San Lucas 14:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ jȩttä̧'i̧nö̧ juäimä, cuäcuähuä cuaditomenä, o'ähui usurä isotörö'inä, ttö̧jä̧pi̧yä̧ jui'ätörö'inä, kosu kosunu ka̧cuä̧tö̧rö̧'i̧nä̧, ä̧to̧cä̧tö̧rö̧'i̧nä̧.

Nuevo Testamento Uwotjüja

¹³ Ja̧'wa̧nü̧ ja̧'a̧ttü̧, pä'käri jȩ'kuo̧mȩnä̧mä̧ ä̧tȩpi̧, usurä isotürü, tti̧'chü̧ juiyünä̧ wotürü, ttüjowiyä jui'ätürü, ä̧to̧kä̧tü̧rü̧;

San Lucas 14:13 Referans Kwoze

San Lucas 14:21

Täcö u̧mö̧huä̧ya̧ ppa̧'ä̧chö̧, ja̧u̧ o'ca juiyönä ji'ähuinödo u̧ru̧hua̧rö̧. Ja̧'hua̧nö̧ ja̧'a̧ u̧ru̧hua̧ ra̧huä̧ri̧pi̧nö̧do. Pä'inödo u̧mö̧huä̧ya̧rö̧: “Ötahuiyä mä̧ni̧yä̧ bäreunä'inä, ppo̧ö̧nä̧'i̧nä̧ täi. I'cächi pocu usurä isotörö'inä, ttö̧jä̧pö̧ jui'ätörö'inä, kosu kosunu ka̧cuä̧tö̧rö̧'i̧nä̧, ä̧to̧cä̧tö̧rö̧'i̧nä̧.”

Hebreos 13:2

Korotö cuojusodenä do'ächö ichätörö, jahuätörö adiu ppäcuhuäda pä'ö cunichi'ätucuä'. Ja̧'hua̧nö̧ jȩpö̧ korotö ttieruhua'anä ángelesrö ppä'ädinätödo.

San Mateo 22:10

Ja̧'hua̧nö̧ päomenä, umöhuäyotö ötahuiyära̧'a̧ 'chä̧nö̧, o'ipinätödo o'ca toi'önä ttö̧'o̧cui̧'ä̧u̧ru̧ suropätö'inä, adihuätö'inä. Ja̧'hua̧nö̧ jȩpö̧, ru̧hua̧ ojusode suhuädi'ina'ado ttö̧ja̧ttö̧.

1 Timoteo 5:10

Jahuäjuru o'ca toi'önä adiu ttucuocu'a̧nö̧ ja̧'a̧ adiunä kö̧ji̧na̧'a̧ttö̧. Ki̧tti̧mö̧rö̧'i̧nä̧ adiu tta̧'ä̧ri̧nä̧ju̧ru̧, kahuaruhuä kojusodenä rȩbȩhuä̧tö̧rö̧ adiu ppä'ädinäjuru, Diosrö esetätörö ttö̧jä̧pö̧ töquinäjuru, ubara ttu'ätörö adiu ppä'ädinäjuru, o'ca juiyönä adiu jȩpi̧nä̧ju̧ru̧ ppäcuhuädätucu'a̧nö̧ ja̧'a̧.

1 Timoteo 3:2

Ja̧'hua̧nö̧ ja̧'a̧ttö̧ tta̧huä̧rä̧cuä̧huä̧ i̧sa̧ päi'önä kö̧mä̧ korotö suronä ttucuocu juiyarö pä'ö adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. Ja̧u̧mä̧ a̧'cua̧ pö̧nö̧ ö̧jä̧cua̧'a̧nö̧. Ja̧u̧mä̧ korotö ttä'ca jo̧mȩ adiu ö̧jä̧cua̧'a̧nö̧. Korotö'inä ja̧u̧ru̧ ttucuotäcua'a̧nö̧. Ja̧'hua̧ta̧nö̧ koromettö ichätörö ppädäcua'a̧nö̧. Ja̧'hua̧ta̧nö̧ ahuaruhuärö huo̧juȩtä̧cuä̧huä̧ u̧huo̧juä̧cua̧'a̧nö̧.

