San Juan 21:22 - TÄ̧DO Ä̧CUÄ̧ I̧HUȨNȨ

²² Jesús ja̧u̧ru̧ ädätinödo: —Pä'äji ta'anö chichome jubö päi'önä ö̧ja̧ pä'ö pädöttömä, ¿ucurumä suroja'a tä̧ji̧? Ucutä ttöcu cue'ächi.

Nuevo Testamento Uwotjüja

²² Päiyäku, Jesú-mä̧ ädätinä̧ku̧: —Jua̧u̧mä̧ ttü ppa̧dä̧chomȩbü päi'ünä̧ ü̧ja̧ pädüttümä̧ttü̧, ¿ja̧'wa̧nü̧ ja̧'a̧nä̧ ukú jäwämä̧kü̧? Ukumä̧, cho'ka'anä̧tä̧ ichi.

San Juan 21:22 Referans Kwoze

San Marcos 9:1

Ja̧'hua̧ta̧nö̧ Jesús pä'inödo u̧huo̧juȩtä̧u̧ru̧'i̧nä̧, ttö̧ja̧rö̧'i̧nä̧: —Iso päi'önä pä'ösä ucuturu, jitä mo̧ro̧ pȩnȩ ka̧cuä̧tö̧ttö̧mä̧, korotömä ttö̧ja̧cuä̧cuo̧tö̧ Dios Ttu̧ru̧hua̧ päi'önä ö̧ja̧ pä'ö ujurunä ichäcua'a tottome jubö päi'önä, —pä'inödo Jesús.

Apocalipsis 2:25

Ja̧'hua̧nö̧ ja̧'a̧nä̧ cu̧ju̧nä̧rä̧tu̧cu̧mä̧, adiunätä ku̧nä̧rä̧tu̧cui̧ ttö chichome jubö päi'önä.

1 Corintios 4:5

Ja̧'hua̧ ji̧yä̧cu̧ ä'canä päcuhuätucuä' ucutumä. Tta̧'ä̧rä̧tu̧cui̧ Tu̧ru̧hua̧ ichäcua'a. Ja̧u̧ o'ca juiyönä yo̧ö̧mä̧ i̧jȩpä̧cua̧ tȩa̧u̧nä̧. Ja̧'hua̧ta̧nö̧ o'ca juiyönä pi̧jä̧ ttö̧ja̧ ttami iso'quinä ttamöcuädömä i̧jȩpä̧cua̧. Ja̧u̧nu̧tä̧ Dios i̧yä̧cua̧ eseäcuähuä o'ca toi'önä adiu jȩpä̧tö̧rö̧.

Apocalipsis 3:11

Ttömä jurunänö chi̧chä̧cua̧sä̧. Cu̧ju̧nä̧rö̧mä̧ adiu ku̧nä̧ri̧, korotömä adihuä juäi cuȩmä̧cuȩmä̧ 'chottipö juiya pä'ö.

Santiago 5:7

Ja̧'hua̧nö̧ ja̧'a̧ttö̧ cuami 'qui'ächi'ö ka̧cuä̧tu̧cui̧, chö̧jä̧hua̧tö̧, Tu̧ru̧hua̧ ichome jubö päi'önä. Ku̧nä̧huä̧ ru̧hua̧mä̧, cuähuä u̧ju̧na̧ pä'ömä, ami 'qui'ächi'ö tta̧'ä̧rö̧ ajiya ichome jubö päi'önä.

1 Corintios 11:26

Ja̧'hua̧nö̧ ja̧'a̧ttö̧ Tu̧ru̧hua̧ ichäcuome jubö päi'önä, pi̧yȩ i̧ri̧si̧ cuä̧nö̧, i̧so̧'ta̧'i̧nä̧ au jȩcu̧'ä̧tu̧cuo̧mȩnä̧, chutä 'corupäi'ina'a huȩnȩ huo̧juȩtö̧ jȩpä̧tö̧jä̧.

San Juan 21:19

Ja̧'hua̧nö̧ päomenä, Jesús ji'ähuinödo jahuätörö Pedro 'corupäi'ä̧cuȩ huȩnȩ. Ja̧'hua̧ta̧nö̧ ja̧'hua̧nö̧ 'corujuoächomenä, korotö Dios öadihuä tottäcua'a pä'ö ji'ähuinödo Jesús. Ja̧u̧nu̧ o'ca'a pä'inödo Pedrorö: —¡Ttöcu cue'ächi!

