San Juan 6:32 - TÄ̧DO Ä̧CUÄ̧ I̧HUȨNȨ

³² Jesús jahuätörö ädätö pä'inödo: —Iso päi'önä pä'ösä ucuturu, Moisésmä ja̧u̧ juäi i̧ri̧si̧ mo̧ro̧jä̧ra̧'a̧ttö̧ iyocö pi̧nö̧do. Chä'otä iso päi'önä i̧ri̧si̧ mo̧ro̧jä̧ra̧'a̧ttö̧ iyö ucuturu.

Nuevo Testamento Uwotjüja

³² Ja̧'wa̧ta̧nü̧ Jesú-mä̧ päinä̧u̧: —Isopäi'ünä̧ pädäu̧jä̧, jua̧u̧ mo̧ro̧jä̧ra̧'a̧ttü̧ ttukunä̧ iyinü̧mä̧ Moisé-mä̧kü̧ ji̧na̧'a̧; ji̧nä̧so iyinü̧mä̧ Chä'o ja̧'a̧, Isopäi'ünä̧ kuäkuäwä mo̧ro̧jä̧ra̧'a̧ttü̧ iyümä̧.

San Juan 6:32 Referans Kwoze

San Juan 15:1

Jesús huo̧juȩti̧nö̧do: —Ttö koro dau, adihuä uva dau jä̧'i̧nö̧'a̧nö̧ hua̧sä̧. Chä'omä dau tta̧huä̧rä̧cuä̧huä̧ i̧sa̧ jä̧'i̧nö̧'a̧nö̧ hua̧.

San Juan 6:58

Ttö i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧ pä'ösä. Ucutu cuä̧do̧tö̧ mi̧nä̧ de'anä kä̧nö̧, i̧ri̧si̧ ttucuinä̧si̧'a̧nö̧mä̧ pä'ocösä. Ja̧u̧ i̧ri̧si̧ttö̧ ttucuomenä, o'ca toi'önä hua'ö icuinätödo. Ttö pädäjittö cumä, 'cuäopönä ö̧jä̧cua̧, —pä'inödo Jesús.

Gálatas 4:4

Ja̧'hua̧nö̧ ja̧'a̧nä̧ churutä pä̧huä̧ rö̧jo̧mȩnä̧ Dios I̧tti̧rö̧ hue'inö, yajute isajuttu uhuäpächa pä'ö. Ja̧u̧ judíos i̧sa̧ ta'anö hueähuä huȩnȩ jȩtto̧mȩ uhuäpächinö.

San Juan 6:55

Ttö chidepämä iso päi'önä cuäcuähuä. Ja̧'hua̧ta̧nö̧ ttötä chucuojamä iso päi'önä ahuähuä.

San Juan 6:50

Ja̧'hua̧nö̧ ja̧'a̧nä̧ koro i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧ pä'ösä ttö. Ja̧u̧ i̧ri̧si̧ttö̧ cumä, yoröiso hua'ocödo.

San Juan 6:41

Jesús, “Ttötäsä i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧” päomenä, judíos ttö̧ja̧ suronä ttucuocuinäcudo.

San Juan 6:35

Jesús pä'inödo jahuätörö: —Ttötä i̧ri̧si̧mä̧ kä̧cuä̧huä̧ i'co iyömä. Ttörö ichömä, yoröiso ppäi rö̧jo̧co̧cu̧ jä̧cua̧. Ja̧'hua̧ta̧nö̧ ttörö esetömä, yoröiso a̧di̧ rö̧jo̧co̧cu̧ jä̧cua̧.

San Juan 6:33

I̧ri̧si̧mä̧, Dios iyömä, mo̧ro̧jä̧ra̧'a̧ttö̧ mȩyȩhui̧nö̧do. Ja̧u̧mä̧ pi̧jä̧ ttö̧ja̧rö̧ kä̧cuä̧huä̧ iyö.

San Juan 1:9

Ja̧u̧ iso päi'önä tȩa̧u̧mä̧, o'ca toi'önä ttö̧ja̧ ttami iso'quinä tȩa̧u̧mä̧ ichäcua'a pä'ö, ji'ähuinödo Juanmä.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

San Juan 6:31

Ujutu tä̧do̧tö̧ mi̧nä̧ de'anä kä̧nö̧, mo̧ro̧jä̧ra̧'a̧ttö̧ ma̧i̧nä̧si̧ i̧ri̧si̧ cuinätödo Huȩyu̧cuä̧ Huȩnȩ päö'a̧nö̧: “Dios jahuätörö i̧ri̧si̧ mo̧ro̧jä̧ra̧'a̧ttö̧ iyinödo ttucua pä'ö,” —pä'inätödo.