San Juan 21:18 - TÄ̧DO Ä̧CUÄ̧ I̧HUȨNȨ

¹⁸ Iso päi'önä pä'ösä ucuru, mö̧ä̧ya̧ cu̧jä̧i̧, ucurutä pä̧huä̧ rö̧jo̧mȩnä̧ 'ca̧tä̧hui̧nö̧jä̧ cu̧'ca̧tä̧huä̧ta̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧ cue'ächinöjä. Ja̧'hua̧nö̧ ja̧'a̧nä̧ bö̧o̧ i̧sa̧ juocuhuächomenä, cujo cä̧cu̧huȩpä̧cua̧jä̧. Ja̧'hua̧ta̧nö̧ ka̧ra̧ ö̧'ca̧tä̧cua̧ ucuru. Ja̧'hua̧ta̧nö̧ ucuru pä̧huä̧ rö̧jo̧ca̧'a̧nä̧, churutä pä̧huä̧ rö̧jo̧mȩnä̧ ȩpä̧cua̧jä̧.

Nuevo Testamento Uwotjüja

¹⁸ Isopäi'ünä̧tä̧ pädäkujä̧: Ji̧nä̧ mü̧ä̧ya̧ kuäimä̧, ku̧'ka̧tä̧wä̧ta̧tä̧ 'ka̧tä̧wi̧'ü̧ pä̧wä̧rü̧ja̧'a̧ kue'ächü 'chi̧nü̧jä̧; ja̧'wa̧nü̧ ja̧'a̧nä̧ bü̧o̧sa̧ kuomȩnä̧nä̧mä̧, kujo käkuepa'anä̧ kka̧ra̧tä̧ ü̧'ka̧tä̧ku̧jä̧ ja̧'wa̧nü̧ jȩpü̧ kuju'kokomȩ ȩpä̧ku̧jä̧.

San Juan 21:18 Referans Kwoze

San Juan 13:36

Simón Pedro jä'epinödo Jesúsru: —Chu̧ru̧hua̧, ¿to cui̧'chä̧cua̧'a̧jä̧ttö̧? Jesús ja̧u̧ru̧ ädätinödo: —Ttö chi̧'chä̧cua̧'a̧, jitä 'cho̧cö̧jä̧. Yodojitä ttö chi̧'chä̧cua̧'a̧ cui̧'chä̧cua̧jä̧.

Hechos 21:11

Ujutu tö̧ja̧cuo̧mȩ do'ächi'ö, Pablo äcä isäyanä 'chu'ädö, chutä amönä u̧mö̧'i̧nä̧, ö̧jä̧pi̧yä̧nä̧'i̧nä̧ nö'cäu pä'inö: —Espíritu Santo pä'ö: “Jerusalén ötahuiyättö judíos ttö̧ja̧ ttönö'cäcuotö pide äcä isäya rö̧nä̧rö̧rö̧. Nö'quipö'cotö judíos huocotörö ttiyäcuotö.”

2 Corintios 5:4

Pi̧jä̧nä̧ tidepänä kä̧nö̧, 'cuäopönä eseunu ka̧cuo̧co̧tö̧jä̧. Ja̧'hua̧ta̧nö̧ 'cuäopönä suronä 'cuäopa'a ujuturu. Iso päi'önä tidepämä täbo jähuä do'opö ticua pätoca'anä, jareö kä̧cuä̧huä̧ ȩmö̧, tidepä jareö ȩmö̧, pi̧jä̧ttö̧ 'corupäi'äcuähuämä be'epö ticua pä'ätöjä.

San Lucas 12:37

Jahuätö umöhuäyotö ttu̧ru̧hua̧ tta̧ttä̧ra̧'a̧ ichi'ä̧u̧mä̧ eseunu ttö̧ja̧cuä̧cuo̧tö̧. Iso päi'önä pä'ösä ucuturu, chutä ttu̧ru̧hua̧ mesa isodänä ttö̧'ö̧ja̧'a̧ hue'aji jahuätörö. Ttu̧cuȩ'i̧nä̧ chutä iyaji jahuätörö.

San Juan 21:17

Ja̧'hua̧ta̧nö̧ pä'äji ta'anö huäbodäcuänä päi'önä jä'epinödo: —Simón, Jonás i̧tti̧, ¿ttörö repe'öjä tä̧ji̧? Ja̧'hua̧ ja̧'a̧ttö̧ huäbodäcuänä ja̧u̧tä̧ juäi jäepäcu, Pedro a̧'cua̧ tta̧'ȩcu̧ pä'inödo Jesúsru: —Chu̧ru̧hua̧, ucu o'ca juiyönä huo̧jua̧jä̧. Ucuru repeda'a huo̧jua̧jä̧. Ja̧'hua̧ ja̧'a̧ Jesús pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

San Juan 21:19

Ja̧'hua̧nö̧ päomenä, Jesús ji'ähuinödo jahuätörö Pedro 'corupäi'ä̧cuȩ huȩnȩ. Ja̧'hua̧ta̧nö̧ ja̧'hua̧nö̧ 'corujuoächomenä, korotö Dios öadihuä tottäcua'a pä'ö ji'ähuinödo Jesús. Ja̧u̧nu̧ o'ca'a pä'inödo Pedrorö: —¡Ttöcu cue'ächi!