San Mateo 24:44

Ja̧'hua̧nö̧ ja̧'a̧ttö̧ ucutu'inä jo̧mȩtä̧ päi'önä tta̧'ä̧rä̧tu̧cui̧. Ubo I̧tti̧mä̧ i̧chä̧cua̧ ucutu cua̧mö̧cuä̧rä̧tu̧cuo̧cö̧ pä̧nä̧, —pä'ö huo̧juȩti̧nö̧do Jesús.

Apocalipsis 22:20

Pi̧yȩ huȩnȩ päömä, päa'a: —Iso päi'önä jurunänö ichösä. Amén. ¡Ichi, Tu̧ru̧hua̧ Jesús!

Apocalipsis 22:7

—¡Jurunänö ichösä! Pi̧yȩ cuyäru'tänä huȩyu̧cuä̧, Dios i̧huȩnȩ ä̧ju̧cu̧mä̧, eseunu ö̧jä̧cua̧.

Apocalipsis 1:7

¡Topätucui! Cristomä ajiya isoppanä i̧chä̧cua̧. O'ca toi'önä, churu suronä jȩpi̧nä̧tö̧'i̧nä̧, ja̧u̧ru̧ tottäcuotö. O'ca toi'önä pi̧jä̧ pa̧ja̧cu̧nä̧ ttö̧ja̧ ja̧u̧ru̧ topö ttajuähuäcuotö. Iso päi'önä pa̧'a̧nö̧ 'cuäopäcua'a. Amén.

San Mateo 25:31

Juhua'a yabonö pä'inödo Jesús: —Ubo I̧tti̧ o'ca toi'önä umöhuäyotö ángelescu, adihuä Ru̧hua̧ päi'önä ichomenä, chutä adihuä i̧dȩä̧cä̧nä̧ ö̧'ä̧mä̧dä̧cua̧.

San Mateo 24:27

Ko̧ro̧nö̧ mo̧ro̧ kä̧hua̧ räopa'acuttu, kä̧hua̧ ma̧ä̧cha̧'a̧cu̧ttu̧ cu'upä örohua'a tocu'ätucua'a jä̧'i̧nö̧'a̧nö̧ tocu'äcuotöjä Ubo I̧tti̧ ichomenä.

San Mateo 24:3

Ja̧u̧nu̧ o'ca'a Olivos inähuära̧'a̧ 'chi̧nä̧tö̧do. Jesús juhua'atä ö̧'o̧mȩnä̧, u̧huo̧juȩtä̧u̧mä̧ korotö tomettö jä'epinätödo: —Jitä päcuhuäjimä 'cuäopä̧cuȩ mo̧ro̧ jicuhuähuatö pä'ätöjä. Ucu cuichäcua'a, ¿tta̧'a̧nö̧ tu̧huo̧juä̧cua̧'a̧jä̧ttö̧? Röji mo̧ro̧ päi'omenä, ¿tta̧'a̧nö̧ tu̧huo̧juä̧cua̧'a̧jä̧ttö̧?

San Mateo 8:22

Ja̧'hua̧ ja̧'a̧ Jesús ädätinäcudo: —Ttöcu ichi. 'Corupä'i'ätö a̧'cua̧rä̧tö̧ ttuhuapiyä ttu'turäcuotö.

San Mateo 16:24

Ja̧'hua̧nö̧ ja̧'a̧ttö̧ Jesús pä'inödo u̧huo̧juȩtä̧u̧ru̧: —Ya̧tȩ ttöcu cueächa pä'ömä, chutä amöcuädö jaropi'ö, ttö huedömä jȩpö̧, ubara ttuttu'inä, ttöcu cuȩä̧chä̧cua̧.

San Juan 21:21

Ja̧'hua̧ ja̧'a̧ttö̧ Pedro ja̧u̧ru̧ tomenä, Jesúsru jä'epinödo: —Chu̧ru̧hua̧, piderömä, ¿tta̧'a̧nö̧ päi'äcua'ajä̧ttö̧ ja̧u̧ru̧?

1 Tesalonicenses 2:19

Tu̧ru̧hua̧ Jesucristo ichomenä, ¿dirö tesehuäcua'ajä̧ttö̧? ¿Dirö tta̧tä̧rä̧cua̧'a̧jä̧ttö̧ tesehua pä'ö? ¿Dirö tamöcuädäcua̧'ajä̧ttö̧? Ucuturu tesehuäcuotöjä Tu̧ru̧hua̧ Jesucristo ichomenä.

Santiago 5:8

Ucutu'inä cuami 'qui'ächi'ö ka̧cuä̧tu̧cui̧. Eseunu amöcuädö ka̧cuä̧tu̧cui̧. Tu̧ru̧hua̧ ichä̧cuȩ mo̧ro̧ tö'cöhuächa'a.