San Juan 21:15 - TÄ̧DO Ä̧CUÄ̧ I̧HUȨNȨ

¹⁵ Ttu̧cuȩ ttucuäji o'ca'a, Jesús jä'epinödo Simón Pedrorö: —Simón, Jonás i̧tti̧, ¿pitöttö'inä abonänö ttörö repe'öjä tä̧ji̧? Pedro ja̧u̧ru̧ ädätinödo: —A̧'a̧, Chu̧ru̧hua̧. Ucuru repe'ösä huo̧jua̧jä̧. Ja̧'hua̧nö̧ päomenä, Jesús pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tti̧tti̧mö̧rö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

Nuevo Testamento Uwotjüja

¹⁵ Ttu̧kuȩ kuä̧nü̧ kättädomȩnä̧, Jesú-mä̧ Simón Peduru-rü pä'inü̧: —Simón ukú Joná i̧tti̧mä̧, ¿Pi̧yȩttü̧'i̧nä̧ abonä̧nü̧ repe'ü kuesewäkusä? Ädätinä̧ku̧: —A̧'a̧, Chu̧ru̧wa̧; ukutä wo̧jua̧jä̧, ukuru eseu repeda'amä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'ä̧ri̧yi̧ttü̧.

San Juan 21:15 Referans Kwoze

Romanos 15:1

Ujutu tesetöttö juruhuätömä, ppätädö'a̧nö̧ ja̧'a̧ tö̧jä̧hua̧tö̧ juiyupätörö, ujutu tamönätä töjö'cönätämäcö̧.

1 Juan 4:19

Dios churutä repetäcua'a ä'canä repe'inö ujuturu. Ja̧'hua̧nö̧ ja̧'a̧ttö̧ ujutu'inä repe'ätöjä Diosrö.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.

Efesios 6:24

Ja̧'hua̧ta̧nö̧ o'ca toi'önä Tu̧ru̧hua̧ Jesucristorö jarotti'oca'a repe'ätörö, Dios ppädäcua'a̧nö̧. Amén.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.

San Juan 16:27

Chutä Chä'omä ucuturu repe'ö. Ucutu ttörö repecuhuätucua'attö, repe'ö ucuturu. Ttörö Diosttö ichinö pä'ö cuesetätucua'attö, repe'ö ucuturu.

1 Pedro 2:25

Pä'äjimä oveja re'tehuächö cueächö'a̧nö̧ cue'ächinätöjä. Jitämä Cristocu ppa̧'ä̧chi̧nä̧tö̧jä̧. Chutämä o̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧ tta̧'ä̧rö̧ ucuturu. Ja̧'hua̧ta̧nö̧ cua̧'cua̧ru̧hua̧nä̧'i̧nä̧ tta̧'ä̧rö̧ ucuturu.

Hebreos 4:13

Diosmä da̧jä̧u̧mä̧ ttö̧ji̧po̧co̧cu̧do yoröisotä. Ja̧u̧ o'ca juiyönä bahuecuächönä topödo. O'ca juiyönä u̧huo̧jua̧'a̧ttö̧, o'ca toi'önä ja̧u̧ru̧ jitähuäcuotöjä o'ca juiyönä jȩtö̧mä̧.

San Lucas 22:32

Ja̧'hua̧nö̧ ja̧'a̧nä̧ ucuru jä'epinösä cuesetinömä jarocu'ipö juiya pä'ö. Ja̧'hua̧ta̧nö̧ ucu ppa̧cu̧huä̧cho̧mȩnä̧, korotö cu̧jä̧hua̧tö̧rö̧ ppäcuhuädaja adiu ttami 'qui'ächi'ö ttö̧ja̧cua̧ pä'ö.

