San Juan 3:7 - TÄ̧DO Ä̧CUÄ̧ I̧HUȨNȨ

⁷ “O'ca toi'önä jareönä ttuhuäpächö'a̧nö̧ ja̧'a̧” pädomenä, to̧pä̧rö̧ cu̧jä̧'.

Nuevo Testamento Uwotjüja

⁷ Jareünä̧ ttuwäpächa pä'ü rekuä rü̧ja̧'a̧ pädäja'amä̧, isoó pä'ümä̧ kuamükuädä.

San Juan 3:7 Referans Kwoze

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

Apocalipsis 21:27

Ja̧'hua̧nö̧ ja̧'a̧nä̧ idicuätö'inä, suronä ttöjö'cocö juäi jȩpä̧tö̧'i̧nä̧, yapareu ji'äu jȩpä̧tö̧'i̧nä̧ ju̧huȩnȩmä̧ yoröiso do'ächocotö ttäcuotö. Jitämä tti̧mi̧mä̧ kä̧cuä̧huä̧ i'co cuyäru'tänä, Cordero 'chu̧huä̧rä̧'tänä huȩyu̧cuä̧tö̧tä̧ ju̧huȩnȩmä̧ dottächäcuotö.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

Hebreos 12:14

O'ca toi'önärö adiunä kä̧nö̧, eseunu cu̧ja̧cuä̧tu̧cua̧ja̧. Adiunä ttö̧ja̧cu̧ juiyöttömä, yoröiso topocotö ttäcuotödo Tu̧ru̧hua̧rö̧.

Colosenses 1:12

Ja̧'hua̧ta̧nö̧ esehuätucui Tä'o Diosrö. Chutä ujuturu aditinö, ujutu'inä tȩa̧u̧nä̧ tȩma̧ pä'ö chutä i̧tti̧mö̧rö̧ iya päinömä.

San Juan 3:12

Pi̧jä̧ jähuä chucuocuomenä, cuesetätucuoca'attö, mo̧ro̧jä̧ jähuä chucuocuttumä, ¿tta̧'a̧nö̧ cuesetätucuäcua'ajä̧ttö̧?

San Juan 5:28

Ja̧'hua̧nö̧ jidähuomenä, to̧cu̧'ä̧rä̧tu̧cuä̧'. Yodoji mo̧ro̧ o'ca toi'önä 'corupä'i'inätö i̧huȩnȩ ttä̧ju̧cu̧ mo̧ro̧ päi'äcua'a.

San Juan 3:6

Pi̧jä̧ ttö̧ja̧ttö̧ uhuäpächätömä, pi̧jä̧ ttö̧ja̧jä̧. Espíritu Santottö uhuäpächätömä, Espíritu huotöjä.

San Juan 3:8

Kä̧ru̧'coppa pä̧huä̧ rö̧jo̧mȩnä̧ kä̧ru̧'co̧hua̧'a̧. Kä̧ru̧'co̧huo̧mȩnä̧ ä̧ju̧cu̧jä̧. Ja̧'hua̧nö̧ cuä̧ju̧cuo̧mȩnä̧, ichäja'a'inä, i̧'chä̧cua̧'a̧'i̧nä̧ jȩru̧pa̧jä̧. Ja̧'hua̧ta̧nö̧ ja̧'a̧ Espíritu Santottö uhuäpächätömä.