San Juan 4:12 - TÄ̧DO Ä̧CUÄ̧ I̧HUȨNȨ

¹² Ujutu tä̧do̧ mi̧nä̧ Jacob ujuturu iyinödo pȩnȩmä̧. Ja̧u̧'i̧nä̧, i̧tti̧mö̧'i̧nä̧, ä̧ji̧mö̧'i̧nä̧ pottö ahuinätödo. Ja̧'hua̧ ja̧'a̧ttö̧ ¿ucumä Jacobttö'inä abonänö adihuä i̧sa̧jä̧ tä̧ji̧?

Nuevo Testamento Uwotjüja

¹² ¿Ja̧'wa̧nü̧ päkua'amä̧, tä̧do̧ Jaco mi̧nä̧, piju iyinü̧, chutä'i̧nä̧ awinä̧ju ja̧'a̧, i̧tti̧mü̧'i̧nä̧ ttawinä̧ju ja̧'a̧mä̧, ä̧ji̧mü̧'i̧nä̧ ttawinä̧ju ja̧'a̧mä̧, u̧wä̧mȩnä̧ wa̧jä̧?

San Juan 4:12 Referans Kwoze

Hebreos 3:3

Ja̧'hua̧ta̧nö̧ isode aditörö, isodettö'inä abonänö ttesehua'a jä̧'i̧nö̧'a̧nö̧, Moisésttö'inä abonänö ttesehuäcua'a̧nö̧ Jesúsru.

San Juan 4:6

Ju̧huȩnȩmä̧ ajiya reju acuinäjudo. Juhuäju Jacob iso'u pä'ö micuino'udo. Jesús mä̧nä̧nä̧ i̧'cho̧mȩttö̧ 'cuä'ächi'ö, ju̧huȩnȩ iso'u jäyä pä̧mä̧di̧nö̧do. Ja̧u̧nu̧mä̧ kä̧hua̧ jueö kö̧rö̧ ji̧na̧'a̧do.

San Mateo 12:42

Ja̧'hua̧ta̧nö̧ yodoji mo̧ro̧, Dios ttö̧ja̧rö̧ pojocuä mo̧ro̧ päi'omenä, Dios pi̧yȩ pä̧nä̧ ttö̧ja̧rö̧ päomenä, karaju ruhuaju, kara'a päte'ö ki̧nä̧ju̧'i̧nä̧, ä̧rä̧mi̧'ö̧ päjäcuaju ucuturu. Jahuäjumä kara'a abottö ichinäjudo Salomón huo̧ju̧nä̧ ucuocua'a kä̧ju̧cua̧ pä'ö. Jitä'inä ya̧tȩ Salomónttö'inä abonänö adihuä i̧sa̧ kö̧.

San Juan 8:53

¿Ucumä tä'o Abraham mi̧nä̧ttö̧'i̧nä̧ abonänö adihuä i̧sa̧jä̧ tä̧ji̧? Ja̧u̧'i̧nä̧, Dios i̧huȩnȩ jiäcuähuä isotö'inä hua'ö icuinätödo. Ucumä, ¿di cu'ättö?

San Juan 4:5

Ja̧'hua̧ ja̧'a̧ttö̧ Sicar ötahuiyära̧'a̧, Samaria rȩjȩttö̧ 'chä̧hui̧'i̧nö̧do. Ja̧u̧ ötahuiyä Jacob, i̧tti̧ Josérö iyinä̧jä̧ttö̧ töcönänö ji̧na̧'a̧do.

San Juan 4:13

Jesús jahuäjuru ädätinödo: —O'ca toi'önä poyattö ahuätömä, pä'äji ta'anö a̧di̧ rö̧jä̧cuo̧tö̧.

San Juan 4:20

Ujutu Samaria ttö̧ja̧ tä̧do̧tö̧ mi̧nä̧ Diosrö tta̧'cua̧ huȩnä̧ri̧nä̧tö̧ pȩnȩtä̧ möä'canä. Ucutumä, judíos ttö̧ja̧, “Jerusalén ötahuiyära̧'a̧ttö̧ ujutu ta̧'cua̧ tu̧huȩnä̧rä̧cua̧'a̧nö̧” pä'ätöjä.