Hebreos 13:20

Dios, eseäcuähuä Ru̧hua̧, Tu̧ru̧hua̧ Jesucristorö, o̧vȩja̧stö̧ adiu Tta̧huä̧rä̧cuä̧huä̧ I̧sa̧rö̧, ucuojanä jareö huȩnȩ, beipocö huȩnȩ Tta̧huä̧rä̧cuä̧huä̧ I̧sa̧rö̧, 'corupätti'inomettö tto'ädinömä, o'ca juiyönä adihuä isotö päi'önä ucuturu aditö icuäcua'a̧nö̧, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristorö teseta'attö, ujuturu o'ca toi'önärö churutä pä̧huä̧ rö̧jo̧mȩnä̧ jȩä̧cua̧'a̧nö̧. ¡'Cuäopönä Cristorö tesehuäcua'a̧nö̧! Amén.

Romanos 14:1

Adiu esehuätucui Ttu̧ru̧hua̧rö̧ esetö kä̧nö̧ ttamöcuädö juiyupätörö'inä, cuamönä cuamöcuädätucu cucuocuätucuoca'a.

San Mateo 16:17

Jesús pä'inödo Pedrorö: —Eseunu cu̧jä̧cua̧jä̧ Simón, Jonás i̧tti̧. Pi̧jä̧ ttö̧ja̧ i̧sa̧ ja̧'hua̧nö̧mä̧ huo̧juȩto̧cö̧ pi̧nö̧do ucuru. Chä'o mo̧ro̧jä̧nä̧ kö̧tä̧ u̧huo̧juȩti̧nä̧cu̧jä̧.

Apocalipsis 2:23

Ki̧tti̧mö̧rö̧'i̧nä̧ cuä'ö chi̧cuä̧cua̧sä̧. Ja̧'hua̧nö̧ jȩcho̧mȩnä̧, o'ca toi'önä iglesias ruhuämä, iso päi'önä o'ca juiyönä ttamöcuädönä'inä, ttami iso'quinä'inä topö huo̧jua̧sä̧ pä'ö ttu̧huo̧juä̧cuo̧tö̧. Ucutu'inä jȩcu̧'ä̧tu̧cu̧ topö chi̧yä̧cua̧sä̧ ka̧ra̧rö̧'i̧nä̧, ka̧ra̧rö̧'i̧nä̧.

1 Pedro 2:2

Ya̧tȩ ji̧'qui̧cha̧hua̧ ttatate isoya ahua pä'ö usu'a̧nö̧, usätucui ucutu'inä adihuä juäi huȩnȩ, juhua'a yabonö cujuruhuätucua pä'ö, ja̧'hua̧ta̧nö̧ Dios ucutu suronä jȩcu̧'ä̧tu̧cu̧ jȩpö̧ icua pä'ö.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

San Juan 21:12

Ja̧'hua̧ ja̧'a̧ Jesús pä'inödo jahuätörö: —Cu̧cuȩ cucuätucua ichätucui. Jahuätö u̧huo̧juȩtä̧u̧mä̧, pidemä dijä̧ttö̧ pä'ö yoröiso jä'epocotö pi̧nä̧tö̧do. Ja̧u̧mä̧ Tu̧ru̧hua̧ ja̧'a̧ pä'ö huo̧jui̧nä̧tö̧do o'ca toi'önä.

San Juan 21:7

Ja̧'hua̧nö̧ ja̧'a̧ttö̧ ya̧tȩ u̧huo̧juȩtä̧u̧ttu̧ i̧sa̧, Jesús rö̧ȩnä̧ repeäcumä, pä'inödo Pedrorö: —¡Ja̧u̧mä̧ Tu̧ru̧hua̧do! Pedro po̧i̧rö̧ 'chottomenä, ö̧'ca̧tä̧huä̧ta̧ huäme i̧sä̧ta̧ ko̧'ä̧dä̧cuä̧u̧ icuinödo. A̧hua̧ru̧hua̧ ja̧'hua̧nö̧ päa'a ä̧ju̧cu̧, ö̧'ca̧tä̧huä̧ta̧ 'ca̧tä̧huo̧po̧'ö̧, duboranä tö'inödo jäyotocu i̧'cha̧ pä'ö.

