San Juan 7:14 - TÄ̧DO Ä̧CUÄ̧ I̧HUȨNȨ

¹⁴ Fiesta täcö kä'co päi'önä jȩtta̧'a̧, Jesús Diosrö ucuocuäcuähuodenä do'ächi'ö huo̧juȩti̧nö̧do.

Nuevo Testamento Uwotjüja

¹⁴ Ja̧'wa̧nü̧ ja̧'a̧mä̧, Jesú-mä̧ pä'käri kkä'ko päi'ünä̧ jȩtta̧'a̧ jakuänä̧, Dio-rü ukuokuäkuäwodenä̧ do'ächi'ü kkä̧mä̧dü̧ wo̧juȩti̧nü̧.

San Juan 7:14 Referans Kwoze

San Juan 7:28

Jesús, Diosrö ucuocuäcuähuodenä u̧huo̧juȩto̧mȩnä̧, ja̧'hua̧nö̧ ttucuocua'a ä̧ju̧cu̧, pä̧i̧cu̧nä̧ pä'inödo: —Ttörö huo̧juä̧tö̧jä̧. Ttö chichinome huo̧juä̧tö̧jä̧, pä'ätöjä. Ttörö chamönä pä̧huä̧ rö̧jo̧mȩnä̧tä̧, ichocö pi̧nö̧sä̧. Ya̧tȩ iso päi'önä kö̧mä̧ hueäcu ichinösä. Ja̧u̧ru̧ yoröiso jerupätöjä ucutumä.

San Lucas 19:47

Mo̧ro̧ji̧nö̧ a̧'u̧cuä̧ Jesús Diosrö ucuocuäcuähuodettö huo̧juȩti̧nö̧do. Ja̧'hua̧nö̧ ja̧'a̧nä̧ sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧, ötahuiyä ruhuotö'inä Jesúsru cuä'ö tticua pä'ö usinätödo.

San Juan 18:20

Jesús päinäcudo: —Ttömä o'ca toi'önä ttä'ca jo̧mȩttö̧ yecuäcuähuä juiyönä ucuocuinösä. 'Cuäopönä judíos ttu̧huo̧jui̧'i̧nodehuiyänä'inä, Diosrö ucuocuäcuähuodenä'inä judíos ttö̧ja̧ ttö̧ca̧ca̧cuä̧ro̧mȩ huo̧juȩti̧nö̧sä̧. Ja̧'hua̧nö̧ ja̧'a̧ttö̧ yä̧huä̧i̧nä̧ ucuocuocö pi̧nö̧sä̧.

San Juan 8:2

Ja̧u̧nu̧ o'ca'a mo̧ro̧, mo̧ro̧ juomenä, Diosrö ucuocuäcuähuodera̧'a̧ ppa̧'ä̧chi̧nö̧do. O'ca toi'önä ttö̧ja̧ ja̧u̧ru̧ tö'cönänö ichi'inätödo. Ja̧u̧ pä̧mä̧dö̧, huo̧juȩti̧nö̧do jahuätörö.

San Juan 7:37

Ja̧u̧ fiesta jȩtto̧mȩnä̧, röji mo̧ro̧tä̧ ji̧nä̧ isocu adiu amöcuädö jȩpi̧nä̧tö̧do. Ja̧u̧nu̧ mo̧ro̧ Jesús ä̧rä̧mi̧'ö̧, pä̧i̧cu̧nä̧ ucuocu pä'inödo: —Ya̧tȩ a̧di̧ rö̧jä̧cu̧mä̧, ttörö ichö ahui.

San Juan 7:2

Ja̧'hua̧ ja̧'a̧ judíos ttö̧ja̧ ttojusode ji̧'qui̧cha̧jodettö fiesta jȩttä̧cuȩ mo̧ro̧ tö'cöhuächi'ina'ado.

San Juan 5:14

Ja̧u̧nu̧ o'ca'a, Jesús ja̧u̧ uborö Diosrö ucuocuäcuähuodenä topinödo. Ja̧u̧ru̧ pä'inödo: —Ä̧ju̧cui̧. Täcö na̧cu̧huä̧chä̧ji̧ttö̧ cu̧'i̧pä̧ji̧ o'ca'a, pä'äji ta'anö suronämä jȩcu̧'ä̧', pä'äji na̧cu̧huä̧chi̧nö̧ttö̧'i̧nä̧ abonänö rö̧ȩnä̧ na̧cu̧huä̧cha̧'a̧cu̧.

San Mateo 26:55

Ja̧u̧nu̧ o'ca'a Jesús ttö̧ja̧rö̧ pä'inödo: —Ucutumä ya̧tȩ nä̧u̧cuä̧rä̧cuä̧huä̧ i̧sa̧rö̧ ȩmö̧ ttichö'a̧nö̧ curodiyä'inä, dauhuiyä'inä 'chu̧huä̧rä̧nö̧ ichäjätöjä. 'Cuäopönä mo̧ro̧ji̧nö̧ a̧'u̧cuä̧ ucutu cu̧'quȩtȩtu̧cu̧nä̧ Diosrö ucuocuäcuähuodenä pä̧nö̧ huo̧juȩti̧nö̧sä̧. Ja̧'hua̧nö̧ chu̧huo̧juȩto̧mȩnä̧, 'chu'ädocotö pi̧nä̧tö̧jä̧.

San Mateo 21:12

Ja̧u̧nu̧ o'ca'a Jesús Diosrö ucuocuäcuähuodenä do'ächi'ö, o'ca toi'önä ttȩmä̧'i̧jä̧u̧ru̧'i̧nä̧, ttiyä'ijä̧u̧ru̧'i̧nä̧ dochäu icuinödo. Pärätä päroäcuähuä isotö ttöäre mesa isodä ä̧ppä̧tö̧ icuinödo. U̧nu̧cu̧tu̧ru̧ ttiyä'ijö ttöäre päcuähuodiyä'inä ä̧ppä̧tö̧ icuinödo.

San Juan 8:20

Jesús ja̧'hua̧nö̧ huo̧juȩti̧nö̧do Diosrö ucuocuäcuähuodenä, ofrenda ȩnä̧huä̧ca̧ jäyänä kä̧nö̧. Ja̧u̧ru̧ 'chu'ädocotö pi̧nä̧tö̧do cärenä ttötarö pä'ö, ja̧u̧ru̧ jo̧mȩ päi'oca'attö.