San Lucas 12:11 - TÄ̧DO Ä̧CUÄ̧ I̧HUȨNȨ

¹¹ “Ja̧'hua̧nö̧ ja̧'a̧ judíos ttu̧huo̧jui̧'i̧nodehuiyära̧'a̧ ucuturu ttȩpö̧ttö̧'i̧nä̧ ruhuotö ttä'ca jo̧mȩ ttȩpö̧ttö̧'i̧nä̧, cuädätätucuä̧cuȩmä̧ cuamöcuädätucuä'.

Nuevo Testamento Uwotjüja

¹¹ Ukuturu sinagoga odewiyära̧'a̧ ttȩpü̧ttü̧'i̧nä̧, Juez jü̧nä̧ wotü ttü̧'ȩjo̧mȩ ttȩpü̧ttü̧'i̧nä̧ ja̧'wa̧ta̧nü̧ ukuo isotü ttü̧'ȩjo̧mȩ ttȩpü̧ttü̧'i̧nä̧, tta̧'a̧nü̧ tädätäkua'ajó, toku jitäwäkua'ajó pä'ümä̧ kua̧'kua̧ tta̧kuȩkuä̧tu̧kuä̧.

San Lucas 12:11 Referans Kwoze

San Lucas 12:22

Ja̧u̧nu̧ o'ca'a Jesús pä'inödo u̧huo̧juȩtä̧u̧ru̧: —Ja̧'hua̧ta̧nö̧ ucuturu pä'ösä, “¿Däje chucuäcua'ajo?” pä'ömä cua̧mö̧cuä̧rä̧tu̧cuä̧'. Ja̧'hua̧ta̧nö̧ cu̧'ca̧tä̧huä̧ti̧yu̧'i̧nä̧ cua̧mö̧cuä̧rä̧tu̧cuä̧'.

San Mateo 23:34

Ja̧'hua̧nö̧ ja̧'a̧ttö̧ Dios i̧huȩnȩ jiäcuähuä isotörö'inä, rö̧ȩnä̧ huo̧juä̧tö̧rö̧'i̧nä̧, huo̧juȩcuä̧ huo̧juȩtä̧tö̧rö̧'i̧nä̧ huȩdä̧cua̧sä̧ ucuturu. Ja̧'hua̧nö̧ ja̧'a̧nä̧ korotörö cuä'ö icu, daunä pȩ'o̧pö̧ cu̧ju̧nä̧cuo̧tö̧jä̧. Korotörö judíos ttu̧huo̧jui̧'i̧nodehuiyättö cuäcuäcu'äcuotöjä. Ja̧'hua̧ta̧nö̧ jahuätö tto'ca'anä koromecu, koromecu cui̧'chä̧cuo̧tö̧jä̧, suronä jȩcu̧'ä̧tu̧cua̧ pä'ö jahuätörö.

San Mateo 6:25

Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ ucuturu pä'ösä, “Däje chahuäcua'ajo, däje chucuäcua'ajo” pä'ömä cua̧mö̧cuä̧rä̧tu̧cuä̧'. Ja̧'hua̧ta̧nö̧ cu̧'ca̧tä̧huä̧ti̧yu̧'i̧nä̧ cua̧mö̧cuä̧rä̧tu̧cuä̧'. Iso päi'önä, ¿cu̧ja̧cuä̧tu̧cu̧mä̧ cu̧cuȩttö̧'i̧nä̧ abonänö micuähuoca'a tä̧ji̧? ¿Cuidepämä cu̧'ca̧tä̧huä̧ti̧yu̧ttu̧'i̧nä̧ abonänö micuähuoca'a tä̧ji̧?

San Mateo 6:27

Ja̧'hua̧ta̧nö̧ ucututtu ya̧tȩ rö̧ȩnä̧ a̧mö̧cuä̧rö̧ttö̧mä̧, ¿ucututtu'inä abonänö böo pä'i'ö tä̧ji̧?

San Mateo 6:28

“¿Dä̧bö̧ cua̧mö̧cuä̧rä̧tu̧cuä̧ttö̧, cu̧'ca̧tä̧huä̧ti̧yu̧mä̧? De'a jähuä ȩ'u̧ bahua'a topö amöcuädätucui. Yoröiso aditö'inä aditocö, ö̧'ca̧tä̧huä̧ta̧'i̧nä̧ aditocö ja̧u̧ ȩ'u̧mä̧.

San Mateo 6:31

Ja̧'hua̧nö̧ ja̧'a̧ttö̧ ¿Däje tucuäcua'ajä̧ttö̧? ¿Däje tahuäcua'ajä̧ttö̧? ¿Däje tö̧'ca̧tä̧huä̧cua̧'a̧jä̧ttö̧? pä'ö a̧mö̧cuä̧rö̧ päcuhuätucuä'.

San Mateo 6:34

Ja̧'hua̧nö̧ ja̧'a̧ttö̧ yo̧ȩi̧ mo̧ro̧ 'cuäopä̧cuȩmä̧ cua̧mö̧cuä̧rä̧tu̧cuä̧'. Ja̧u̧nu̧tä̧ yo̧ȩi̧ mo̧ro̧tä̧ 'cuäopä̧cuȩmä̧ kä̧cua̧'a̧. Koro mo̧ro̧'i̧nä̧, koro mo̧ro̧'i̧nä̧ rö̧ȩnä̧ 'cuäopä̧cuȩmä̧ ka̧'a̧, —pä'ö huo̧juȩti̧nö̧do Jesúsmä.