San Lucas 1:35 - TÄ̧DO Ä̧CUÄ̧ I̧HUȨNȨ

³⁵ Angel ädätinödo: —Espíritu Santotä i̧chä̧cua̧ ucurumä. Dios Ju'toju Ru̧hua̧ ajiya isoppa jä̧'i̧nö̧'a̧nö̧ ujurunä ö̧jä̧mä̧dä̧cua̧ju̧jä̧. Ja̧'hua̧nö̧ ja̧'a̧ttö̧ ji̧'qui̧cha̧hua̧ uhuäpächä̧cua̧mä̧ adihuä i̧sa̧ jä̧cua̧. Ja̧'hua̧ta̧nö̧ pä̧ttä̧cua̧ Dios I̧tti̧ pä'ö.

Nuevo Testamento Uwotjüja

³⁵ Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

San Lucas 1:35 Referans Kwoze

San Mateo 1:18

Pa̧'a̧nö̧ ji̧na̧'a̧do Jesucristo uhuäpächinömä. Ja̧ju̧ Maríamä José pä'ö mi̧cua̧ irecua jä̧cua̧ju̧ pi̧nä̧ju̧do. Josécu kö̧jä̧cua̧'a̧ ä'canä muchaju pä'i'inäjudo Espíritu Santo ujuruttu.

San Juan 1:49

Ja̧'hua̧ ja̧'a̧ Natanael pä'inödo: —Huo̧juȩcuä̧ I̧sa̧, ucumä Dios I̧tti̧jä̧. Ucumä Israel ttö̧ja̧ Ttu̧ru̧hua̧jä̧.

San Juan 1:34

Ttömä ja̧u̧ru̧ topinösä. Ttö huo̧jua̧sä̧, ja̧u̧mä̧ Dios I̧tti̧do jidähuäcua'a̧nö̧, —pä'inödo Juan.

Romanos 1:4

Ja̧'hua̧nö̧ ja̧'a̧nä̧ Dios I̧tti̧ jö̧nä̧ Espíritu Santo ujurunä i̧jȩcui̧nä̧cu̧do, Dios ja̧u̧ru̧ ttoädomenä.

San Mateo 1:20

Ja̧'hua̧nö̧ amöcuädomenä, ya̧tȩ ángel, Tu̧ru̧hua̧ huȩ'ä̧hua̧, 'cuo̧ti̧nä̧ i̧jȩcui̧nä̧cu̧do. Ja̧u̧ ángel pä'inödo: —José, David a̧hua̧ru̧hua̧, Maríarö cuirecua päi'önä cu̧ja̧ pä'ö yecuhuecuä'. Yajutä ki̧tti̧ u̧huä̧pä̧chä̧cua̧mä̧ Espíritu Santo jähuädo.

San Marcos 1:24

—Jesús, Nazaret i̧sa̧, ¿däje jȩpö̧ cuichäjättö ujuturu? ¿Ujuturu be'epäjipö icu ichäjijä tä̧ji̧? Ttö chu̧huo̧juä̧cu̧jä̧. Ucumä Diosttö adihuä i̧sa̧jä̧, huo̧jua̧sä̧.

San Mateo 27:54

Juhuorö'inä Jesús 'corupäi'omenä, su̧ro̧da̧u̧ ttu̧ru̧hua̧cu̧, Jesúsru tta̧'ä̧rä̧tö̧cu̧ ja̧u̧ juäi o'ca juiyönä rȩjȩ ttö̧ȩpa̧'a̧'i̧nä̧, koro juäi 'cuäopa'a'inä tottomenä, juiyo rö̧ȩnä̧ ye'ecuinätödo. Jahuätö pä'inätödo: —Iso päi'önä ja̧u̧ Dios I̧tti̧ päji ja̧'a̧.

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.

San Lucas 1:27

Hue'inödo doächäja pä'ö yajute isaju, uborö yoröiso jerupajuru, María pä'ö micuajuru. Jahuäju täcö ä'canä ucuocu jä'epö ttu̧ju̧ni̧nä̧cua̧ kö̧ja̧ pä'ö ya̧tȩ ubocu, José pä'ö mi̧cua̧cu̧. Ru̧hua̧ David mi̧nä̧ isotö i̧sa̧ pi̧nö̧do ja̧u̧mä̧.

Gálatas 2:20

Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

Hechos 8:36

Dubora iso'u 'cuättopomenä, ruhuaju kippeyä ru̧hua̧ pä'inödo: —Pȩnȩ iso'u ra̧'a̧. Ttö bautizado pädi'a pä̧huä̧ rö̧jä̧cu̧sä̧.

San Juan 20:31

Pi̧yȩ huȩyu̧cuä̧ ka̧'a̧ ucutumä iso päi'önä Jesúsmä Cristo ja̧'a̧ pä'ö cuesetätucua pä'ö. Ja̧'hua̧ta̧nö̧ Jesúsmä, Dios I̧tti̧ ja̧'a̧ pä'ö cuesetätucua pä'ö. Ja̧'hua̧ta̧nö̧ ja̧u̧ru̧tä̧ cuesetätucuttumä, kä̧cuä̧huä̧ i'co cu̧ju̧nä̧rä̧tu̧cua̧ pä'ö huȩyu̧cua̧'a̧ pi̧yȩ huȩnȩ.

San Marcos 1:1

Pa̧'a̧nö̧ ji̧na̧'a̧do äcuomenä Jesucristo, Dios I̧tti̧ i̧huȩnȩ.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

San Mateo 14:33

Ja̧'hua̧ ja̧'a̧ huoi'canä pȩji̧nä̧tö̧mä̧, Jesús ä'ca jo̧mȩ ttihue'quiyunä kä̧mä̧dö̧ pä'inätödo: —Iso päi'önä ucumä Dios I̧tti̧jä̧, —pä'inätödo.

San Mateo 4:3

Ja̧'hua̧nö̧ päi'omenä, ähuettä ichinödo Jesúsru suronä jȩa̧ pä'ö. Pä'inödo: —Iso päi'önä, Dios I̧tti̧ cu'uttumä, pidu inäduttu ire päi'önä jȩpi̧.

San Lucas 1:34

Ja̧'hua̧nö̧ ja̧'a̧ttö̧ María jä'epinäjudo ángelrö: —Ja̧u̧mä̧ ¿tta̧'a̧nö̧ jä̧cua̧'a̧jä̧ttö̧ ji̧nä̧ chirecuo toda'amä?

San Lucas 1:36

Ja̧'hua̧ta̧nö̧ cuahuaruhuaju Elizabet ki̧tti̧rö̧ ku̧ju̧nä̧rä̧cua̧ju̧ böa isaju ka'anä. Ja̧'hua̧nö̧ ki̧tti̧mö̧ to'aju pättä'ijäcua'inä täcö ko̧ro̧mö̧ttö̧nö̧ ya̧tȩ kä̧hua̧ päi'a'a ku̧mo̧du̧ba̧ ra̧'a̧mä̧.