San Juan 20:17 - TÄ̧DO Ä̧CUÄ̧ I̧HUȨNȨ

¹⁷ Jesús pä'inödo jahuäjuru: —Cä'ädö icuittö. Chä'o ö̧ja̧'a̧ ji̧nä̧ cä'ecuächocösä. Ja̧'hua̧nö̧ ja̧'a̧nä̧ chö̧jä̧hua̧tö̧rö̧ ji'ähuäji ttö Chä'o'inä, ucutu Cuä'otucu'inä ö̧ja̧'a̧ cä̧dȩcuä̧chä̧cua̧sä̧. Ja̧'hua̧ta̧nö̧ ttö Chä̧do̧ ä̧cua̧ Dios'inä, ucutu Cuä̧do̧ ä̧cua̧ Dios'inä ö̧ja̧'a̧ cä̧dȩcuä̧chä̧cua̧sä̧.

Nuevo Testamento Uwotjüja

¹⁷ Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

San Juan 20:17 Referans Kwoze

San Juan 16:28

Ttömä Chä'ottö rä'opö, pi̧jä̧ra̧'a̧ ichinösä. Jitämä pi̧jä̧ jaropi'ö, pä'äji ta'anö Chä'o ö̧ja̧'a̧ chi̧'chä̧cua̧sä̧, —pä'inödo Jesús.

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

San Juan 17:11

“Jitä ttömä pi̧jä̧nä̧ ko̧cö̧sä̧. Jahuätötä pi̧jä̧nä̧ ttö̧ja̧cuä̧cuo̧tö̧. Ttömä ucucu chö̧ja̧ pä'ö chi̧chä̧cua̧sä̧. Adihuä Chä'o, ucutä cujurunä tta̧'ä̧ri̧tö̧ pitörö, ttörö cuiyinä̧u̧ru̧, ji̧nä̧ yo̧mȩtȩ adiunä ucucu, ttöcu ttö̧ja̧cuä̧cua̧'a̧nö̧.

1 Juan 3:2

Chö̧jä̧hua̧tö̧, jitä ujutu Dios i̧tti̧mö̧jä̧. Ja̧'hua̧nö̧ ja̧'a̧ päti'äcua'amä Dios ji̧nä̧ ji'ähuocö pi̧nö̧ ujuturu. Ujutu huo̧juä̧tö̧jä̧ Jesucristo i̧jȩcua̧'a̧ totomenä, chutä jö̧ ta'anö päti'äcuotöjä, ja̧u̧ru̧ totomenätä.

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Marcos 16:19

Jahuätörö ucuocuäji'ca̧, Tu̧ru̧hua̧ Jesús mo̧ro̧jä̧ra̧'a̧ cä'ecuächinödo. Dios u̧huo̧jua̧'a̧nä̧ pä̧mä̧di̧nö̧do.

Apocalipsis 21:3

Ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Päina'a: —Topi. Jitä pi̧jä̧ ttö̧ja̧ ttö̧'quȩtȩnä̧ kö̧ Diosmä. Jahuätöcu ö̧jä̧cua̧. Jahuätömä chutä umöhuäyotö pätti'äcuotö. Chutä Dios jahuätöcu ö̧ja̧'a̧ttö̧, Ttä̧do̧ äcuä̧ Dios pä̧i̧'ä̧cua̧.

2 Corintios 6:18

Ja̧'hua̧ta̧nö̧ ucutu Cuä'otucu pä̧di̧'ä̧cua̧sä̧. Ucutu'inä ttö chi̧tti̧mö̧ päcuhui'äcuotöjä, pä'ö Tu̧ru̧hua̧, o'ca juiyönä ju̧ru̧hua̧mä̧.

Romanos 8:29

Dios u̧huo̧jui̧nä̧u̧ru̧ äcuomenä päi'önä ȩmi̧nö̧, Itti̧ jö̧'a̧nö̧ juottächa pä'ö, recuätö ä'canä ttuböo ja̧ pä'ö ja̧u̧ru̧.

San Juan 17:25

Adihuä Chä'o, pi̧jä̧ ttö̧ja̧mä̧ ucuru jerupätö. Ja̧'hua̧nö̧ ja̧'a̧nä̧ ttötä ucuru huo̧jua̧sä̧. Ja̧'hua̧ta̧nö̧ pitö täcö huo̧juä̧tö̧ ttörö hue'inöjä pä'ö.

