San Juan 21:7 - TÄ̧DO Ä̧CUÄ̧ I̧HUȨNȨ

⁷ Ja̧'hua̧nö̧ ja̧'a̧ttö̧ ya̧tȩ u̧huo̧juȩtä̧u̧ttu̧ i̧sa̧, Jesús rö̧ȩnä̧ repeäcumä, pä'inödo Pedrorö: —¡Ja̧u̧mä̧ Tu̧ru̧hua̧do! Pedro po̧i̧rö̧ 'chottomenä, ö̧'ca̧tä̧huä̧ta̧ huäme i̧sä̧ta̧ ko̧'ä̧dä̧cuä̧u̧ icuinödo. A̧hua̧ru̧hua̧ ja̧'hua̧nö̧ päa'a ä̧ju̧cu̧, ö̧'ca̧tä̧huä̧ta̧ 'ca̧tä̧huo̧po̧'ö̧, duboranä tö'inödo jäyotocu i̧'cha̧ pä'ö.

Nuevo Testamento Uwotjüja

⁷ Ja̧'wa̧nü̧ ja̧'a̧ Jesú u̧wo̧juȩtä̧u̧ttü̧ rü̧ȩnä̧ repeä'ijäkumä̧, Peduru-rü pä'inü̧: —¡Tu̧ru̧wa̧ ja̧'a̧! Ja̧'wa̧nü̧, Tu̧ru̧wa̧ ja̧'a̧, pä'a ä̧ju̧ku̧, Simón Peduru-mä̧ yotäku, ü̧'ka̧tä̧wä̧ti̧yu̧ 'ka̧tä̧wo̧'ü̧ ajeku tü'ächinü̧ (jui̧'a̧ ü̧jä̧ja̧'a̧).

San Juan 21:7 Referans Kwoze

San Juan 13:23

Ya̧tȩ Jesús u̧huo̧juȩtä̧u̧ttu̧ i̧sa̧, Jesús rö̧ȩnä̧ repeäcumä, Jesús ippeyänä pä̧nö̧ cuinödo mesa isodänä.

San Juan 20:2

Ja̧'hua̧nö̧ topo'ö Simón Pedrocu, ka̧ra̧ u̧huo̧juȩtä̧u̧ i̧sa̧, Jesús rö̧ȩnä̧ repeäcucumä ttö̧jo̧mȩ jopinäjudo. Jahuätörö pä'inäjudo: —Tu̧ru̧hua̧rö̧ ȩpä̧jä̧tö̧ idorättö. Jerupätöjä ttötäjome.

San Juan 19:26

Jesús ja̧ju̧ru̧'i̧nä̧, ka̧ra̧ u̧huo̧juȩtä̧u̧ i̧sa̧, rö̧ȩnä̧ repeäcuru kippeyänä ö̧ja̧'a̧ tomenä, pä'inödo ja̧ju̧ru̧: —Isaju, chujuasä cui̧tti̧mä̧.

2 Corintios 5:14

Cristo pi̧jä̧ ttö̧ja̧rö̧ repeö huȩnȩ hue'ähuotöjä ujutumä. Ja̧'hua̧ta̧nö̧ pa̧'a̧nö̧ esetätöjä. Ya̧tȩtä̧ o'ca toi'önärö mitäu 'corupä'i'inödo. Ja̧'hua̧nö̧ ja̧'a̧ttö̧ o'ca toi'önä 'corupä'i'ätöjä.

San Juan 21:24

Ja̧u̧tä̧ Jesús u̧huo̧juȩtä̧u̧ i̧sa̧ pi̧yȩ o'ca juiyönä ji'ähuinödo. Ja̧'hua̧ta̧nö̧ pi̧yȩ o'ca juiyönä huȩyu̧ti̧nö̧do. Ja̧'hua̧ta̧nö̧ ujutu huo̧juä̧tö̧jä̧ ja̧u̧mä̧ iso päi'önä huȩnȩ ji'ähuinödo.

