San Lucas 1:17 - TÄ̧DO Ä̧CUÄ̧ I̧HUȨNȨ

¹⁷ Ja̧u̧ Juan, Tu̧ru̧hua̧ ä'ca jo̧mȩttö̧ ujuru'inä u̧ju̧nä̧rä̧cua̧, Dios i̧huȩnȩ jiäcuähuä i̧sa̧ Elías u̧ju̧nä̧ri̧nö̧'a̧nö̧. Ttä̧'o̧tö̧ tti̧tti̧mö̧cu̧ adiu ttö̧ja̧ pä'ö ji̧ä̧huä̧cua̧. Ja̧'hua̧ta̧nö̧ jarode'ätö'inä ttu̧huo̧jua̧'a̧ pä'ö eseäcuä huȩnȩ ji̧ä̧huä̧cua̧. Ja̧'hua̧nö̧ ttö̧ja̧rö̧ ji̧ä̧huä̧cua̧ adiu jȩtta̧ pä'ö Ttu̧ru̧hua̧ ichäcua'attö, —pä'inödo ángel.

Nuevo Testamento Uwotjüja

¹⁷ Ja̧'wa̧ta̧nü̧ jua̧u̧ Ju̧a̧-mä̧, Tu̧ru̧wa̧ ä'kanä̧ i̧'chä̧kua̧, Elía i̧'chi̧nü̧ta'anü̧, epírituku, ujuruku, jü̧nä̧; ttä̧'o̧tü̧rü̧ tti̧tti̧mü̧ku̧ ttesekunä̧. Ja̧'wa̧ta̧nü̧ jarodätürü'i̧nä̧ adiwä jueiku ttukuotünä̧. Ja̧'wa̧nü̧ jȩpü̧, ttü̧ja̧rü̧ jo̧mȩnü̧ jȩpü̧ u̧ju̧nä̧kua̧, Ttu̧ru̧wa̧ ichome tteseäkuäwa pä'ü.

San Lucas 1:17 Referans Kwoze

San Mateo 11:14

Ucutu cuesetätucuttumä ji'äusä, Dios i̧huȩnȩ jiäcuähuä i̧sa̧ Elías pä'ö mi̧cua̧, i̧chä̧cua̧ pättinäcumä, ja̧u̧tä̧do Juanmä.

San Lucas 1:76

Ja̧'hua̧ta̧nö̧ chi̧tti̧, Ju'toju Ru̧hua̧ Dios i̧huȩnȩ jiäcuähuä i̧sa̧ pä̧ttä̧cua̧jä̧. Tu̧ru̧hua̧ ä'canä cui̧'chä̧cua̧jä̧ u̧mä̧ni̧yä̧ jo̧mȩ päi'önä juȩ'ȩpä̧ya̧.

San Juan 3:28

“Ttömä Cristomäcö̧sä̧. Ichäcua'a ä'canä jidähua pä'ö huȩ'ä̧hua̧sä̧” jidähuomenä, adiu ä̧ju̧cui̧nä̧tö̧jä̧ ucutumä.

Apocalipsis 20:4

Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

Colosenses 1:12

Ja̧'hua̧ta̧nö̧ esehuätucui Tä'o Diosrö. Chutä ujuturu aditinö, ujutu'inä tȩa̧u̧nä̧ tȩma̧ pä'ö chutä i̧tti̧mö̧rö̧ iya päinömä.

2 Timoteo 2:21

Ja̧'hua̧nö̧ ja̧'a̧ttö̧ ya̧tȩ pi̧jä̧ jähuä jaropi'ö adiu jȩo̧mȩnä̧, Tu̧ru̧hua̧ ä'ca jo̧mȩttö̧ adihuä i̧sa̧ ö̧jä̧cua̧. Tu̧ru̧hua̧ hueömä jȩä̧cua̧. Ja̧'hua̧ta̧nö̧ o'ca juiyönä adihuä juäi jȩö̧'a̧nö̧ hua̧ jä̧cua̧.

