San Juan 5:5 - TÄ̧DO Ä̧CUÄ̧ I̧HUȨNȨ

⁵ Ju̧huȩnȩmä̧ ya̧tȩ treinta y ocho a̧'ȩ jo̧mȩnä̧ na̧'ä̧chi̧nö̧mä̧ tta̧'ä̧ri̧nö̧do.

Nuevo Testamento Uwotjüja

⁵ Ja̧'wa̧nü̧ ja̧'a̧ juätü ttü̧'kä̧tȩnä̧, ya̧tȩ treinta y ocho años jo̧mȩnä̧ na̧'ä̧chä̧'i̧jü̧'i̧nä̧ pi̧nü̧.

San Juan 5:5 Referans Kwoze

Hechos 3:2

Ju̧huȩnȩtä̧ Diosrö ucuocuäcuähuodenä, ya̧tȩ uhuäpächina'atä päi'önä cue'ächocörö ȩpö̧ i'cächinätödo ahuaruhuä. Mo̧ro̧ji̧nö̧ a̧'u̧cuä̧ äpate Adihuate ä'ca ja̧u̧ru̧ rötinätödo, dodepätörö pärätä jäepa pä'ö mippoönä.

San Lucas 8:43

Jahuätö ttö̧'quȩtȩnä̧ yajute ppö'ottö na̧'ä̧chä̧ju̧'i̧nä̧ ki̧nä̧ju̧do. Ttö̧jä̧pö̧ttö̧nö̧ todäre a̧'ȩ ppö'ottö usurä isaju juo'inäjudo. Jahuapö ruhuotörö mi̧tä̧rö̧, ku̧ju̧nä̧rö̧mä̧ o'ca juiyönä be'ecuäjipö icuinäjudo. Ja̧'hua̧nö̧ ja̧'a̧nä̧ ppättädococua pi̧nä̧ju̧do.

San Marcos 9:21

Ja̧u̧nu̧ o'ca'a Jesús jä'epinödo ja̧u̧ mö̧ä̧ya̧ jä'orö: —¿Tta̧'a̧nö̧ recuo 'cuäopa'attö ja̧'hua̧nö̧mä̧ cui̧tti̧rö̧? Mö̧ä̧ya̧ jä'o pä'inödo: —Ji̧'qui̧cha̧jä̧i̧ kä̧mä̧dö̧ na̧'ä̧chi̧nö̧.

Hechos 14:8

Listra ötahuiyära̧'a̧ttö̧ ya̧tȩ ö̧jä̧pi̧yä̧ su̧ro̧pa̧, uhuäpächina'atä päi'önä cueächoca'a pi̧nö̧do.

San Lucas 13:16

Ja̧'hua̧ta̧nö̧ paju, Abraham mi̧nä̧ isotö isajuru, dieciocho a̧'ȩnö̧ jo̧mȩnä̧ 'tu̧hua̧yu̧nu̧ kö̧jö̧nä̧ Satanás jȩi̧nä̧cua̧rö̧, ¿ttö̧ja̧ 'cuättächi'ö mo̧ro̧mä̧ aditö tticuococua pajaju tä̧ji̧?

Hechos 9:33

Juhua'attö po̧cui̧pi̧nö̧do ya̧tȩ Eneas pä'ö mi̧cua̧rö̧. Ko̧ro̧mö̧ttö̧nö̧ huäbodäcuä a̧'ȩ 'cuäoi'önä huä̧ri̧sa̧nä̧tä̧ ri̧nö̧do 'cuä̧'a̧ ja̧'a̧ttö̧.

San Juan 9:1

Jesús korome 'cuäopomenä, ya̧tȩrö̧ topinödo, uhuäpächina'anätä ä̧to̧ca̧rö̧.

San Juan 5:14

Ja̧u̧nu̧ o'ca'a, Jesús ja̧u̧ uborö Diosrö ucuocuäcuähuodenä topinödo. Ja̧u̧ru̧ pä'inödo: —Ä̧ju̧cui̧. Täcö na̧cu̧huä̧chä̧ji̧ttö̧ cu̧'i̧pä̧ji̧ o'ca'a, pä'äji ta'anö suronämä jȩcu̧'ä̧', pä'äji na̧cu̧huä̧chi̧nö̧ttö̧'i̧nä̧ abonänö rö̧ȩnä̧ na̧cu̧huä̧cha̧'a̧cu̧.

Hechos 4:22

Ttö̧ja̧ ta̧ju̧ a̧'ȩ abonänö huinödo, ttö̧ja̧ ttieru jȩpö̧ aditö tticuinäcumä.

San Juan 9:21

Ja̧'hua̧nö̧ ja̧'a̧nä̧ jitä ö'äre toa'amä jerupätöjä. Ja̧'hua̧ta̧nö̧ ö'äre aditö icuäjirö jerupätöjä. Ja̧u̧ru̧tä̧ jä'epätucui. Täcö böo ja̧'a̧. Chutä jiähuäcua'a̧nö̧ ucuturu.

San Juan 5:4

Ja̧u̧nu̧ pä̧nä̧ koronö'inä, koronö'inä ya̧tȩ ángel ja̧u̧ iso'unä i̧mȩyȩhuo̧mȩnä̧, ajiya yuhuecuina'ado. Ajiya ja̧'hua̧nö̧ yuhuecuomenä, iso'u jacuotonä äcuomenä ma̧'ä̧chi̧nö̧mä̧ adiu pi̧'i̧nö̧do na̧huä̧chi̧nö̧mä̧.

San Juan 5:6

Jesús ja̧u̧ ö̧ra̧'a̧ tomenä, ja̧'hua̧nö̧ recuo na̧huä̧chi̧nö̧ huo̧jui̧nö̧do. Ja̧u̧ru̧ jä'epinödo: —¿Aditö chicuacu pä'öjä tä̧ji̧?