San Lucas 15:22 - TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧ jä'o umöhuäyotörö pä'inödo: “Jurunä ȩmo̧po̧'ä̧tu̧cui̧. 'Ca̧tä̧cuä̧huä̧ o̧ta̧ adiuttö 'ca̧tä̧tu̧cui̧rö̧. “Ödo'che i̧so̧bö̧'i̧nä̧ rö̧nä̧tu̧cui̧rö̧ ödo'chenä. Ö̧jä̧pö̧ isä'ca'inä ö̧jä̧pö̧nä̧ ku̧nä̧tu̧cui̧rö̧.

Nuevo Testamento Uwotjüja

²² Pä'anä̧ jä'omä̧, u̧mü̧wä̧yotürü pä'inü̧: 'ü̧'ka̧tä̧wä̧ta̧ adiwäta̧ttü̧ ȩmo̧po̧'ü̧ 'ka̧tä̧tu̧kui̧rü̧; üdo'che i̧so̧bü̧'i̧nä̧ rü̧nü̧, ü̧jä̧pü̧ isäya'i̧nä̧ kkü̧nä̧tu̧kui̧rü̧.

San Lucas 15:22 Referans Kwoze

Apocalipsis 6:11

Ja̧'hua̧nö̧ pättö o'ca'a, ttö̧'ca̧tä̧huä̧ti̧yu̧ teö ö̧ta̧ ttiyinä̧u̧. Ja̧'hua̧ta̧nö̧ ji̧nä̧ a̧'u̧cua̧'a̧tä̧ 'cuä'ächi'ö tta̧ttä̧ra̧ pä'ö pättinä̧u̧, korotörö'inä Cristorö ttesetomenä, jahuätörö cuä'ö tticuinö ta'anö cuä'ö tticuäcua'a o'ca toi'önä jo̧mȩnä̧ päi'a pä'ö.

Apocalipsis 19:8

Yajujua adihuä juäi linottö adicuä̧ta̧, adiu tȩä̧ta̧, tȩa̧u̧nä̧nö̧ jä̧ta̧, kö̧'ca̧tä̧hua̧ pä'ö hue'inätö. Ja̧u̧ juäi adihuä juäi linottö adicuä̧ta̧mä̧, Dios i̧tti̧mö̧ adiu jueönä cue'ächätö jä̧'i̧nö̧'a̧nö̧ ja̧'a̧.

Apocalipsis 7:9

Ja̧u̧ juäi tochinö o'ca'a, pä'äji ta'anö tochomenä, recuätö ttö̧ja̧ pi̧jä̧ pa̧ja̧cu̧nä̧ ttö̧ja̧ttö̧, o'ca toi'önä tti̧huȩnȩ pö̧nä̧ ucuocuätöttö, o'ca juiyönä ötahuiyä ttö̧ja̧ttö̧, ko̧ro̧jä̧ tti̧rȩjä̧ra̧'a̧ttö̧ ichähuotö chutä i̧dȩä̧cä̧'i̧nä̧, Cordero'inä ttä'ca jo̧mȩttö̧ ttö̧ja̧cua̧'a̧ topinösä. Juiyo recuinätö. Yoröiso ppa̧ja̧cuo̧mȩ juiyönä recuinätö. Ttö̧'ca̧tä̧huä̧ti̧yu̧ teönä 'ca̧tä̧hui̧nä̧tö̧. Ttu̧mö̧nä̧ koro juäi isojä, nȩnȩä̧ isojä jä̧'i̧nö̧'a̧nö̧, 'chu̧'ä̧ri̧nä̧tö̧.

Romanos 8:15

Ja̧u̧ Espíritu Santo, Dios ucuturu iyinäcumä, pä'äji ta'anö hueö jȩä̧cuä̧huä̧ isotö päi'önä yecuhuecuätucua pä'ö hue'ocö. Ja̧u̧mä̧ Dios i̧tti̧mö̧ päcuhui'ätucua pä'ö ppä'ädö. Ja̧u̧nä̧tä̧ Espíritu Santonä pä'ätöjä Diosrö: “¡Chä'o Dios!”

Apocalipsis 2:17

A̧ja̧ ku̧nä̧rö̧mä̧, iglesias ruhuärö Espíritu Santo päömä ä̧ju̧cui̧. Ya̧tȩ pi̧jä̧ttö̧'i̧nä̧ abonänö ju̧ru̧hua̧rö̧, maná dajö chicuinöttö chi̧yä̧cua̧ ucua pä'ö. Ja̧'hua̧ta̧nö̧ ido'qui teo'qui chi̧yä̧cua̧. Juhuo'quinä ka̧ra̧ i̧mi̧, korotömä ttierunä huȩyu̧cuä̧cua̧'a̧. Chutä juhuo'qui ido'qui ȩmö̧tä̧, ja̧u̧ i̧mi̧ huȩyu̧cua̧'a̧ u̧huo̧juä̧cua̧.”

Gálatas 3:27

Ucutu o'ca toi'önä Cristocu ji̧nä̧ ya̧tȩ cu'ätucua pä'ö bautizando pä'i'inätömä, Cristo jö̧'a̧nö̧ huotöjä.

Romanos 13:14

Pärocua'acu Cu̧ru̧hua̧ Jesucristorö adiu esetö ka̧cuä̧tu̧cui̧. Cuidepä pä̧huä̧ rö̧jö̧ jȩö̧tä̧mä̧ cuamöcuädätucuä'.

Apocalipsis 3:18

Ja̧'hua̧nö̧ ja̧'a̧ttö̧ ucuru pä'ösä, ttöttö ȩmi̧ adihuä juai oro ocuränä ku ȩmä̧huä̧, iso päi'önä järe ru̧hua̧ päi'önä cu̧ja̧ pä'ö. Ja̧'hua̧ta̧nö̧ ttöttö cu̧'ca̧tä̧huä̧ta̧ tȩä̧ta̧ ȩmi̧ cu̧'ca̧tähuä̧ta̧ pä'ö, cu̧'ca̧tä̧huä̧ta̧ jui'ö dä'äcunu cuecuhuächö juiya pä'ö. Ja̧'hua̧ta̧nö̧ jahuapö isoya ȩmi̧ cu'ärenä da'ecu tocu'a pä'ö.

Efesios 6:15

Ya̧tȩ su̧ro̧da̧u̧ i̧sa̧ ö̧jä̧pö̧ isä'ca u̧ju̧nä̧u̧'a̧nö̧ rohuäu i̧'cha̧ pä'ö, ucutu'inä ja̧'huä̧nö̧ jä̧'i̧nö̧'a̧nö̧ jo̧mȩ päi'önä Diosrö eseäcuähuä huȩnȩ jicuhuähuätucua pä'ö adicuätucui.

Romanos 3:22

Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö.

San Lucas 15:21

Ja̧'hua̧nö̧ ja̧'a̧ i̧tti̧ pä'inödo: “Chä'o, suronä jȩpä̧ji̧sä̧ Diosrö'inä, ucuru'inä. Täcö cui̧tti̧sä̧ pädäu juiyö'a̧nö̧ jä̧cu̧sä̧.”

San Lucas 15:23

Päcäyä bä̧rȩpa̧ttö̧ i'cächö cuä'ätucui, cuäcuähuä'inä eseunu kä̧nö̧ tucuätucua.