Jesús.

San Juan 4:9

Ja̧'hua̧nö̧ ja̧'a̧ttö̧ jahuäju Samaria ttö̧ja̧ isaju Jesúsru pä'inäjudo: —Ucumä judíos ttö̧ja̧ i̧sa̧mä̧, ¿tta̧'a̧nö̧ pä'ö jäcuhue'ättö ttörö, Samaria ttö̧ja̧ isajuru, ajiya chiyacu pä'ö? Ja̧u̧nu̧ pä̧nä̧mä̧, judíos ttö̧ja̧mä̧ yoröiso ucuocuocotö pi̧nä̧tö̧do Samaria ttö̧ja̧rö̧.

San Juan 8:48

Ja̧u̧nu̧ o'ca'a judíos ttö̧ja̧ pä'inätödo Jesúsru: —Ucumä Samaria ttö̧ja̧ i̧sa̧jä̧. Ja̧'hua̧ta̧nö̧ “espíritu su̧ro̧pa̧rö̧ ku̧nä̧rö̧jä̧” pätomenä, adiu pä'ätöjä.

San Lucas 5:8

Ja̧u̧ topö, Simón Pedro Jesús ä'ca jo̧mȩ ihue'quiyunä kä̧mä̧dö̧ pä'inödo: —'Quȩ'i̧pä̧chi̧ttö̧, Chu̧ru̧hua̧. Ttömä iso päi'önä suronä jȩpä̧'i̧jö̧sä̧.

San Marcos 5:33

Ja̧'hua̧ ja̧'a̧ yaju isaju ye'ecui'ö ttö̧'ä̧hui̧nä̧ju̧do. O'ca juiyönä jahuäjuru 'cuäopäjimä ku̧huo̧jua̧'a̧na̧, Jesús ä'ca jo̧mȩ 'chä̧hui̧'ö̧ kihue'quiyunä kä̧mä̧di̧nä̧ju̧do. O'ca juiyönä iso päi'önä 'cuäopäjimä ji'ähuinäjudo Jesúsru.

San Mateo 2:11

Ja̧'hua̧nö̧ ttesehuomenä, isodenä do'ächö topinätödo ji̧'qui̧cha̧hua̧rö̧, ja̧ju̧ Maríacu ö̧'a̧'a̧. Ja̧'hua̧nö̧ topö, ttihue'quiyunä kä̧mä̧dö̧ esehuinätödo ji̧'qui̧cha̧hua̧rö̧. Ja̧u̧nu̧ o'ca'a tti'cächäjimä ba'epö, rö̧ȩnä̧ micuäu juäi ttiyinäcudo oro'inä, koro adiu ameu juäi'inä.

San Lucas 17:17

Ja̧'hua̧nö̧ ja̧'a̧ Jesús pä'inödo: —¿To̧mö̧rȩ ruhuämä pȩji̧po̧co̧tö̧ päjätöjä tä̧ji̧? ¿Titö huäjättö korotö ko̧ro̧mö̧ttö̧nö̧ pa̧ja̧cuä̧nö̧ päjätömä?

1 Corintios 14:25

Ja̧'hua̧nö̧ ä̧ju̧cu̧, ami iso'quinä yä̧huä̧i̧nä̧ amöcuädömä, o'ca juiyönä ji'äu icu ihue'quiyunä kä̧mä̧dö̧, Diosrö u̧cuo̧cuä̧cua̧. Ja̧'hua̧ta̧nö̧: “Diosmä ucutucu kö̧” pä̧cua̧.