San Juan 21:20

Jesús ja̧'hua̧nö̧ jiähuäji o'ca'a, Pedro kärächi'ö, ka̧ra̧rö̧ topinödo tto'ca'anä cue'ächörö. Ja̧u̧mä̧ Jesús rö̧ȩnä̧ repeäcu pi̧nö̧do. Ja̧'hua̧ta̧nö̧ pä'äji ttu̧cuȩ ttucuomenä, Jesús ippeyänä pä̧nö̧, jä'epinödo: “Chu̧ru̧hua̧, ¿dijä̧ttö̧ ucuru suronä jȩpä̧tö̧rö̧ i̧yä̧cua̧mä̧?”

Hechos 10:36

Iso päi'önä Dios hue'inö Jesucristo, Israel ttö̧ja̧rö̧ jiähua pä'ö i̧huȩnȩ, adihuä huȩnȩ, eseunu kä̧cuä̧huä̧ huȩnȩ. Chutä Jesucristo o'ca toi'önä Ttu̧ru̧hua̧ päi'önä kö̧.

Hechos 2:36

“Ja̧'hua̧nö̧ ja̧'a̧ ucutu o'ca toi'önä Israel ttö̧ja̧ cu̧huo̧juä̧tu̧cu̧'a̧nö̧ ja̧'a̧ ja̧u̧tä̧ Jesús, ucutu daunä pȩ'o̧pö̧ cu̧ju̧ni̧nä̧tu̧cuä̧cu̧, Dios hueinäcu Tu̧ru̧hua̧ Cristo päi'önä, —pä'inödo Pedro.

San Lucas 7:47

Ja̧'hua̧nö̧ ja̧'a̧ttö̧ ttö pä'ösä ucuru, ttörö rö̧ȩnä̧ eseunu jȩja̧'a̧ttö̧, rö̧ȩnä̧ suronä jȩjö̧ jȩpö̧ icu Dios. Ja̧'hua̧nö̧ ja̧'a̧nä̧ ya̧tȩ a̧'u̧cu̧nä̧tä̧ suronä jȩö̧ jȩpö̧ i̧cuä̧hua̧mä̧, a̧'u̧cu̧nä̧tä̧ eseu.

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

San Marcos 11:3

Korotö ucuturu “¿Dä̧bö̧ jȩcu̧'ä̧tu̧cuä̧ttö̧?” jättepöttömä, jicuhuähuätucuaja: “Tu̧ru̧hua̧ hueä̧u̧jä̧. Pä'äji ta'anö pocutä huȩä̧cua̧.”

Santiago 2:1

Chö̧jä̧hua̧tö̧, adihuä Tu̧ru̧hua̧ Jesucristorö esetätömä, “Ka̧ra̧ ka̧ra̧ttö̧'i̧nä̧ abonänö adihuä i̧sa̧” päcuhuätucu juiyö'a̧nö̧ ja̧'a̧.

1 Corintios 15:47

Äcuomenä ttö̧ja̧ i̧sa̧ pi̧jä̧ redä'ca i̧sa̧ppȩttö̧ a̧di̧cua̧ pi̧nö̧do. Ja̧u̧nu̧ o'ca'a pi̧nö̧mä̧, Tu̧ru̧hua̧ pi̧nö̧mä̧, mo̧ro̧jä̧ra̧'a̧ttö̧ ichinödo.

San Juan 20:28

Ja̧'hua̧ ja̧'a̧ttö̧ Tomás ädätinödo: —¡Chu̧ru̧hua̧jä̧! ¡Chä̧do̧ ä̧cua̧ Diosjä!

San Juan 20:20

Ja̧'hua̧nö̧ pä'opo'ö, u̧mö̧'i̧nä̧, i'esubä'inä i̧jȩpi̧nö̧do jahuätörö. Jahuätö Ttu̧ru̧hua̧rö̧ topö esehuinätödo.

San Lucas 12:35

“Jo̧mȩ päi'önä jȩpi̧'ö̧ ka̧cuä̧tu̧cui̧ cuhuäre lámpara rȩdȩti̧'ö̧.

San Juan 21:8

Korotö u̧huo̧juȩtä̧u̧mä̧ ma'ayä po̧i̧ rö̧ȩnä̧ ttȩja̧'a̧ttö̧, jacuotonä do'ö rȩba̧cu̧ 'chi̧nä̧tö̧do huoi'canä. Ja̧'hua̧nö̧ 'chottomenä, jäyotottö tö'cönänö ka̧cui̧nä̧tö̧do.