San Lucas 12:19 - TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ ja̧'a̧ ttötä chamönä pä̧dä̧huä̧cua̧sä̧: Rö̧ȩnä̧ ka̧cua̧'a̧to, cuäcuähuämä. Rö̧ȩnä̧ a̧'ȩ cuäcuähuome hua'adö ku̧nä̧hua̧'a̧. 'Cuädächi'ö'a̧nö̧ ja̧'a̧. Cuä̧nö̧'i̧nä̧, au'inä cheseu'a̧nö̧ ja̧'a̧ ja̧u̧nu̧mä̧.”

Nuevo Testamento Uwotjüja

¹⁹ Ja̧'wa̧nü̧ jȩpü̧ kä̧'ä̧di̧'ü̧'ka̧, cha̧mü̧nä̧ pä̧dä̧wä̧kua̧sä̧: Juiyo rekuo mo̧ro̧ kkä̧kuä̧wo̧mȩ kku̧nä̧rü̧jä̧ cha̧'kua̧rü̧wa̧: Jitämä̧, 'kuä'ächi'ü au, kuä̧nü̧, esewi.

San Lucas 12:19 Referans Kwoze

1 Corintios 15:32

Pi̧yȩmä̧ korotö pättö'a̧nö̧ pä'ösä. Ttömä rohuähuinösä isotöcu, ra̧huȩpi̧jö̧ huotöcu, Efeso ötahuiyättö. Ja̧'hua̧nö̧ ja̧'a̧nä̧ ¿däje chȩmi̧na̧'a̧jä̧ttö̧ ja̧'hua̧nö̧ jȩpö̧mä̧? Iso päi'önä 'corupä'i'ö'cotö ttottächoca'a jö̧ttö̧mä̧, korotö pättö'a̧nö̧ pä'ätöjä ujutu'inä. Pa̧'a̧nö̧ pä'ätödo: “Jitämä cuä̧nö̧'i̧nä̧, au'inä tö̧ja̧cuä̧tu̧cua̧ja̧, yo̧ȩi̧mä̧ 'corupäti'äcuotöjä” pä'ö.

Santiago 5:5

Pi̧jä̧nä̧ ka̧cuä̧tö̧jä̧ a̧'cua̧ cui̧'ö̧, amöcuädäcuähuä juiyönä. Ucutumä bärepächätöjä pä̧cä̧yö̧ jä̧'i̧nö̧'a̧nö̧. Täcö pä̧cä̧yö̧ bärepätö cuä'ö tticu mo̧ro̧ päi'a'a jä̧'i̧nö̧'a̧nö̧ ja̧'a̧ ucuturu.

Filipenses 3:19

Jahuätömä yoröiso ttottei'äcuotö. Jahuätömä cuä̧nö̧ ttu̧cuä̧ba̧ jähuätä amöcuädätö. Jahuätö koro juäi dä'äcu jȩä̧cuä̧huä̧ juäi, yoröiso eseunu jȩpä̧tö̧. Pi̧jä̧ jähuätä amöcuädätö.

Apocalipsis 18:7

Jahuäju eseunu, ka̧'cua̧ ko̧mȩnä̧ kö̧ji̧na̧'a̧ttö̧, ka̧'cua̧ tta̧'ȩcu̧, ubara ttuja pä'ö iyätucuiju. Yajutä kami iso'quinä pä'ä'chäju: “Ruhuaju isaju ta'anö pä̧ju̧sä̧. Recua ta'anö ko̧co̧ju̧sä̧. Ubara'inä ttu'ocojusä.”

1 Pedro 4:3

Iso päi'önä Diosrö jerupätö suronä jȩpö̧ jȩttö̧'a̧nö̧, jȩpö̧ ka̧cui̧nä̧tö̧jä̧ recuo ucutu'inä. Ja̧u̧nu̧ suronä ka̧cui̧nä̧tö̧jä̧ ucuturu pä̧huä̧ rö̧jö̧tä̧ jȩpö̧. Ja̧'hua̧ta̧nö̧ cuamönätucu cuamöcuädäu jȩpi̧nä̧tö̧jä̧. Tä̧'ä̧mö̧ kä̧nö̧ huopö ka̧cui̧nä̧tö̧jä̧. Ttu̧mö̧nä̧ adicuä'inä esetö ka̧cui̧nä̧tö̧jä̧.

2 Timoteo 3:4

Jitötä ttahuaruhuärö iyö tticuäcuotö. Ja̧'a̧tä̧ repeähuä juiyönä ttö̧ja̧cuä̧cuo̧tö̧. Jitötä ttamönätä repettäcuähuäcuotö. Pi̧jä̧ jähuä Dios i̧huȩnȩttö̧'i̧nä̧ abonänö ttamöcuädäcuotö.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.

1 Timoteo 5:6

Ja̧'hua̧nö̧ ja̧'a̧nä̧ yajute recua pi̧jä̧ jähuä amöcuädö kö̧jo̧mȩnä̧, 'corupä'i'ätö jä̧'i̧nö̧'a̧nö̧ kä̧ju̧.

San Lucas 21:34

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

San Lucas 16:19

Ja̧'hua̧ta̧nö̧ pä'inödo Jesús: —Ki̧nö̧do ya̧tȩ järe ru̧hua̧. Ö̧'ca̧tä̧huä̧ti̧yu̧ adihuä juäitä 'ca̧tä̧hui̧nö̧do. 'Cuäopönä mo̧ro̧jö̧ a̧'u̧cuä̧ a̧'cua̧ adiu eseunu fiesta jȩpi̧nö̧do.

San Lucas 12:18

Ja̧'hua̧nö̧ ja̧'a̧ amöcuädi'inö: “Täcö huo̧juä̧chi̧'ö̧sä̧ jȩchä̧cuȩmä̧. Jȩpö̧ chi̧cuä̧cua̧sä̧ chu̧cuȩ ya̧mö̧du kä̧'i̧jode, koro ode ju̧huȩnȩ abonänö rö̧ode chadita pä'ö. Ja̧'hua̧nö̧ ja̧'a̧ juhuodenä chu̧cuȩ ya̧mö̧'i̧nä̧ o'ca juiyönä chu̧ju̧nä̧rö̧'i̧nä̧ hua'adö chu̧ju̧nä̧cua̧sä̧.