San Juan 9:5 - TÄ̧DO Ä̧CUÄ̧ I̧HUȨNȨ

⁵ Pi̧jä̧nä̧ chö̧jo̧mȩnä̧, pi̧jä̧ tȩa̧u̧ päi'önä kö̧sä̧.

Nuevo Testamento Uwotjüja

⁵ Ji̧nä̧ pi̧jä̧nä̧ chü̧jä̧i̧mä̧, Ttütäsä pi̧jä̧ i̧tȩya̧u̧sä̧.

San Juan 9:5 Referans Kwoze

San Juan 8:12

Jesús pä'äji ta'anö ttö̧ja̧rö̧ ucuocu huo̧juȩti̧nö̧do: —Ttötäsä pi̧jä̧ tȩa̧u̧mä̧. Ttöcu cue'ächömä kä̧cuä̧huä̧ i'co tȩa̧u̧ u̧ju̧nä̧rä̧cua̧. Ja̧u̧mä̧ yo̧ö̧nä̧ cue'ächocö jä̧cua̧.

San Juan 12:46

Ttötäsä pi̧jä̧ tȩa̧u̧mä̧. Ttö ichinösä ttörö esetätömä yo̧ö̧nä̧ cuettächö juiya pä'ö juhua'a yabo.

Hechos 13:47

Pa̧'a̧nö̧ Tu̧ru̧hua̧ ujuturu hue'inö. Pä'inödo: Ucuru ku̧ni̧nö̧sä̧ judíos huocotörö tȩa̧u̧ jä̧'i̧nö̧'a̧nö̧ cu̧ja̧ pä'ö, ttö̧ja̧ suronä jȩttö̧ jȩpö̧ icuähuä huȩnȩ jicuhuähua pä'ö o'ca juiyönä jättäjiya'a.

Efesios 5:14

Ja̧'hua̧nö̧ ja̧'a̧ttö̧ päa'a: Ucu ä̧'ä̧rö̧mä̧, porächi'i. 'Corupätti'inomettö tto'ächi'i. Cristo i̧tȩjä̧dä̧cua̧jä̧.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

Apocalipsis 21:23

Mo̧ro̧ kä̧hua̧'i̧nä̧, yodo kä̧hua̧'i̧nä̧ tti̧tȩa̧u̧ juiya'a ja̧u̧ ötahuiyänä. Chutä Dios'inä, Cordero'inä tti̧tȩa̧u̧ttu̧ tȩa̧hua̧'a̧.

San Mateo 4:16

juhua'a ttö̧ja̧ yo̧ö̧nä̧ ka̧cui̧nä̧tö̧mä̧, adihuä tȩa̧u̧mä̧ topinätödo. Ja̧'hua̧ta̧nö̧ ttö̧ja̧ 'corupäi'äcuähuä juruhuome ka̧cui̧nä̧tö̧mä̧, adihuä tȩa̧u̧mä̧ tȩa̧hui̧nä̧u̧do, pä'ö huȩyu̧ti̧nö̧do Isaíasmä.

Hechos 26:23

“Dios huea päinäcu Cristomä cuä'ö tti̧cuä̧cua̧,” päa'a ja̧u̧ huȩnȩmä̧. Ja̧'hua̧ta̧nö̧: “Korotö hua'arettö ttottächäcua'a ä'canä, 'corupä'i'ö'ca̧ tto̧ä̧chä̧cua̧,” päa'a. “Judíos ttö̧ja̧rö̧'i̧nä̧, judíos huocotörö'inä suronä jȩttö̧ jȩpö̧ icuähuä huȩnȩ, tȩa̧u̧ huȩnȩ ji̧ä̧huä̧cua̧,” päa'a ja̧u̧ iso päi'önä huȩnȩmä̧.

San Lucas 2:32

Ja̧u̧tä̧ tȩa̧u̧mä̧, Israel huocotörö tȩa̧huä̧cuȩmä̧, cumöhuäyotö Israel ttö̧ja̧rö̧ ttucuota pä'ö, pä'inödo Simeón.

San Mateo 5:14

“Ja̧'hua̧ta̧nö̧ ucutumä pi̧jä̧ jähuä tȩa̧u̧ jä̧'i̧nö̧'a̧nö̧ huotöjä. Iso päi'önä ötahuiyä möä'ca huäme ttaditöttömä, yoröiso dajahuächocö ja̧u̧ ötahuiyä.