Romanos 9:23

Ja̧'hua̧ta̧nö̧ ja̧u̧ adihuä i̧sa̧ pä'ö tu̧huo̧jua̧rö̧ pä'inö. Ja̧'hua̧nö̧ ja̧'a̧ttö̧ re rö̧jö̧nä̧ topinö ujuturu. Ä'canätä jȩpi̧nö̧ ujuturu, chutäcu tö̧ja̧cua̧ pä'ö.

Hechos 10:33

Ja̧'hua̧nö̧ päa'a chä̧ju̧cuo̧mȩnä̧, yotäcu ucuru ottächa pä'ö hue'äjisä. Ucu adiu jȩpö̧jä̧ cuichomenä. Jitä ujutu o'ca toi'önä Dios ä'ca jo̧mȩ ji̧nä̧ yo̧mȩtȩ pȩjä̧tö̧jä̧ tä̧ju̧cua̧ pä'ö o'ca juiyönä Dios ucuru hueäjimä jicuhuähua pä'ö, —pä'inödo Cornelio.

San Juan 1:34

Ttömä ja̧u̧ru̧ topinösä. Ttö huo̧jua̧sä̧, ja̧u̧mä̧ Dios I̧tti̧do jidähuäcua'a̧nö̧, —pä'inödo Juan.

San Juan 1:13

Jahuätö pi̧jä̧ ttö̧ja̧ tti̧tti̧mö̧ jö̧'a̧nö̧ huocotödo. Pi̧jä̧ ttö̧ja̧ tti̧tti̧mö̧ ttuhuäpächö'a̧nö̧ uhuäpächocotö pi̧nä̧tö̧do. Ja̧'hua̧ta̧nö̧ ya̧tȩ pi̧jä̧ ttö̧ja̧ i̧sa̧rö̧ pä̧huä̧ rö̧jo̧mȩnä̧, uhuäpächocotö pi̧nä̧tö̧do. Jahuätömä Dios i̧tti̧mö̧do.

San Lucas 1:16

Ji̧ä̧huä̧cua̧ Israel ttö̧ja̧ recuätö Ttu̧ru̧hua̧ Diosrö ppa̧ttä̧chi̧ya̧rö̧ pä'ö.

San Mateo 14:4

Juanmä Herodesrö pä'inödo: —Jahuäjuru cuirecua päi'önä cu̧jä̧', —pä'inödo.

1 Juan 2:28

Ja̧'hua̧ ja̧'a̧ chi̧tti̧mö̧ huotö, Jesucristocu ka̧cuä̧tu̧cui̧, ja̧u̧tä̧ i̧jȩcua̧'a̧ totomenä tesehuätucua pä'ö, ja̧u̧tä̧ ä'ca jo̧mȩttö̧ tödäpecu juiya pä'ö ichomenä.

San Mateo 3:4

Ja̧u̧tä̧ Juan ö̧'ca̧tä̧huä̧ti̧yu̧ camello uhuo'chettö adicua'a 'ca̧tä̧hui̧nö̧do. Ja̧'hua̧ta̧nö̧ äcä isäya ja̧u̧tä̧ juäi i̧jȩta̧ttö̧ adicua'a ru̧nä̧ri̧nö̧do. U̧cuȩmä̧ cä̧'ö̧rö̧tä̧ cuinödo. Mayatä ahuinödo.

San Mateo 3:3

Ja̧u̧ru̧tä̧ Juanrö huȩyu̧ti̧nö̧do Dios i̧huȩnȩ jiäcuähuä i̧sa̧ Isaías. Ja̧u̧ huȩyu̧ti̧nö̧do: Ya̧tȩ de'anä huopö ttä̧ju̧cua̧'a̧: “Jo̧mȩ päi'önä aditätucui Cu̧ru̧hua̧tu̧cu̧ u̧mä̧nä̧. U̧mä̧nä̧ aditö jue'epätucui”, pä'ö huȩyu̧ti̧nö̧do.