San Lucas 13:28 - TÄ̧DO Ä̧CUÄ̧ I̧HUȨNȨ

²⁸ Juhuorö Abrahamrö'inä, Isaacrö'inä, Jacoborö'inä, o'ca toi'önä Dios i̧huȩnȩ jiäcuähuä isotörö'inä Dios ö̧jo̧mȩ ttö̧ja̧cua̧'a̧ tocu'ätucuomenä, ucutu u̧mi̧nä̧ ka̧cui̧pä̧tö̧mä̧ rö̧ȩnä̧ ubara ttu'u cuacu ä̧chi̧jö̧nä̧ jȩcu̧'ä̧cuo̧tö̧jä̧.

Nuevo Testamento Uwotjüja

²⁸ Ja̧'wa̧nü̧ ya'oku ikuomȩnä̧, jua'attümä̧ tta̧'kua̧ tta̧'ȩku̧, usurä ȩmä̧u̧ ajuäkuäu tottäkuotü, Abraha̧-rü̧'i̧nä̧, Isaa-rü'i̧nä̧, Jaco-rü'i̧nä̧, o'katoi'ünä̧ profetas winä̧tü̧rü̧'i̧nä̧, Ru̧wa̧ Dio weomȩ ttü̧ja̧kua̧'a̧. Ja̧'wa̧nü̧ ja̧'a̧nä̧ ukutumä̧, yorisotä u̧mi̧ku̧ rä'epü ikuäwäkuotüjä̧.

San Lucas 13:28 Referans Kwoze

San Mateo 25:30

Ja̧'hua̧ta̧nö̧ pi̧dȩmä chu̧mö̧huä̧ya̧ su̧ro̧pa̧rö̧, u̧mi̧cu̧ yo̧mȩcu̧ do'opö icuätucuirö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧”, —pä'inödo Jesús.

San Mateo 22:13

Ja̧'hua̧ ja̧'a̧ ru̧hua̧ pä'inödo öäre mesa isodänä iyätörö: “Ja̧u̧ru̧ u̧mö̧nä̧'i̧nä̧, ö̧jä̧pö̧nä̧'i̧nä̧ nö'quipö'cotö u̧mi̧cu̧ yo̧mȩcu̧ do'opö icuätucuirö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.”

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

2 Tesalonicenses 1:5

Ucutu cu̧ja̧cuä̧tu̧cua̧'a̧ topö huo̧juä̧tö̧jä̧ Dios o'ca toi'önärö yoräteunä jȩpö̧ pä'ö. Ucutu ubara ttucuhuätucua'attö, Dios pä̧huä̧ rö̧jä̧cu̧ chutä ö̧jo̧mȩcu̧ cu̧ja̧cuä̧tu̧cua̧ pä'ö.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.

2 Pedro 1:11

Ja̧'hua̧nö̧ cu̧ja̧cuä̧tu̧cu̧ttu̧mä̧, adiunä docuhuächäcuotöjä Tu̧ru̧hua̧ Jesucristo ö̧jo̧mȩ, yoröiso beipocome.

San Lucas 16:23

Ja̧u̧nu̧ järe ru̧hua̧ 'corujuo'ächätö rȩbȩä̧cuä̧huo̧mȩ i̧rȩbȩhuo̧mȩnä̧, ubara ttu'inödo. Otonätä topinödo Abrahamrö Lázarocu ö̧ja̧'a̧.

San Lucas 14:15

Ja̧u̧ ä̧ju̧cu̧, ya̧tȩ fariseos i̧sa̧ jitötäcu ttu̧cuȩ cuäcuähuodänä pö̧, pä'inödo Jesúsru: —Eseunu ö̧jä̧cua̧ Dios ö̧jo̧mȩttö̧ u̧cuȩ cumä.

San Lucas 10:15

Ucutu'inä, Capernaum ötahuiyä ttö̧ja̧, ¿mo̧ro̧jä̧ra̧'a̧ cätecuächäcua'a pä'ö amöcuädätöjä tä̧ji̧? Isocö̧. 'Corupä'i'ätö ttö̧ja̧cuo̧mȩcu̧ cui̧mȩyȩhuä̧cuo̧tö̧jä̧.

San Mateo 24:51

Ja̧u̧ru̧, ippeyä ru̧hua̧ u̧mö̧huä̧ya̧rö̧, pä̧i̧cu̧nä̧ ro̧'ȩpö̧ ö̧tä̧bo̧tä̧cua̧. Korotö yapareu ttö̧ja̧ ttö̧ja̧cuo̧mȩcu̧ huȩä̧cua̧ ja̧u̧ru̧. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧, —pä'ö huo̧juȩti̧nö̧do Jesús.

San Mateo 13:50

Suronä jȩpä̧tö̧rö̧ ocuränä do'opö tticuäcuotö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧do, —huo̧juȩti̧nö̧do Jesús.

San Mateo 13:42

Ocuränä do'opö tticuäcuotö ja̧'hua̧nö̧ jȩpä̧tö̧rö̧. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.