San Lucas 14:1 - TÄ̧DO Ä̧CUÄ̧ I̧HUȨNȨ

¹ Koro mo̧ro̧ ttö̧ja̧ 'cuättächi'ö mo̧ro̧ Jesúsmä fariseos huotö ttu̧ru̧hua̧ ojusodera̧'a̧ 'chi̧nö̧do ucua pä'ö. Ja̧'hua̧nö̧ ja̧'a̧ korotö fariseos huotö dajahuächö to̧ttä̧ri̧nä̧cu̧do.

Nuevo Testamento Uwotjüja

¹ Jesú-mä̧, sawaru mo̧ro̧ fariseo wotü ttu̧ru̧wa̧ ojusodera̧'a̧ttü̧ u̧kuȩ kuä̧nü̧ i̧'chä̧ja̧'a̧, kkorotü fariseo wotü'i̧nä̧ ji̧nä̧ ttiweyettü to̧ttä̧ri̧nä̧ku̧.

San Lucas 14:1 Referans Kwoze

San Marcos 3:2

Korotömä Jesúsru yä̧huä̧i̧nä̧ to̧pä̧ri̧nä̧tö̧do, ja̧u̧ru̧ aditö icuaja pä'ö, ttö̧ja̧ 'cuättächi'ö mo̧ro̧ ja̧'a̧ttö̧. Jahuätömä suronä ttucuocua pä'inätödo Jesúsru.

San Lucas 20:20

Korotörö, adihuä isotö a̧'cua̧rä̧tö̧rö̧ hue'inätödo Jesúsru koro juäi jättepa pä'ö ru̧hua̧rö̧ ttiyarö pä'ö.

San Lucas 11:37

Ja̧u̧nu̧ o'ca'a Jesús ucuocu cädomenä, ya̧tȩ fariseo i̧sa̧ oipinäcudo ojusodettö ttu̧cuȩ ttucua pä'ö. Jesús do'ächi'ö, mesa isodänä pä̧mä̧di̧nö̧do.

San Lucas 6:7

Ja̧'hua̧nö̧ ja̧'a̧ hueähuä huȩnȩ huo̧juȩtä̧tö̧'i̧nä̧, fariseos huotö'inä yähuäinä to̧pä̧ri̧nä̧tö̧do ja̧u̧ru̧ aditö icuaja pä'ö, ttö̧ja̧ 'cuättächi'ö mo̧ro̧ ja̧'a̧ttö̧. Jahuätömä suronä ttucuocua pä'inätödo Jesúsru.

San Juan 3:1

Ya̧tȩ fariseo i̧sa̧, Nicodemo pä'ö mi̧cua̧, judíos ttö̧ja̧ tturuhuotö i̧sa̧ pi̧nö̧do.

Hechos 5:34

Judíos ttö̧ja̧ sacerdotes ji̧nä̧ iso ruhuotöttö ya̧tȩ fariseos i̧sa̧ ki̧nö̧do, Gamaliel pä'ö mi̧cua̧. Hueähuä huȩnȩ huo̧juȩcuä̧ i̧sa̧ ö̧ja̧'a̧, o'ca toi'önä ja̧u̧ru̧ ucuotinätödo. Ja̧'hua̧ ja̧'a̧ Gamaliel ttö̧'quȩtȩnä̧ ä̧rä̧mi̧'ö̧, korotörö hue'inödo Jesús hue'ähuotörö jurunänötä u̧mi̧cu̧ rättepächa pä'ö.

San Mateo 12:12

Iso päi'önä ¿ya̧tȩ ttö̧ja̧ i̧sa̧ ovejattö'inä abonänö micuähuocö tä̧ji̧? Ja̧'hua̧nö̧ ja̧'a̧ttö̧ adiu jȩä̧cuä̧huä̧nä̧ adihua'a, ttö̧ja̧ 'cuättächi'ö mo̧ro̧'i̧nä̧, —pä'inödo Jesús.

San Lucas 14:2

Ju̧huȩnȩ ä'ca jo̧mȩ ki̧nö̧do ya̧tȩ rittädö märichei ku̧nä̧rö̧.

San Lucas 17:20

Fariseos huotö jä'epinätödo Jesúsru: —Dios Tu̧ru̧hua̧ päi'önä ö̧jä̧cuȩmä̧, ¿ti̧yȩnö̧ kä̧cua̧'a̧ttö̧? Ja̧'hua̧nö̧ ja̧'a̧ Jesús ädätinä̧u̧do: —Dios Tu̧ru̧hua̧ päi'önä ö̧jä̧cua̧'a̧mä̧ topö toäcuähuocö.