San Juan 4:21 - TÄ̧DO Ä̧CUÄ̧ I̧HUȨNȨ

²¹ Jesús jahuäjuru ädätö pä'inödo: —Isaju, ttörö eseti. Yodoji mo̧ro̧ päi'omenä, ucutumä Diosrötä cua̧'cua̧ cu̧huȩnä̧rä̧cuo̧tö̧jä̧ Jerusalén ötahuiyära̧'a̧'i̧nä̧, pi'ca möä'cara̧'a̧'i̧nä̧ cui̧'chä̧tu̧cuo̧ca'a̧.

Nuevo Testamento Uwotjüja

²¹ Päjäku, Jesú-mä̧ ädätinä̧kua̧: —Esetittü isaju, täkü pi'ka müä'kattü̧mä̧ ja̧'wa̧ta̧nü̧ Jerusarȩ́-ttü̧mä̧, Dio-rü eseäkuäwokü jä̧kuȩ mo̧ro̧ rȩbȩä̧kuä̧wa̧'a̧,

San Juan 4:21 Referans Kwoze

1 Timoteo 2:8

Ja̧'hua̧nö̧ ja̧'a̧ttö̧ u̧mä̧tö̧ ttidepiyu pa̧ja̧cu̧nä̧ ttami iso'quinä surojö juiyönä ttu̧mö̧ cä'epö, Diosrö ttucuocua pä'ösä. Ja̧'hua̧ta̧nö̧ ttahuaruhuärö ra̧huä̧rä̧cuä̧huä̧ juiyönä'inä, amönä rohuäcuähuä huȩnȩ ucuocuäcuähuä juiyönä'inä ttucuocu'a̧nö̧ ja̧'a̧.

Efesios 2:18

Iso päi'önä Cristorö esetö, o'ca toi'önä judíos huotö'inä, judíos huocotö'inä Tä'o Diosrö tö'cöpächätöjä Espíritu Santonä ya̧tȩnä̧tä̧.

San Juan 4:23

Ja̧'hua̧nö̧ ja̧'a̧nä̧ yodoji mo̧ro̧ päi'omenä, jitä mo̧ro̧'i̧nä̧ Tä'o Diosrö iso päi'önä tta̧'cua̧ huȩnä̧rä̧tö̧mä̧, Espíritu Santonä iso päi'önä tta̧'cua̧ ttu̧huȩnä̧rä̧cuo̧tö̧. Dios ja̧'hua̧nö̧ jȩtta̧ pä'ö pä̧huä̧ rö̧jä̧cu̧, ja̧u̧ru̧ tta̧'cua̧ huȩnä̧rä̧tö̧mä̧.

San Mateo 18:20

Iso päi'önä ta̧ju̧nu̧'i̧nä̧, huämetucuänö'inä, ca̧ca̧cui̧pö̧ ttö chi̧mi̧nä̧ eseunu ttucuocuttumä, ttömä jahuätöcu chö̧jä̧cua̧sä̧, —pä'inödo Jesús.

Efesios 3:14

Ja̧'hua̧nö̧ ja̧'a̧ttö̧ chihue'quiyunä kä̧mä̧dö̧ ucuocusä Tu̧ru̧hua̧ Jesucristo Jä'o Dios ä'ca jo̧mȩttö̧.

San Juan 16:32

Ucutu o'ca toi'önä döcuhuecuächätucuometä päi'äcua'a jitämä. Ttörö katä päi'önä jarocuhuipäcuotöjä. Ja̧'hua̧nö̧ jarocuhuipätucuomenä, katämä pä'i'ocösä, Chä'o ttöcu ö̧ja̧'a̧ttö̧.

San Juan 16:2

Judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ tticuäcuotö ucuturu. Koronö'inä ucuturu cuä'ö tticuomenä, Diosrö pä̧huä̧ rö̧jö̧ jȩpä̧tö̧jä̧ a̧'cua̧ra̧'a̧ pä'ö ttamöcuädäcuotö.

San Juan 5:28

Ja̧'hua̧nö̧ jidähuomenä, to̧cu̧'ä̧rä̧tu̧cuä̧'. Yodoji mo̧ro̧ o'ca toi'önä 'corupä'i'inätö i̧huȩnȩ ttä̧ju̧cu̧ mo̧ro̧ päi'äcua'a.

1 Pedro 1:17

Diosrö, “Chä'o Dios” päcuhuätucuttumä, pi̧jä̧nä̧ cu̧ja̧cuä̧tu̧cuo̧mȩnä̧, ye'ecunänö amöcuädätucui Diosrö. Ja̧u̧tä̧ o'ca toi'önärö yoräteunä pä'ö.

Hechos 6:14

Ujutu ä̧ju̧cuä̧jä̧tö̧jä̧ jiähua'a “Jesús Nazaret i̧sa̧ Diosrö ucuocuäcuähuode cuä'epö i̧cuä̧cua̧. Ja̧'hua̧ta̧nö̧ Moisés hueinömä Jesús pärotö i̧cuä̧cua̧”, pä'äji, —pä'inätödo.

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Juan 5:25

Iso päi'önä pä'ösä ucuturu, 'corupä'i'inätömä Dios I̧tti̧ i̧huȩnȩ ttä̧ju̧cu̧nä̧ päi'äcua'a. Ttö ja̧u̧mä̧ jitä ja̧'a̧ pä'ösä. Ja̧u̧ru̧ adiu ä̧ju̧cuä̧tö̧mä̧ ttö̧ja̧cuä̧cuo̧tö̧.

San Lucas 21:24

Ttörohuähuomenä, yotöcunä hua'ö tticuäcuotö. Korotörö ko̧ro̧jä̧cu̧tä̧, ko̧ro̧jä̧cu̧tä̧ cärenä ttötatö pä'ö ttȩpä̧cuo̧tö̧. Ja̧'hua̧ta̧nö̧ korotö ko̧ro̧jä̧ttö̧ ichäcuähuotö Jerusalén ötahuiyänä surojuo'epö cuettächäcuotö, jitöjarö huettö beipächome jubö päi'önä, —pä'inödo Jesús.

San Mateo 28:19

Ja̧'hua̧nö̧ ja̧'a̧ttö̧ o'ca toi'önä ttö̧ja̧rö̧ pi̧jä̧ pa̧ja̧cu̧nä̧ 'chä̧nö̧, ji'ähuäjätucui ttörö ttesetäcua'a̧nö̧. Chä'o i̧mi̧nä̧'i̧nä̧, I̧tti̧ i̧mi̧nä̧'i̧nä̧, Espíritu Santo i̧mi̧nä̧'i̧nä̧ jahuätörö bautizando jȩpä̧tu̧cui̧.

Apocalipsis 21:22

Ji̧nä̧ isocu Dios adihuä ö̧jo̧mȩmä̧ isode jä̧'i̧nö̧'a̧nö̧, yoröiso topocö pi̧nö̧sä̧. Iso päi'önä chutä Tu̧ru̧hua̧mä̧, Dios o'ca juiyönä ju̧ru̧hua̧mä̧, ihueye chutä adihuä ö̧jo̧mȩ ja̧'a̧. Ja̧'hua̧ta̧nö̧ Cordero'inä ihueye chutä adihuä ö̧jo̧mȩ ja̧'a̧.