San Juan 6:39 - TÄ̧DO Ä̧CUÄ̧ I̧HUȨNȨ

³⁹ Chä'o, ttörö hue'inömä, pä̧huä̧ rö̧jä̧cu̧ o'ca toi'önärö, ttörö iyinä̧u̧ru̧, röji mo̧ro̧ päi'omenä ttodäda pä'ö, ya̧tȩ'i̧nä̧ ire'tehuächö juiyönä.

Nuevo Testamento Uwotjüja

³⁹ Ja̧'wa̧nü̧ ja̧'a̧ttü̧, ttürü we'inü̧ Chä'orü pä̧wä̧rü̧jü̧mä̧, ttürü iyinäu̧ru̧mä̧ ya̧tȩrü̧'i̧nä̧ tode'ächoka'a, rüjí mo̧ro̧ wa'arettü ttodädiyarü pä'ü.

San Juan 6:39 Referans Kwoze

San Juan 17:12

Ttömä jahuätöcu pi̧jä̧nä̧ chö̧jomȩnä̧, cujurunä tta̧'ä̧ri̧nö̧sä̧, suronä 'cuäopö juiya pä'ö ttörö cuiyinä̧u̧ru̧. Jahuätöttö Huȩyu̧cuä̧ Huȩnȩ päö'a̧nö̧ 'cuäopa pä'ö, ya̧tȩtä̧ ihueye suropinötä to'ei'inö, korotöttö ya̧tȩ'i̧nä̧ toei'oca'a tta̧'ä̧ri̧nö̧sä̧.

San Juan 6:40

Ja̧'hua̧ta̧nö̧ ttörö hue'inömä pä̧huä̧ rö̧jä̧cu̧ o'ca toi'önä Dios I̧tti̧rö̧ topö esetätömä kä̧cuä̧huä̧ i'co ttu̧ju̧nä̧ra̧ pä'ö. Röji mo̧ro̧ päi'omenä, jahuätörö tto̧dä̧dä̧cuä̧u̧, —pä'inödo Jesús.

San Juan 18:9

Jesús ja̧'hua̧nö̧ pä'inödo, chutä päinö ta'anö 'cuäopa pä'ö. Chutä pä'inödo: “Chä'o ttörö iyinä̧u̧ttu̧mä̧, ya̧tȩ'i̧nä̧ toei'ocö pi̧nö̧.”

San Juan 6:54

Ttötä chidepättö'inä cumä, chucuojattö'inä aumä, ja̧u̧tä̧ kä̧cuä̧huä i'co ku̧nä̧rö̧. Ja̧'hua̧ta̧nö̧ ja̧u̧ru̧ röji mo̧ro̧ päi'omenä tto̧dä̧dä̧cua̧sä̧.

San Juan 6:44

Chä'o, ttörö hue'inömä, i'cächö juiyöttömä, yoröiso ichocotö ttörö. Ttörö ichätörö, röji mo̧ro̧ päi'omenä tto̧dä̧dä̧cua̧sä̧.

San Juan 6:37

O'ca toi'önä Chä'o ttörö i̧yä̧u̧mä̧, ttörötä ichätö. Ja̧'hua̧ta̧nö̧ ttörö ichätörömä, yoröiso ya'opö icuocösä.

Judas 1:1

Ttömä Judassä. Jesucristo hueö jȩpö̧sä̧, Jacobo ö̧jä̧hua̧sä̧. Chi̧huȩnȩ hue'ösä ucuturu, Dios huoinä̧u̧ru̧, Tä'o Dios repeä̧u̧ru̧, Jesucristo tta̧huä̧rä̧u̧ru̧.

Romanos 8:11

Dios tto'ädinö Cristo Jesúsru hua'arettö. Ja̧'hua̧ta̧nö̧ Espíritu Santo ucutucu ö̧jö̧ttö̧mä̧, ja̧u̧tä̧ Dios, Cristo Jesúsru ttoädinömä, i̧yä̧cua̧ cua̧'cua̧rä̧tu̧cu̧ jareö ucuturu, hua'ä ttö̧ja̧rö̧, Espíritu Santo ucutucu ö̧ja̧'a̧ttö̧.

San Lucas 12:32

“Yecuhuecuätucuä' chu̧huo̧juȩtä̧u̧. Ucutumä a̧'u̧cu̧nä̧tä̧jä̧. Ja̧'hua̧nö̧ ja̧'a̧nä̧ Cuä'o chutäcu ruhuotö päcuhui'ätucua pä'ö pä̧huä̧ rö̧jä̧cu̧.