Tito 1:8

Pärocua'acu tta̧huä̧rä̧cuä̧huä̧ i̧sa̧ koromettö ichätörö ppä'ädö. Ja̧u̧mä̧ adiunätä jȩpö̧. Ja̧u̧mä̧ korotö ttä'ca jo̧mȩ adiu kö̧. Ja̧u̧mä̧ Diosrö adiu esetö. Ja̧u̧mä̧ adiu ami 'qui'ächi'ö kö̧.

Filemón 1:7

Ucu korotörö repecuhua'a ä̧ju̧cu̧, rö̧ȩnä̧ eseunu amöcuädösä. Ucu, chö̧jä̧hua̧, Jesucristorö esetätörö ttami iso'quinä eseunu ttamöcuäda pä'ö ppä'ädinöjä.

Hechos 9:39

Ja̧'hua̧nö̧ ä̧ju̧cu̧ Pedro jahuätöcu ichinödo. Ichi'omenä ju'toju i̧so̧ca̧ra̧'a̧ ottipinäcudo. Rȩcua̧mö̧ o'ca toi'önä Pedrorö sobötö ajuäu kä̧nö̧ i̧jȩpi̧nä̧tö̧do ttö̧'ca̧tä̧huä̧ti̧yu̧'i̧nä̧, huäme o̧ta̧'i̧nä̧, Dorcas jahuätöcu kä̧nö̧, 'tö̧ji̧nö̧ o̧ta̧.

San Lucas 11:41

Ja̧'hua̧nö̧ ja̧'a̧nä̧ ucutu rettö ppädäcuähuätä cu̧ju̧nä̧rä̧tu̧cu̧tä̧ iyätucui. Ja̧'hua̧nö̧ jȩcu̧'ä̧tu̧cuo̧mȩnä̧, o'ca juiyönä jacuänä'inä, huämenä'inä töcähua'a jä̧'i̧nö̧'a̧nö̧ jä̧cua̧'a̧.

San Mateo 15:30

Ttö̧ja̧ recuätö ö̧jo̧mȩ ichinätödo. Recuätö cue'ächocotörö'inä, ä̧to̧cä̧tö̧rö̧'i̧nä̧, tti̧huȩnȩ jui'ätörö'inä, ttöjo'inä, ttöja'inä jui'ätörö'inä, koro juäi na̧'ä̧chä̧tö̧rö̧'i̧nä̧ i'cächinätödo. Jesús ä'ca jo̧mȩ rötinätödo. Jesús jahuätörö o'ca toi'önärö aditö icuinä̧u̧do.

San Lucas 14:12

Ja̧'hua̧ta̧nö̧ Jesús pä'inödo ji̧nä̧ iso o'ipäjirö: —Ji̧yȩnö̧ cu̧cuȩ ttucua pä'ö ocuhui'omenä, ucutä cuahuaruhuärö'inä, ucutä cu̧jä̧hua̧tö̧rö̧'i̧nä̧, ji̧nä̧ ji̧yȩtȩ cuahuaruhuärö'inä, ötahuiyä ruhuä järe ruhuotörö'inä ocuhui'ä'. Ja̧'hua̧nö̧ ja̧'a̧ jahuätö micuä päi'önä o̧tti̧pä̧cua̧jä̧. Ja̧'hua̧nö̧ cu̧ju̧nä̧rä̧cua̧jä̧ ocuhuipäji micuä.

San Lucas 14:14

Ja̧'hua̧nö̧ eseu cu̧jä̧cua̧jä̧ jahuätömä ttimitä̧cuȩ juitta'attö. Ja̧'hua̧nö̧ cu̧ju̧nä̧rä̧cua̧jä̧ ocuhuipäji micuä adihuä isotö ttottächomettö.