San Juan 3:19 - TÄ̧DO Ä̧CUÄ̧ I̧HUȨNȨ

¹⁹ Pi̧jä̧ ttö̧ja̧rö̧ adihuä tȩa̧u̧ ichomenä, pi̧jä̧ttö̧ yo̧ö̧ adihuä tȩa̧u̧ttu̧'i̧nä̧ abonänö kö'quinätödo. Jahuätö suronätä jȩpö̧ kä̧nö̧ esetocotö pi̧nä̧tö̧do ja̧u̧ adihuä tȩa̧u̧. Ja̧'hua̧nö̧ ja̧'a̧ttö̧ tä̧bo̧cuä̧ 'cuäopäcua'a jahuätörö.

Nuevo Testamento Uwotjüja

¹⁹ Pa̧'a̧nü̧ jo̧mȩnä̧ ro̧ȩpä̧kua̧ Dio-mä̧: Ttümä̧ pi̧jä̧ra̧'a̧ ichinü̧sä̧, Ttütä ja̧'a̧ tȩya̧u̧, yo̧mȩ kkȩdȩpü̧mä̧; ja̧'wa̧nü̧ ja̧'a̧nä̧ ttü̧ja̧mä̧ yo̧ü̧tä̧ eseu repe'ätü, surojütä jȩtta̧'a̧ttü̧.

San Juan 3:19 Referans Kwoze

San Juan 8:12

Jesús pä'äji ta'anö ttö̧ja̧rö̧ ucuocu huo̧juȩti̧nö̧do: —Ttötäsä pi̧jä̧ tȩa̧u̧mä̧. Ttöcu cue'ächömä kä̧cuä̧huä̧ i'co tȩa̧u̧ u̧ju̧nä̧rä̧cua̧. Ja̧u̧mä̧ yo̧ö̧nä̧ cue'ächocö jä̧cua̧.

2 Tesalonicenses 2:12

Jahuätömä iso päi'önä huȩnȩ ttesetoca'attö, surojötä kö'cätö. Ja̧'hua̧nö̧ ja̧'a̧ttö̧ Dios pä̧cua̧ jahuätörö: “Ucutumä suronä jȩpä̧tö̧jä̧.”

Romanos 2:8

Ja̧'hua̧ta̧nö̧ korotö ttamönä jähuä amöcuädätörö, iso päi'önä huȩnȩ esetocotörö, surojö kö'cätörö, jahuätörö Dios ra̧huä̧rö̧ ro̧ȩpä̧cua̧.

San Juan 12:43

Jahuätömä Diosttö ucuotäcuähuättö'inä abonänö kö'cätödo pi̧jä̧ ttö̧ja̧ ucuotäcuähuä.

Romanos 1:32

Jahuätö adiu huo̧juä̧tö̧ Dios hueinö. Huo̧juä̧tö̧ surojö jȩpö̧, hua'ö icuähuä. Ttu̧huo̧jua̧'a̧nä̧, jitörötä pä̧huä̧ rö̧jö̧ jȩpä̧tö̧. Korotö'inä ja̧'hua̧nö̧ jȩtto̧mȩnä̧, eseunu topätö.

San Juan 5:44

Ucutu pi̧jä̧ ttö̧ja̧ ttucuocutä usu, Dios chu ä̧cua̧tä̧ i̧huȩnȩ cusätucuoca'anä, ¿tta̧'a̧nö̧ pä'ö cuesetätucua'ajä̧ttö̧?

2 Pedro 3:3

Pi̧yȩtä̧ a̧mö̧cuä̧rö̧nö̧ ka̧cuä̧tu̧cui̧. Röji mo̧ro̧ tö'cöhuächomenä, adihuä juäi huȩnȩ ya̧'ä̧huȩ'ö̧ ttichäcuotö. Jitötä ttamönä ttamöcuädötä jȩpö̧ ttichäcuotö.

San Juan 1:4

Ja̧u̧mä̧ kä̧cuä̧huä̧ i'co ja̧'a̧do. Ja̧u̧ kä̧cuä̧huä̧ i'comä pi̧jä̧ ttö̧ja̧rö̧ tȩa̧u̧ iyinödo.

San Lucas 12:47

“Adicuä i̧sa̧ u̧ru̧hua̧rö̧ pä̧huä̧ rö̧jö̧ u̧huo̧jua̧'a̧nä̧, jo̧mȩ päi'önä jȩä̧cuä̧huä̧nä̧ jȩpo̧cö̧mä̧, pä̧i̧cu̧nä̧tä̧ cuäcuäpäcuähua̧ jä̧cua̧ ja̧u̧mä̧.

1 Pedro 2:8

Ja̧'hua̧ta̧nö̧ pi̧yȩ päinö huȩnȩ'i̧nä̧ 'cuäopa'a. Ja̧u̧ inähuä döttäcuähuä jä̧'i̧nö̧'a̧nö̧ kö̧. Juhuähuä inähuänä dö'ö ma̧ttähuä jä̧'i̧nö̧'a̧nö̧ kö̧, päa'a Huȩyu̧cuä̧ Huȩnȩ. Jahuätö Dios i̧huȩnȩ esetocotömä, inähuä dö'ö ma̧'ä̧chä̧tö̧ jä̧'i̧nö̧'a̧nö̧ ka̧cuä̧tö̧. Jahuätö ttuhuäpächäcua'a ä'canä, jahuätörö ja̧'hua̧nö̧ 'cuäopäcua'a pä'ö amöcuädinö Dios.

San Juan 7:7

Pi̧jä̧ ttö̧ja̧ ucuturu ttaboiyotö päi'önä topocotö. Ttörötä yoröiso kö'cocotö, suronä jȩttö̧ jidähua'attö.

San Juan 7:17

¿Ttötä chamönä huȩnȩ huo̧juȩtö̧sä̧ tä̧ji̧? ¿Dios i̧huȩnȩ huo̧juȩtö̧sä̧ tä̧ji̧? Ya̧tȩ Diosrö pä̧huä̧ rö̧jö̧ jȩa̧ pä'ö amöcuädöttömä, ttö chu̧huo̧juȩtö̧mä̧ u̧huo̧juä̧cua̧.

San Lucas 16:14

Fariseos huotömä, pärätä kö'cätömä, ja̧u̧ o'ca juiyönä ä̧ju̧cuä̧ri̧nä̧tö̧do. Jesúsru ya̧'ä̧huȩ'i̧nä̧tö̧do.

San Juan 1:5

Pi̧yȩ tȩa̧u̧mä̧ yo̧ö̧ jacuänä tȩa̧hua̧'a̧. Ja̧'hua̧nö̧ pi̧jä̧ yo̧ö̧mä̧ yoröiso na̧huȩpo̧ca̧'a̧ ja̧u̧ tȩa̧u̧mä̧.

San Juan 9:5

Pi̧jä̧nä̧ chö̧jo̧mȩnä̧, pi̧jä̧ tȩa̧u̧ päi'önä kö̧sä̧.

San Juan 12:31

Jitä pä̧nä̧ pi̧jä̧ ttö̧ja̧rö̧ päcua'a̧nö̧. Ja̧'hua̧ta̧nö̧ jitä pi̧jä̧nä̧ hue'örö do'opö icuäcua'a̧nö̧.

San Juan 12:46

Ttötäsä pi̧jä̧ tȩa̧u̧mä̧. Ttö ichinösä ttörö esetätömä yo̧ö̧nä̧ cuettächö juiya pä'ö juhua'a yabo.