San Juan 6:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧ ja̧'a̧ Jesús u̧mö̧nä̧ i̧ri̧si̧ 'chu̧'ä̧rö̧, Diosrö ucuocuinödo. Ucuocuäji'ca̧ u̧huo̧juȩtä̧u̧ru̧ iyinödo, juhua'a yabo rȩjȩnä̧ pȩjä̧mä̧tö̧rö̧ ttiya pä'ö. Ja̧'hua̧ta̧nö̧ jȩpi̧nö̧do po̧i̧rö̧'i̧nä̧, suttädi'önä ttucua pä'ö.

Nuevo Testamento Uwotjüja

¹¹ Ja̧'wa̧nü̧ ja̧'a̧ Jesú-mä̧, jua̧u̧ o̧si̧ ȩmo̧po̧'ü̧, Dio-rü eseu pä'äji̧'ka̧, u̧wo̧juȩtä̧u̧rü iyä'chinü̧, jua'a yabo juätümä̧ ttü̧ja̧ pȩjä̧tü̧rü̧ ttiyä'chünä̧. Ja̧'wa̧ta̧nü̧tä̧ jȩpi̧nü̧ po̧i̧rü̧'i̧nä̧.

San Juan 6:11 Referans Kwoze

San Juan 6:23

Ja̧'hua̧nö̧ ja̧'a̧nä̧'i̧nä̧ koro huoi'quiyu Tiberias ötahuiyättö ichö, jahuätö ttö̧ja̧ i̧ri̧si̧ Jesús Diosrö ucuocuäji o'ca'a ttucuinome tö'cönänö huä̧mi̧pä̧chi̧nä̧tö̧do.

1 Tesalonicenses 5:18

O'ca juiyönä eseunu ucuocuätucui Diosrö. Ja̧'hua̧nö̧ jȩcu̧'ä̧tu̧cuo̧mȩnä̧, Cristo Jesúsru cuesetätucua'attö, Diosrö pä̧huä̧ rö̧jö̧mä̧ jȩpä̧tö̧jä̧.

Romanos 14:6

Korotö ttu̧ȩcuä̧nä̧ ka̧cuä̧tö̧ ja̧u̧ juäi mo̧ro̧, koro juäi'inä aditocotö, Ttu̧ru̧hua̧rö̧ ucuotö. Ja̧'hua̧ta̧nö̧ korotö o'ca juiyönä mo̧ro̧ yorätehua'a amöcuädätö'inä, Ttu̧ru̧hua̧rö̧ ucuotätö. O'ca juiyönä cuätömä, Ttu̧ru̧hua̧rö̧ tta̧'cua̧ huȩnä̧rö̧nö̧ cuätö, Diosrö eseunu ucuocu. Ja̧'hua̧ta̧nö̧ o'ca juiyönä cuocotö'inä, Ttu̧ru̧hua̧rö̧ tta̧'cua̧ huȩnä̧rö̧nö̧ cuocotö, Diosrö eseunu ucuocu.

San Mateo 15:36

Po̧i̧'i̧nä̧, i̧ri̧si̧, ko̧ro̧mö̧ttö̧nö̧ to̧si̧rȩ'i̧nä̧ u̧mö̧nä̧ ȩmo̧po̧'ö̧ Jä'o Diosrö ucuocuinödo. Ja̧'hua̧ ja̧'a̧ 'tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.

San Lucas 24:30

Ja̧u̧nu̧ o'ca'a jahuätöcu mesa isodänä ttö̧'ä̧mä̧do̧mȩnä̧, i̧ri̧si̧ u̧mö̧nä̧ ȩmö̧, Diosrö ucuocuinödo. Ucuocuäji'ca̧, 'tȩ'chä̧rö̧ iyinödo jahuätörö.

1 Corintios 10:31

O'ca juiyönä cucuätucu'inä, cuahuätucu'inä, jȩcu̧'ä̧tu̧cu̧'i̧nä̧, Diosrö eseunu jȩpä̧tu̧cui̧.

Hechos 27:35

Ja̧'hua̧nö̧ pä'ö, Pablo pan u̧mö̧nä̧ ȩmö̧ o'ca toi'önä ttä'ca jo̧mȩ Diosrö ucuocuinö. Ja̧'hua̧nö̧ jȩpö̧, 'te'ädö cuinö.

San Juan 6:9

—Ya̧tȩ ji̧'qui̧cha̧hua̧ pȩnȩ kö̧. Ja̧u̧ i̧ri̧si̧ ji̧mö̧tȩ jähuä ö̧si̧'i̧nä̧, po̧i̧'i̧nä̧ ta̧ju̧ru̧tä̧ ku̧nä̧rö̧. Ja̧'hua̧nö̧ ja̧'a̧nä̧ recuätö ttucua pä'ö ¿tta̧'a̧nö̧ rö̧ȩnä̧ pa̧ja̧cuä̧cha̧'a̧jä̧ttö̧?

San Juan 21:9

Jäyotocu tti̧'chi̧'o̧mȩnä̧, ocu i̧sa̧ri̧ cuoa'a topinätödo. Ja̧'hua̧ta̧nö̧ ocuränä po̧i̧ dahua'a'inä, ocurä jäyä i̧ri̧si̧ pa̧'a̧'i̧nä̧ topinätödo.

San Juan 21:10

Jesús pä'inödo jahuätörö: —Po̧i̧ 'chocuhuätucuä̧u̧ttu̧ i'cächätucui.

San Juan 21:13

Ja̧u̧nu̧ o'ca'a Jesús tö'cönänö 'chä̧hui̧'ö̧, i̧ri̧si̧ u̧mö̧nä̧ 'chu̧'ä̧rö̧, iyinödo jahuätörö. Ja̧'hua̧ta̧nö̧ po̧i̧'i̧nä̧ 'chu̧'ä̧rö̧, iyinödo.