San Juan 8:43 - TÄ̧DO Ä̧CUÄ̧ I̧HUȨNȨ

⁴³ Ttö jidäumä, ¿tta̧'a̧nö̧ pä'ö cuä̧ju̧cuä̧tu̧cuo̧ca̧'a̧jä̧ttö̧? Ucutu ttö jidäumä cuä̧ju̧cuä̧tu̧cua̧ pä'ocotöjä.

Nuevo Testamento Uwotjüja

⁴³ ¿Tta̧'a̧nü̧ pä'ü ttü chukuokumä̧ wo̧jui̧'o̧ko̧tü̧jä̧ttü̧? Jua'amä̧ chi̧wȩnȩ kuä̧ju̧kuä̧tu̧ku̧ juiyünä̧ ja̧'a̧ttü̧.

San Juan 8:43 Referans Kwoze

San Juan 5:43

Ttö Chä'o hueäcu ichinösä. Ttörö kö'cocotöjä ucutumä. Ja̧'hua̧nö̧ ja̧'a̧nä̧ ka̧ra̧tä̧ chutä amönä amöcuädäu jȩpö̧ ichöttömä, ja̧u̧ru̧ kö'cajatöjä.

San Juan 7:17

¿Ttötä chamönä huȩnȩ huo̧juȩtö̧sä̧ tä̧ji̧? ¿Dios i̧huȩnȩ huo̧juȩtö̧sä̧ tä̧ji̧? Ya̧tȩ Diosrö pä̧huä̧ rö̧jö̧ jȩa̧ pä'ö amöcuädöttömä, ttö chu̧huo̧juȩtö̧mä̧ u̧huo̧juä̧cua̧.

Hechos 7:51

Juhua'a yabonö pä'inödo Esteban: —Juiyo jarode'ätöjä ucutumä. Diosrö esetocotö ttamöcuädö'a̧nö̧ amöcuädätöjä. Iso päi'önä huȩnȩ ä̧ju̧cuo̧co̧tö̧jä̧. Espíritu Santorö 'cuäopönä jarode'ätöjä ucutumä. Cuä̧do̧tö̧ mi̧nä̧ jȩtti̧nö̧'a̧nö̧, ucutu'inä ja̧'hua̧ta̧nö̧ jȩpä̧tö̧jä̧.

San Juan 6:60

Pi̧yȩ huȩnȩ ä̧ju̧cu̧, recuätö Jesús o'ca'anä cue'ächätö pä'inätödo: —Jitä päjimä tesetö juiyö'a̧nö̧ ja̧'a̧to. ¿Dijä ja̧'hua̧nö̧ jȩä̧cua̧mä̧?

San Juan 8:27

Jahuätömä Jä'orö ucuocua'a jerupö, ä̧ju̧cuo̧co̧tö̧ pi̧nä̧tö̧do.

Romanos 3:11

Ya̧tȩ'i̧nä̧ toa'a ä̧ju̧cua̧ pä'ömä. Yoröiso toa'a Diosrö usumä.

San Mateo 13:15

Cuami iso'quimä 'quiyönä juoächi'ina'ado. Suronätä ä̧ju̧cuä̧tö̧jä̧. Cu'äre'inä mö̧'ȩpä̧rö̧ ka̧cuä̧tö̧jä̧ tocu'ätucu juiya pä'ö. Cuä̧ja̧nä̧'i̧nä̧ ä̧ju̧cuo̧co̧tö̧jä̧. Cuami iso'quitucunä 'cucuächi'önä ä̧ju̧cuo̧co̧tö̧jä̧. Ttörö'inä ppa̧'ä̧cho̧co̧tö̧jä̧ aditö chicuätucuacu pä'ö, pä'inödo Isaías.

San Juan 5:25

Iso päi'önä pä'ösä ucuturu, 'corupä'i'inätömä Dios I̧tti̧ i̧huȩnȩ ttä̧ju̧cu̧nä̧ päi'äcua'a. Ttö ja̧u̧mä̧ jitä ja̧'a̧ pä'ösä. Ja̧u̧ru̧ adiu ä̧ju̧cuä̧tö̧mä̧ ttö̧ja̧cuä̧cuo̧tö̧.

San Juan 8:33

Ja̧'hua̧ ja̧'a̧ttö̧ jahuätö ädätinätödo: —Ujutumä Abraham ahuaruhuä o'cotöjä. Korotö ttumöhuäyotö päi'önä ka̧cuo̧co̧tö̧ pi̧nä̧tö̧jä̧. ¿Tta̧'a̧nö̧ pä'ö päcuhuäjättö, surojöttö tejächi'a pä'ö?

San Juan 8:39

Jahuätö ja̧u̧ru̧ ädätinätödo: —Ujutu tä'omä Abraham pi̧nö̧do. Ja̧'hua̧nö̧ pättomenä, Jesús päinä̧u̧do: —Iso päi'önä Abraham i̧tti̧mö̧ cu'ätucuttumä, ja̧u̧ jȩi̧nö̧'a̧nö̧ jȩpa̧ja̧tö̧jä̧.