San Mateo 18:10

“Suronä cuamöcuädätucuä' pitö ppo̧'ä̧tö̧rö̧. Ucuturu pä'ösä, pitörö tta̧'ä̧rä̧tö̧ ángelesmä, Chä'o mo̧ro̧jä̧nä̧ kö̧ ä'ca jo̧mȩ ka̧cuä̧tö̧ 'cuäopönä.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

1 Corintios 8:11

Ja̧'hua̧nö̧ ja̧'a̧ttö̧ ya̧tȩ cu̧jä̧hua̧mä̧ ji̧'qui̧cha̧nö̧ esetömä, ucutu jȩcu̧'ä̧tu̧cua̧'a̧ tomenä, ami iso'quinä esetoca'anä jȩö̧ttö̧mä̧, ucutumä toä̧u̧jä̧ suronä jȩpä̧tö̧jä̧ cu̧huo̧juä̧tu̧cua̧'a̧nä̧'i̧nä̧. Cristomä 'corupä'i'inödo ja̧u̧ru̧'i̧nä̧.

San Juan 8:42

Ja̧'hua̧nö̧ pättomenä, Jesús päinä̧u̧do: —Iso päi'önä Dios i̧tti̧mö̧ cu'ätucuttumä, ttörö repe'ajatöjä. Ttömä Diosttö ichösä. Cuä'catucu jo̧mȩ kö̧sä̧. Ttötä chamönä amöcuädäu ichocö pi̧nö̧sä̧. Diostä hueinäcusä.

San Marcos 14:29

Ja̧'hua̧ ja̧'a̧ttö̧ Pedro pä'inödo: —O'ca toi'önä jarotti'öttö'inä, ttömä jaropi'ocösä.

San Lucas 12:32

“Yecuhuecuätucuä' chu̧huo̧juȩtä̧u̧. Ucutumä a̧'u̧cu̧nä̧tä̧jä̧. Ja̧'hua̧nö̧ ja̧'a̧nä̧ Cuä'o chutäcu ruhuotö päcuhui'ätucua pä'ö pä̧huä̧ rö̧jä̧cu̧.

San Mateo 10:37

“Ya̧tȩ jä'orö'inä, ja̧ju̧ru̧'i̧nä̧, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧. Ja̧'hua̧ta̧nö̧ ya̧tȩ i̧tti̧rö̧'i̧nä̧, ittijuru'inä, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧.

San Juan 13:37

Ja̧'hua̧ ja̧'a̧ Pedro pä'inödo Jesúsru: —Chu̧ru̧hua̧, ¿dä̧bö̧ chichö juiyäcua'ajä̧ttö̧ jitä'inä? Ucuru esetö jitä'inä 'corupädi'ö'a̧nö̧ ja̧'a̧.

San Juan 1:42

Ja̧u̧nu̧ o'ca'a, Andrés o'ipinödo Simónrö Jesús ö̧jo̧mȩcu̧. Jesús ja̧u̧ru̧ tomenä päinäcudo: —Ucumä Simónjä, Jonás i̧tti̧jä̧. Jitämä cui̧mi̧ Cefas pä'ö mi̧cua̧jä̧. Ja̧'hua̧nö̧ päomenä, “Cui̧mi̧mä̧ Pedro pä'ö mi̧cua̧jä̧”, pä'inödo.

San Mateo 26:35

Pedro pä'inödo: —Isocö̧. 'Corupädi'öttö'inä ucuru ä̧ppö̧tä̧ro̧cö̧sä̧. Korotö u̧huo̧juȩtä̧u̧'i̧nä̧ ja̧'hua̧ta̧nö̧ pä'inätödo.

San Mateo 26:33

Ja̧'hua̧ ja̧'a̧ttö̧ Pedro ädätinödo: —O'ca toi'önä ucuru jarotti'öttö'inä, ttömä jaropi'ocösä.

Hechos 20:29

Huo̧jua̧sä̧ ttö chi̧u̧ o'ca'a, korotömä ucuturu ttichäcuotö. Jahuätömä ä̧hui̧ri̧tö̧ ra̧huä̧rä̧tö̧ o̧vȩja̧stö̧rö̧ suronä jȩttö̧'a̧nö̧, re juiyönä suronä jȩttä̧cuo̧tö̧ Jesucristorö esetätörö.