San Juan 6:26 - TÄ̧DO Ä̧CUÄ̧ I̧HUȨNȨ

²⁶ Jesús pä'inödo jahuätörö: —Iso päi'önä pä'ösä ucuturu, ucutu sucuhuädi'ätucunä cucuätucu o'ca'a usätöjä ttörö. Ji̧yȩ ttö̧ja̧ ttieru juäi jȩchä̧ji̧ amöcuädömä, usocotöjä ttörö.

Nuevo Testamento Uwotjüja

²⁶ Jesú-mä̧ päinä̧u̧: —Isopäi'ünä̧ ukuturu pä'üsä, jȩtto̧kü̧ ja̧jü̧ juei ja̧'a̧ to'kuätukua'amä̧ kusätukuokokusä, suro sukuädi'ätukunä̧ kuäjä'kotütä kusätukuäkusä.

San Juan 6:26 Referans Kwoze

Filipenses 3:19

Jahuätömä yoröiso ttottei'äcuotö. Jahuätömä cuä̧nö̧ ttu̧cuä̧ba̧ jähuätä amöcuädätö. Jahuätö koro juäi dä'äcu jȩä̧cuä̧huä̧ juäi, yoröiso eseunu jȩpä̧tö̧. Pi̧jä̧ jähuätä amöcuädätö.

Filipenses 2:21

Korotömä o'ca toi'önä jitöätä pä̧huä̧ rö̧jö̧ä̧tä̧ jȩpä̧tö̧, Cristo Jesús aditähuä ttamöcuädoca'anä.

1 Timoteo 6:5

Ja̧'hua̧ta̧nö̧ u̧mä̧tö̧ rohuähuätö korotö u̧mä̧tö̧cu̧. Jahuätömä yoröiso adiu amöcuädocotö. Iso päi'önä huȩnȩ päö'a̧nö̧ jȩpo̧co̧tö̧. Jahuätö amöcuädätö järe ȩmä̧huä̧ huȩnȩcö̧ pä'ö Dios i̧huȩnȩmä̧. Jahuätöttö 'quȩ'i̧pä̧chi̧.

Romanos 16:18

Jahuätömä Tu̧ru̧hua̧ Jesucristorö pä̧huä̧ rö̧jö̧ jȩpo̧co̧tö̧. Jitörötä pä̧huä̧ rö̧jö̧tä̧ jȩpä̧tö̧. Tti̧huȩnȩ esetönö, repe'önänö ucuocuätö jerupätörö.

San Juan 6:2

Recuätö ttö̧ja̧ koro juäi ttö̧ja̧ ttieru juäi, na̧'ä̧chä̧tö̧rö̧ aditö icua'a tottinö o'ca'a, chutä o'ca'anä cue'ächinätödo.

San Juan 6:24

Ja̧'hua̧nö̧ ja̧'a̧ttö̧ jahuätö ttö̧ja̧ Jesús'inä, u̧huo̧juȩtä̧u̧'i̧nä̧ tottepa'a tottomenä, ja̧u̧ huoi'quiyunä pä̧mä̧dö̧, Capernaum ötahuiyära̧'a̧ 'chi̧nä̧tö̧do Jesúsru usu.

San Juan 3:5

Ja̧'hua̧ ja̧'a̧ Jesús ädätinäcudo: —Iso päi'önä pä'ösä ucuru, ya̧tȩ ajiyattö'inä, Espíritu Santottö'inä uhuäpächocömä, Dios ö̧jo̧mȩcu̧ yoröiso do'ächocö jä̧cua̧.

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

San Juan 6:64

Ja̧'hua̧nö̧ ja̧'a̧nä̧ ji̧nä̧ korotömä ucututtu esetocotöjä. Jesús ja̧'hua̧nö̧ ucuocuäji ä'canä, jahuätö esetocotörö huo̧jui̧nö̧do. Ja̧'hua̧ta̧nö̧ ja̧u̧ru̧ suronä jȩpä̧tö̧rö̧ iyä̧cua̧rö̧'i̧nä̧ huo̧jui̧nö̧do.

San Juan 6:53

Jesús ädätö pä'inödo: —Iso päi'önä pä'ösä ucuturu, ucutumä Ubo I̧tti̧ idepättö'inä cucuätucu juiyöttömä, ucuojattö'inä cuahuätucu juiyöttömä, yoröiso kä̧cuä̧huä̧ i'co jui'ätöjä.

San Juan 6:47

Iso päi'önä pä'ösä ucuturu, ttörö esetömä, kä̧cuä̧huä̧ i'co ku̧nä̧rö̧.

San Juan 6:30

Ja̧'hua̧nö̧ päomenä, jä'epinätödo: —Ujutu topö teseta pä'ö, ¿däje cui̧jȩpä̧cua̧'a̧jä̧ttö̧? ¿Däje jȩcu̧'ä̧cua̧'a̧jä̧ttö̧?

San Juan 6:15

Ja̧'hua̧nö̧ ja̧'a̧nä̧ Jesús ttu̧ru̧hua̧ päi'önä ö̧ja̧ pä'ö ttȩmi̧pa̧rö̧ pä'ö ttucuocuomenä u̧huo̧jua̧'a̧ttö̧, 'chi̧nö̧do möä'ca ju'täcara̧'a̧ katä ö̧ja̧ pä'ö.

San Juan 6:14

Ja̧'hua̧ ja̧'a̧ jahuätö ttö̧ja̧ Jesús ja̧'hua̧nö̧ tottocö jȩo̧mȩnä̧ topö pä'inätödo: —Iso päi'önä Dios i̧huȩnȩ jiäcuähuä i̧sa̧ pi̧jä̧ra̧'a̧ i̧chä̧cua̧ pättinäcu, pidetä a̧'cua̧ra̧'a̧.

San Juan 6:36

Ja̧'hua̧nö̧ ja̧'a̧nä̧ ucuturu pädäji ta'anö, ttörö tocu'ätucua'anä, yoröiso esetocotöjä.