San Juan 5:46 - TÄ̧DO Ä̧CUÄ̧ I̧HUȨNȨ

⁴⁶ Ucutumä, Moisés päinö cuesetätucuttumä, ttörö'inä esetajatöjä. Chutä Moisés ttörötä huȩyu̧ti̧nö̧do.

Nuevo Testamento Uwotjüja

⁴⁶ Isopäi'ünä̧, Moisé-rü kuesetätukuttümä̧, ttürü'i̧nä̧ kuesetätuku'anü̧ ja̧'a̧, Moisé-mä̧ ttü chütü'kü wȩyu̧ti̧nü̧.

San Juan 5:46 Referans Kwoze

San Juan 1:45

Jesús Feliperö oipäji o'ca'a, Felipemä Natanaelrö o'ipö 'chi̧nö̧do. Ja̧u̧ru̧ pä'inödo: —Moisés hueähuä huȩnȩnä̧ huȩyu̧tu̧ päinäcuru topäjätöjä̧. Ja̧'hua̧ta̧nö̧ Dios i̧huȩnȩ jiäcuähuä isotö pättinäcuru topäjätöjä̧. Ja̧u̧mä̧ Jesús, José i̧tti̧do, Nazaret ötahuiyänä ki̧nö̧do.

San Lucas 24:27

Ja̧u̧nu̧ o'ca'a o'ca juiyönä Huȩyu̧cuä̧ Huȩnȩ churutä huȩyu̧cua̧'a̧ ji'ähuinödo jahuätörö. Moisés i̧huȩyu̧ti̧nö̧ kä̧mä̧dö̧, o'ca juiyönä Dios i̧huȩnȩ jiäcuähuä isotö tti̧huȩyu̧ti̧nö̧ ji'ähuinödo.

Hechos 26:22

Ji̧nä̧ Dios ttörö ppäda'attö pȩnȩtä̧ adiu esetö kö̧sä̧, usurä isotörö'inä, ruhuotörö'inä yoräteunä ji'äu. Moisés'inä, Dios i̧huȩnȩ jiäcuähuä isotö'inä jittähuinötä 'cuäopäcua'a pä'ö, ja̧u̧tä̧ iso päi'önä huȩnȩ ji'äusä.

Gálatas 3:24

Hueähuä huȩnȩmä̧ ppo̧'ä̧tö̧rö̧ huo̧juȩtö̧ tta̧'ä̧rä̧ju̧ jä̧'i̧nö̧'a̧nö̧tä̧ huo̧juȩtö̧ tta̧huä̧ri̧na̧'a̧ ujuturu, Cristo ichome jubö päi'önä. Ja̧u̧ru̧ tesetomenä, Diosmä ujuturu jȩpö̧ ja̧u̧cu̧ ji̧nä̧ ji̧yȩtȩ huotö ta pä'ö.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Gálatas 3:10

Moisés hueähuä huȩnȩ tta̧'cua̧ huȩnä̧rä̧tö̧mä̧, Diostä ö̧tä̧bo̧tä̧cuo̧tö̧. Huȩyu̧cuä̧ päa'a: “O'ca toi'önä 'cuäopönä hueähuä huȩnȩ huȩyu̧cuä̧'tä̧nä̧ huȩyu̧cuä̧ päö ta'anö jȩpo̧co̧tö̧mä̧, Diostä ö̧tä̧bo̧tä̧cuo̧tö̧.”

Gálatas 2:19

Moisés hueähuä huȩnȩmä̧ jȩcho̧mȩnä̧, 'corujuo'ächätö jä̧'i̧nö̧'a̧nö̧ jä̧cu̧sä̧ ttömä. Ja̧u̧tä̧ Moisés hueähuä huȩnȩ 'corupädi'önä jȩä̧cu̧sä̧ Dioscu chö̧ja̧ pä'ömä.

Romanos 10:4

Cristo be'epäjipö icuinö Moisés hueähuä huȩnȩ. O'ca toi'önä churutä esetätörömä, Dios jȩpö̧ chutäcu ji̧nä̧ ji̧yȩtȩ huotö tta pä'ö.

San Juan 5:47

Ja̧'hua̧nö̧ ja̧'a̧nä̧ ja̧u̧ i̧huȩyu̧ti̧nö̧ cuesetätucu juiyöttömä, ttö pädömä ¿tta̧'a̧nö̧ pä'ö cuesetätucua'ajä̧ttö̧? —pä'ö huo̧juȩti̧nö̧do Jesús.