San Lucas 16:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧ta̧nö̧ Jesús pä'inödo u̧huo̧juȩtä̧u̧ru̧: —Ya̧tȩ järe ru̧hua̧ ki̧nö̧do. Ja̧u̧ ku̧nä̧ri̧nö̧do u̧mö̧huä̧ya̧ ippeyä ru̧hua̧rö̧. Ja̧'hua̧nö̧ ja̧'a̧ ja̧u̧ ippeyä ru̧hua̧ jȩö̧mä̧ ji'ähuinätödo ji̧nä̧ isocu ru̧hua̧rö̧. “Ja̧u̧ cuippeyä ru̧hua̧ suronä be'ecu icu cuhuäre”, ji'ähuinätödo.

Nuevo Testamento Uwotjüja

¹ Ja̧'wa̧ta̧nü̧ Jesú-mä̧ u̧wo̧juȩtä̧u̧rü ji'äwinü̧: ya̧tȩ pärätä ru̧wa̧ üäre tta̧'ä̧rü̧rü̧ kku̧nä̧ri̧nü̧; ja̧'wa̧nü̧ ja̧'a̧, jua̧u̧ u̧mü̧wä̧ya̧mä̧, u̧ru̧wa̧ iäre pärätä surojuoepa'a jittäwinä̧ku̧.

San Lucas 16:1 Referans Kwoze

1 Pedro 4:10

Dios ucuturu iyö ppädinö ta'anö, korotörö ppä'ädö ka̧cuä̧tu̧cui̧. Koro juäi tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, tta̧'ä̧rä̧tu̧cui̧ Dios adihuä juäi iyömä.

San Lucas 12:42

Tu̧ru̧hua̧ pä'inödo: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.

Santiago 4:3

Ja̧'hua̧ta̧nö̧ jäcuhue'ätucumä ȩmo̧co̧tö̧jä̧, suronä amöcuädö jäcuhue'ätucua'attö, suronä jȩä̧cuä̧huä̧nä̧ be'epäjipö cuicuätucu'a̧nö̧ ji̧yä̧cu̧.

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

San Lucas 15:30

Ja̧'hua̧nö̧ ja̧'a̧ jitä cui̧tti̧, nä̧tö̧ suronä jȩpä̧tö̧cu̧ cuhuäre pärätä be'ecu icuinö icha'attö, cuä'öjä päcäyä bä̧rȩpa̧rö̧.”

San Lucas 15:13

A̧'u̧cu̧nä̧tä̧ mo̧ro̧ o'come i̧tti̧ röji ru̧hua̧ öäre o'ca juiyönä ca̧ca̧ti̧'ö̧, i̧hui̧nö̧do korotö tti̧rȩjä̧ra̧'a̧ juhuorö oto. Juhua'atä kä̧nö̧ suronä jȩpö̧, öäre pärätä be'ecu icuinödo.

San Lucas 19:20

Ju̧huȩnȩ o'comenä, ka̧ra̧'i̧nä̧ pä'inödo: “Chu̧ru̧hua̧, ja̧ja̧ cuhuäre pärätä. Pö̧jä̧ta̧nä̧ juä'opö hua'adö ku̧ni̧nö̧sä̧.

San Lucas 16:19

Ja̧'hua̧ta̧nö̧ pä'inödo Jesús: —Ki̧nö̧do ya̧tȩ järe ru̧hua̧. Ö̧'ca̧tä̧huä̧ti̧yu̧ adihuä juäitä 'ca̧tä̧hui̧nö̧do. 'Cuäopönä mo̧ro̧jö̧ a̧'u̧cuä̧ a̧'cua̧ adiu eseunu fiesta jȩpi̧nö̧do.

San Lucas 8:3

Ja̧'hua̧ta̧nö̧ Herodes hueomenä, yabo hueähuä i̧sa̧ Chuza pä'ö mi̧cua̧ irecua Juana'inä, Susana'inä, korotö recuätö nä̧tö̧ ttu̧ju̧nä̧rö̧nä̧tä̧ Jesúsru ppä'ädinätö'inä Jesúscu 'chi̧nä̧tö̧do.

San Mateo 20:8

Ja̧'hua̧ ja̧'a̧ttö̧ yodo päi'omenä, pätta ru̧hua̧mä̧ ippeyä ru̧hua̧rö̧ pä'inödo: “Adicuä ttö̧ja̧rö̧ huopö, mititö jitätä. Äcuomenä, röjinä ichätörö cuimitaja. Ja̧'hua̧ta̧nö̧ röjinä, äcuomenä ichätörö cuimitaja.”

San Lucas 16:2

Ja̧'hua̧nö̧ ja̧'a̧ ru̧hua̧ ja̧u̧ru̧ huopö päinäcudo: “¿Däjehuä jä̧ ja̧u̧mä̧ ucu jȩcu̧'u̧ ttörö jittäumä? Cuaditähuä huȩyu̧tu̧ iyittö. Täcö chippeyä ru̧hua̧ huocö cuä̧cua̧jä̧.”