San Lucas 1:68 - TÄ̧DO Ä̧CUÄ̧ I̧HUȨNȨ

⁶⁸ Adiu ttucuocuaja Tu̧ru̧hua̧rö̧, Israel ttö̧ja̧ Ttä̧do̧ ä̧cua̧ Diosrö. Ichäji ujutu umöhuäyotörö surojöttö ejädö icua pä'ö.

Nuevo Testamento Uwotjüja

⁶⁸ ¡Irae ttü̧ja̧ ttu̧ru̧wa̧ Dio-rü teseäkuäwätukua, isopäi'ünä̧ u̧mü̧wä̧yotürü topü ichükkä̧nü̧, surojüttü rä'epü iku ichä'attü̧!

San Lucas 1:68 Referans Kwoze

San Lucas 7:16

Ja̧'hua̧nö̧ tottomenä, o'ca toi'önä ye'inätödo. Ja̧'hua̧nö̧ ja̧'a̧ttö̧ Diosrö eseunu ucuocuinätödo. Pä'inätödo: —Ya̧tȩ ucuo i̧sa̧, Dios i̧huȩnȩ jiäcuähuä i̧sa̧ i̧jȩcuä̧jä̧u̧jä̧ ujutu tö̧'quȩtȩttö̧. Ja̧'hua̧ta̧nö̧ pä'inätödo: —Dios umöhuäyotörö ppä'ädö ichäji.

Efesios 1:3

Diosrö, Tu̧ru̧hua̧ Jesucristo Jä'orö, teseäcuähuätucuaja. Ja̧u̧ ujuturu iyinä̧u̧jä̧ Cristorö tesetomenä, o'ca juiyönä adihuä juäi mo̧ro̧jä̧ra̧'a̧ ka̧cu̧.

San Lucas 2:38

Ja̧u̧nu̧tä̧ Ana'inä ju̧huȩnȩtä̧ ki̧nä̧ju̧do. Ja̧'hua̧nö̧ ja̧'a̧ttö̧ Diosrö ucuocu cä'ädö, o'ca toi'önä Jerusalén ötahuiyä ttö̧ja̧rö̧, suronä jȩttö̧ jȩpö̧ i̧cuä̧cua̧rö̧ tta̧'ä̧rä̧'i̧jä̧tö̧rö̧, ucuocuinäjudo ji̧'qui̧cha̧hua̧ Jesúsru.

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

San Lucas 19:44

Rȩjȩ i̧sa̧ppȩnä̧tä̧ ttö'ärotipäcuotöjä. Ötahuiyä ruhuärö'inä yoröiso toönä cuä'ö tticuäcuotö. Ido'qui koro'qui huäme yoröiso ki̧'o̧ca̧'a̧ jä̧cua̧'a̧. Ja̧'hua̧nö̧ 'cuäopäcua'a ucuturu, Dios do'ächö ichomenä cuhuarodinätucua'attö, —pä'ö huo̧juȩti̧nö̧do Jesús.

San Lucas 1:71

Ja̧'hua̧nö̧ pä'inö: “Cu̧ji̧pä̧cuo̧tö̧jä̧ cuaboiyotöttö'inä, o'ca toi'önä ucuturu kö'cocotöttö'inä.”

San Lucas 24:21

Ujutu ja̧u̧ru̧ tta̧'ä̧ri̧nä̧tö̧jä̧, Israel ttö̧ja̧rö̧ rä'epö icua pä'ö. Ja̧'hua̧ta̧nö̧ jitämä ja̧u̧ juäi 'cuäopäji o'ca'a huäbodäcuä mo̧ro̧ päi'a'a.

Hebreos 9:12

Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.