San Juan 5:40 - TÄ̧DO Ä̧CUÄ̧ I̧HUȨNȨ

⁴⁰ Ja̧'hua̧nö̧ ja̧'a̧nä̧ ucutumä ttörö cuesetätucua pä'ocotöjä, ja̧u̧ kä̧cuä̧huä̧ i'co cu̧ju̧nä̧rä̧tu̧cua̧ pä'ö.

Nuevo Testamento Uwotjüja

⁴⁰ Ja̧'wa̧nü̧ ja̧'a̧nä̧ ukutumä̧, ttüku kuicha pä'okotüjä̧ kkä̧kuä̧wä̧ ku̧ju̧nä̧rä̧tu̧kua̧ pä'ümä̧.

San Juan 5:40 Referans Kwoze

San Juan 3:19

Pi̧jä̧ ttö̧ja̧rö̧ adihuä tȩa̧u̧ ichomenä, pi̧jä̧ttö̧ yo̧ö̧ adihuä tȩa̧u̧ttu̧'i̧nä̧ abonänö kö'quinätödo. Jahuätö suronätä jȩpö̧ kä̧nö̧ esetocotö pi̧nä̧tö̧do ja̧u̧ adihuä tȩa̧u̧. Ja̧'hua̧nö̧ ja̧'a̧ttö̧ tä̧bo̧cuä̧ 'cuäopäcua'a jahuätörö.

San Juan 1:11

Pi̧jä̧ aditinö topö ichinödo. Ahuaruhuä aditinä̧u̧ ja̧u̧ru̧ ttöjö'cococu pi̧nö̧do.

San Juan 6:37

O'ca toi'önä Chä'o ttörö i̧yä̧u̧mä̧, ttörötä ichätö. Ja̧'hua̧ta̧nö̧ ttörö ichätörömä, yoröiso ya'opö icuocösä.

San Mateo 23:37

Juhua'a yabonö huo̧juȩti̧nö̧do Jesús: —Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

Apocalipsis 22:17

Espíritu Santo'inä, Cordero irecua'inä pä'ätö: —Ichi. Ja̧'hua̧nö̧ pi̧yȩ huȩnȩ ä̧ju̧cu̧mä̧, ja̧u̧'i̧nä̧ päcua'a̧nö̧: —Ichi. Ya̧tȩ a̧di̧ rö̧jä̧cu̧mä̧, churutä pä̧huä̧ rö̧jö̧ttö̧mä̧ huäinä ichö, kä̧cuä̧huä̧ i'co ajiya micuä juiyönä ahua pä'ö.

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

San Juan 6:40

Ja̧'hua̧ta̧nö̧ ttörö hue'inömä pä̧huä̧ rö̧jä̧cu̧ o'ca toi'önä Dios I̧tti̧rö̧ topö esetätömä kä̧cuä̧huä̧ i'co ttu̧ju̧nä̧ra̧ pä'ö. Röji mo̧ro̧ päi'omenä, jahuätörö tto̧dä̧dä̧cuä̧u̧, —pä'inödo Jesús.

San Juan 6:27

Cuäcuähuä surojuoächä̧cuȩmä̧ a̧mö̧cuä̧rö̧, cuaditätucuä'. Yoröiso surojuoächocömä, kä̧cuä̧huä̧ i'co iyötä, a̧mö̧cuä̧rö̧ aditätucui. Ja̧u̧tä̧ juäi, ttötä, Ubo I̧tti̧mä̧ iyösä ucuturu, Chä'o Dios ttörö ja̧'hua̧nö̧ hueina'attö.

San Juan 5:44

Ucutu pi̧jä̧ ttö̧ja̧ ttucuocutä usu, Dios chu ä̧cua̧tä̧ i̧huȩnȩ cusätucuoca'anä, ¿tta̧'a̧nö̧ pä'ö cuesetätucua'ajä̧ttö̧?

San Mateo 22:3

Umöhuäyotörö hue'inödo ahuaruhuärö jittähua pä'ö ttu̧cuȩ ttucua tticha pä'ö. Ahuaruhuärö jittähuomenä, tticha pä'ocotö pi̧nä̧tö̧do.

San Juan 5:39

Ucutumä ttu̧ȩcuä̧nä̧ ucuocuätöjä Huȩyu̧cuä̧ Huȩnȩ. Ja̧'hua̧nö̧ ucuocu, kä̧cuä̧huä̧ i'co cu̧'o̧cui̧'ä̧tu̧cua̧ pä'ätöjä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ ttörötä päa'a.

San Juan 5:41

“Pi̧jä̧ ttö̧ja̧ ttörö adiunä ttucuocua pä'ö pä'ocösä.

San Juan 10:10

“Nä̧u̧cuä̧rö̧ i̧sa̧, nä̧u̧cuä̧rö̧ cuä'ö icua pä'ö ichö bettipächönä. Ttömä ichinösä o'ca juiyönä eseunu adiunätä ttö̧ja̧cua̧ pä'ö.