San Juan 8:34 - TÄ̧DO Ä̧CUÄ̧ I̧HUȨNȨ

³⁴ Ja̧'hua̧nö̧ jättepomenä, Jesús pä'inödo jahuätörö: —Iso päi'önä pä'ösä ucuturu, o'ca toi'önä suronä jȩpä̧tö̧mä̧, suronä jȩä̧cuä̧huä̧ isotödo.

Nuevo Testamento Uwotjüja

³⁴ Jesú ädätinä̧u̧: —Isopäi'ünä̧ pädäu̧jä̧, o'katoi'ünä̧ surojü jȩpä̧tü̧mä̧, surojütä 'kiyünä̧ wȩä̧u̧ ja̧'a̧.

San Juan 8:34 Referans Kwoze

Romanos 6:16

Ücutu adiu huo̧juä̧tö̧jä̧ cuiyäcuähuätucuomenä ya̧tȩ hueö jȩä̧cuä̧huä̧ isotö cu'ätucua pä'ö, yoröiso chutä hueö jȩä̧cuä̧huä̧ isotö huotöjä. Cuiyäcuähuätucuomenä suronä jȩcu̧'ä̧tu̧cua̧ pä'ö, surojö hueö jȩä̧cuä̧huä̧ isotö huotöjä. Surojömä hua'are i'cächö. Ja̧'hua̧ta̧nö̧ ja̧'a̧nä̧ Diosrö cuiyäcuähuätucuomenä, Dios hueö jȩä̧cuä̧huä̧ isotö huotöjä, cua̧'cua̧ adiu jȩpö̧ cu̧ja̧cuä̧tu̧cua̧ pä'ö.

2 Pedro 2:19

Korotörö surojö juiyönä kä̧cuä̧huä̧mä̧ huo̧juȩtä̧tö̧. Ja̧'hua̧nö̧ ja̧'a̧nä̧ jahuätörö ttu̧huo̧juȩtö̧'a̧nö̧mä̧ jȩtto̧ca̧'a̧, suronätä jȩpö̧ ka̧cuä̧tö̧. O'ca toi'önä tamöcuädötä jȩpä̧tö̧jä̧.

Romanos 6:12

Ja̧'hua̧ ja̧'a̧ttö̧ ja̧'a̧tä̧ tocu'äcuähuätucuä', ucuturu surojö juhua'a yabocu hueö juiya pä'ö, cuamönätucu cuamöcuädätucu jȩcu̧'ä̧tu̧cu̧ juiya pä'ö.

Romanos 6:6

Ujutu huo̧juä̧tö̧jä̧ täbocö tö̧ji̧nö̧mä̧ Cristocu daunä pȩ'o̧pö̧ u̧ju̧ni̧na̧'a̧, suronä jȩä̧cuä̧huä̧ be'epö icua pä'ö, suronä hueö jȩä̧cuä̧huä̧ isotö tö juiyäcua'a̧nö̧.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

Efesios 2:2

Ja̧'hua̧nö̧ jȩpö̧ cuecuhuächätucuomenä, pi̧jä̧ ttö̧ja̧ jȩttö̧ jȩpi̧nä̧tö̧jä̧. Espíritu pi̧jä̧ isoppanä hue'örö pä̧huä̧ rö̧jo̧mȩnä̧ jȩpi̧nä̧tö̧jä̧. Ja̧u̧ espíritu Diosrö esetocotörö hue'ö, suronä jȩtta̧ pä'ö.

Romanos 7:25

Ya̧tȩtä̧ Diostä Tu̧ru̧hua̧ Jesucristorö tesetomenä ppä'ädö. Ttö eseusä Diosrö. Ja̧'hua̧nö̧ ja̧'a̧ ttö chamöcuädönämä ttörö pä̧huä̧ rö̧jö̧mä̧ Dios hueö jȩcha̧ pä'ösä. Ja̧'hua̧nö̧ ja̧'a̧nä̧ ttö chidepänä surojö hueötä jȩpö̧sä̧.

Romanos 7:14

Ujutu huo̧juä̧tö̧jä̧ hueähuä huȩnȩ Diosttö icha'a pä'ö. Ja̧'hua̧nö̧ ja̧'a̧nä̧ ttömä chidepä hueötä jȩpö̧sä̧, surojö hueö jȩä̧cuä̧huä̧ i̧sa̧ cha'attö.

Hechos 8:23

Ttö topösä ucu kö'cö jui'ö amöcuädöjä. Suronä jȩcu̧'a̧'a̧ttö̧ nö̧'cä̧hua̧ ö̧ja̧'a̧ jä̧'i̧nö̧'a̧nö̧ kö̧jä̧.

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

San Mateo 5:18

Iso päi'önä pä'ösä ucuturu, pi̧jä̧'i̧nä̧, mo̧ro̧jä̧'i̧nä̧ beipächa'anä, hueähuä huȩnȩ ji̧'qui̧cha̧nö̧'i̧nä̧ beipächocödo. O'ca juiyönä päömä 'cuäopäcua'a.