San Lucas 1:36 - TÄ̧DO Ä̧CUÄ̧ I̧HUȨNȨ

³⁶ Ja̧'hua̧ta̧nö̧ cuahuaruhuaju Elizabet ki̧tti̧rö̧ ku̧ju̧nä̧rä̧cua̧ju̧ böa isaju ka'anä. Ja̧'hua̧nö̧ ki̧tti̧mö̧ to'aju pättä'ijäcua'inä täcö ko̧ro̧mö̧ttö̧nö̧ ya̧tȩ kä̧hua̧ päi'a'a ku̧mo̧du̧ba̧ ra̧'a̧mä̧.

Nuevo Testamento Uwotjüja

³⁶ Kuawaruwaju Isabe'i̧nä̧ kki̧tti̧rü̧ kku̧ju̧nä̧rä̧kua̧ju̧ büasaju kka'anä̧, täkü jitämä̧ kko̧ro̧mü̧ttü̧nü̧ ji̧yȩtȩ kkä̧wa̧tü̧ jo̧mȩnä̧ ja̧'a̧ kki̧tti̧mü̧ to'aju pättä'ijäkuarü ja̧'wa̧nü̧ ja̧'a̧mä̧.

San Lucas 1:36 Referans Kwoze

San Lucas 1:5

Ru̧hua̧ Herodes Judea rȩjȩnä̧ ö̧ji̧nö̧ pä̧nä̧, ya̧tȩ sacerdote Zacarias pä'ö mi̧cua̧ ki̧nö̧do. Ja̧u̧mä̧ Abías isotö i̧sa̧ pi̧nö̧do. Irecuamä Elizabet micuinäjudo. Ja̧'hua̧ta̧nö̧ jahuäju sacerdote Aarón isotö isaju pi̧nä̧ju̧do.

San Lucas 1:35

Angel ädätinödo: —Espíritu Santotä i̧chä̧cua̧ ucurumä. Dios Ju'toju Ru̧hua̧ ajiya isoppa jä̧'i̧nö̧'a̧nö̧ ujurunä ö̧jä̧mä̧dä̧cua̧ju̧jä̧. Ja̧'hua̧nö̧ ja̧'a̧ttö̧ ji̧'qui̧cha̧hua̧ uhuäpächä̧cua̧mä̧ adihuä i̧sa̧ jä̧cua̧. Ja̧'hua̧ta̧nö̧ pä̧ttä̧cua̧ Dios I̧tti̧ pä'ö.

San Lucas 1:37

Diosmä yoröisotä ja̧'hua̧nö̧mä̧ jȩpo̧cö̧ pättoca'a. O'ca juiyönä jȩpö̧.

Hebreos 11:11

Diosrö esetö, Sara'inä ki̧tti̧ ku̧ju̧nä̧ro̧ca̧'a̧, böa isaju kö̧ja̧'a̧ttö̧'i̧nä̧, kujuru ȩmi̧nä̧ju̧do, ki̧tti̧rö̧ ku̧ju̧nä̧ra̧ pä'ö. Iso päi'önä Dios päinö ta'anö jȩä̧cua̧ pä'ö keseta'attö, ki̧tti̧rö̧ ku̧nä̧ri̧nä̧ju̧do.