San Juan 7:17 - TÄ̧DO Ä̧CUÄ̧ I̧HUȨNȨ

¹⁷ ¿Ttötä chamönä huȩnȩ huo̧juȩtö̧sä̧ tä̧ji̧? ¿Dios i̧huȩnȩ huo̧juȩtö̧sä̧ tä̧ji̧? Ya̧tȩ Diosrö pä̧huä̧ rö̧jö̧ jȩa̧ pä'ö amöcuädöttömä, ttö chu̧huo̧juȩtö̧mä̧ u̧huo̧juä̧cua̧.

Nuevo Testamento Uwotjüja

¹⁷ Ya̧tȩ Dio-rü pä̧wä̧rü̧jü̧ jȩa̧ pä'ütä ja̧'a̧, isopäi'ünä̧ Ttü chu̧wo̧juȩtü̧, Dio-ttü ichü pä'ü wo̧jua̧mä̧ ja̧'wa̧ta̧nü̧ jü̧ juiyüttü'i̧nä̧, churutä pä̧wä̧rü̧jü̧tä̧ wo̧juȩtü̧tó pä'ü wo̧jua̧mä̧.

San Juan 7:17 Referans Kwoze

San Juan 8:43

Ttö jidäumä, ¿tta̧'a̧nö̧ pä'ö cuä̧ju̧cuä̧tu̧cuo̧ca̧'a̧jä̧ttö̧? Ucutu ttö jidäumä cuä̧ju̧cuä̧tu̧cua̧ pä'ocotöjä.

San Juan 8:47

Dios i̧tti̧mö̧mä̧, Dios i̧huȩnȩ ä̧ju̧cuä̧tö̧do. Ja̧'hua̧nö̧ ja̧'a̧nä̧ Dios i̧tti̧mö̧ huocotöjä. Ja̧'hua̧nö̧ ja̧'a̧ttö̧ ucutumä cuä̧ju̧cuä̧tu̧cua̧ pä'ocotöjä, —pä'inödo Jesús.

Hechos 17:11

Judíos ttö̧ja̧mä̧ Berea ötahuiyänä ka̧cuä̧tö̧mä̧ Tesalónica ötahuiyä ttö̧ja̧ttö̧'i̧nä̧ abonänö adiu ä̧ju̧cui̧nä̧tö̧ Jesucristo i̧huȩnȩ. Berea ötahuiyä ttö̧ja̧ Pablo jiäumä adiu ttä̧ju̧cua̧ pä'inätödo. Mo̧ro̧ji̧nö̧ a̧'u̧cuä̧ Huȩyu̧cuä̧ Huȩnȩ adiu topinätödo, Pablo jiähuäjimä iso päi'önä jueö jiähuäja pä'ö.

San Lucas 8:15

Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

San Mateo 6:22

“Cu'äremä cuidepä jähuä lámpara jä̧'i̧nö̧'a̧nö̧ ja̧'a̧. Iso päi'önä cu'ärenä adiu uhuäuttumä, cuidepänä o'ca juiyönä tȩa̧hua̧'a̧.

San Juan 3:21

Ja̧'hua̧nö̧ ja̧'a̧nä̧ iso päi'önä juäi jȩpä̧tö̧mä̧, ja̧u̧ tȩa̧u̧ tö'cöpächätö, Diosrö pä̧huä̧ rö̧jo̧mȩnä̧ jȩtta̧'a̧ ttu̧huo̧juä̧cua̧'a̧nö̧ korotömä.

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.