San Mateo 18:14

Ja̧'hua̧ta̧nö̧ Cuä'o mo̧ro̧jä̧nä̧ kö̧ pitö ppo̧'ä̧tö̧ttö̧ ya̧tȩ'i̧nä̧ ire'tehuächa pä'ö yoröiso pä'ocö.

1 Pedro 1:5

Ucutu Diosrö cuesetätucuomenä, chutä ujurunä tta̧'ä̧rö̧ ucuturu. Cuȩmä̧tu̧cuä̧cuȩmä̧, suronä jȩcu̧'ä̧tu̧cu̧ jȩpö̧ icuähuämä, jo̧mȩ päi'önä aditö icu iya pä'ö ucuturu röji mo̧ro̧ päi'omenä.

San Juan 12:48

Ya̧tȩ ttörö'inä ucuotocömä, chi̧huȩnȩ'i̧nä̧ ä̧ju̧cuo̧cö̧mä̧, ja̧u̧ru̧ pä̧cuȩ ku̧nä̧rö̧. Ttötä chi̧huȩnȩ chucuocuinömä ja̧u̧ru̧ päcua'a röji mo̧ro̧ päi'omenä.

2 Timoteo 2:19

Ja̧'hua̧nö̧ ja̧'a̧nä̧ Diosrö teseta pä'ö äcuomenä aditinömä, 'quiyö ka̧'a̧. Dios aditinömä pa̧'a̧nö̧ päa'a: “Tu̧ru̧hua̧ chutä umöhuäyotörö huo̧jua̧.” Ja̧'hua̧ta̧nö̧ päa'a: “O'ca toi'önä Cristo i̧mi̧nä̧ ucuocuätömä, surojöttö 'quȩtti̧pä̧chö̧'a̧nö̧ ja̧'a̧.”

San Juan 5:28

Ja̧'hua̧nö̧ jidähuomenä, to̧cu̧'ä̧rä̧tu̧cuä̧'. Yodoji mo̧ro̧ o'ca toi'önä 'corupä'i'inätö i̧huȩnȩ ttä̧ju̧cu̧ mo̧ro̧ päi'äcua'a.

San Mateo 10:15

Iso päi'önä pä'ösä ucuturu, yodoji Dios ttö̧ja̧rö̧ pojocuä mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧, Gomorra ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'ö hue'inödo Jesús.

San Juan 17:2

Ucumä Cui̧tti̧rö̧ hue'inöjä pi̧jä̧ ttö̧ja̧ttö̧'i̧nä̧ abonänö ujuruhua pä'ö, kä̧cuä̧huä̧ i'co iyäcua'a̧nö̧ ja̧u̧ru̧ cuiyinä̧u̧ru̧.

San Juan 17:6

“Pi̧jä̧ttö̧ ttörö iyö huecuhuinä̧u̧ru̧, ucurutä ttu̧huo̧jua̧ pä'ö huo̧juȩtö̧ ji'ähuinösä. Jahuätömä ucutä cui̧tti̧mö̧ huotö pi̧nä̧tö̧. Ja̧'hua̧ ja̧'a̧ ttörö iyö huecuhuinä̧u̧. Jahuätö cui̧huȩnȩ päö ta'anö jȩpi̧nä̧tö̧.

San Juan 17:9

“Jahuätörö jä'epö ucuocusä ucuru. Pi̧jä̧ ttö̧ja̧rö̧ jä'epö ucuocuocösä. Ucutä cui̧tti̧mö̧rö̧tä̧, ttörö cuiyinä̧u̧ru̧tä̧, jä'epö ucuocusä.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

1 Corintios 6:14

Ja̧'hua̧ta̧nö̧ Dios Tu̧ru̧hua̧rö̧ ttoädinö ta'anö, ujuturu'inä ujurunä tto̧ä̧dä̧cua̧.

Santiago 5:15

Diosrö esetö ttucuocuomenä, na̧'ä̧chö̧mä̧ ö̧'i̧pä̧cua̧. Dios ja̧u̧ na̧'ä̧chö̧rö̧ aditö i̧cuä̧cua̧. Suronä jȩi̧nö̧ttö̧mä̧, jȩpö̧ icu Diosmä.