San Mateo 28:7

Jitä jurunä tätucui. U̧huo̧juȩtä̧u̧ru̧ ji'ähuäjätucui: “'Corupäi'omettö tto'ächäji pä'ö. Jitämä cuä'catucunä 'chö̧ Galilea rȩjȩra̧'a̧. Juhua'atä ja̧u̧ru̧ tocu'äcuotöjä.” Pi̧yȩ ucuturu jidähua pä'ö ichäjisä, —pä'inödo ángel.

San Mateo 12:50

O'ca toi'önä Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

Apocalipsis 21:7

Pi̧jä̧ttö̧'i̧nä̧ abonänö ju̧ru̧hua̧mä̧, pi̧yȩ o'ca juiyönä ȩmä̧cua̧. Ttö Jä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ ja̧u̧ ttö chi̧tti̧ päi'önä ö̧jä̧cua̧.

Hebreos 8:10

Ja̧u̧nu̧ pä̧nä̧ o'ca'a, Israel ttö̧ja̧rö̧ pi̧yȩ huȩnȩ chiyäcuotö, pä'ödo Tu̧ru̧hua̧. Ttö huedömä, ttamöcuädönä chiyäcuotö. Ttami iso'quinä'inä ttö huedömä chi̧huȩyu̧tä̧cua̧sä̧. Ja̧'hua̧ ja̧'a̧ttö̧ ttö jitötä Dios pä̧di̧'ä̧cua̧sä̧. Jahuätö'inä chumöhuäyotö pätti'äcuotö.

San Juan 20:27

Ja̧u̧nu̧ o'ca'a Tomásrö pä'inödo: —Cudo'che pȩnȩ rä'ädi. Chu̧mö̧ topi. Ucutä cu̧mö̧ cä'epö chi'esubänä rä'ädi. Juhua'a yabonö cu'arodä'. Adiunätä eseti.

San Juan 17:5

Ja̧'hua̧ ja̧'a̧ttö̧ Chä'o, jitä pi̧jä̧ juiyäi'inä ucucu chö̧ji̧nö̧ ta'anö, hue'ittö pä'äji ta'anö ucucu eseunu chö̧ja̧ pä'ö.

San Juan 14:28

Ttö chi̧'chä̧cua̧sä̧. Pä'äji ta'anö ucutucu chö̧ja̧ pä'ö chi̧chä̧cua̧sä̧ pädomenä ä̧ju̧cuä̧jä̧tö̧jä̧. Iso päi'önä ttörö repecuhuätucuttumä, Chä'o ö̧ja̧'a̧ chi̧'chä̧cua̧'a̧ huo̧jui̧pö̧, esehuajatöjä. Ja̧u̧ ttöttö'inä abonänö ju̧ru̧hua̧.

San Juan 14:2

Chä'o ojusodemä rö̧ȩnä̧ oduhuiyä ja̧'a̧. Ja̧'hua̧nö̧ jö̧ juiyöttömä, ucuturu ji'ähuocö pajisä. Ttö chi̧'chä̧cua̧sä̧ cuoduhuiyätucu aditö cädäda.

San Juan 13:3

Chutä Jesús, Dios ö̧jo̧mȩttö̧ ichina'a pä'ö huo̧jui̧nö̧do. Ja̧'hua̧ta̧nö̧ Dios ö̧ja̧'a̧cu̧ ppa̧huä̧chä̧cua̧ huo̧jui̧nö̧do. Ja̧'hua̧ta̧nö̧ Dios o'ca juiyönä ujuru iyinäcu huo̧jui̧nö̧do Jesús.

San Juan 13:1

Pascua fiesta jȩttä̧cua̧'a̧ ä'canä mo̧ro̧ ji̧na̧'a̧do. Jesús pi̧jä̧ jaroi'a pä'ö, Jä'o ö̧ja̧'a̧ i̧'cho̧mȩ päi'a'a huo̧jui̧nö̧do. Chutä i̧tti̧mö̧rö̧, pi̧jä̧nä̧ ka̧cuä̧tö̧rö̧, 'cuäopönä repe'inödo. Iso päi'önä 'corupäi'ome jubö päi'önä repe'inödo jahuätörö.

San Juan 7:33

Ja̧'hua̧ ja̧'a̧ttö̧ Jesús pä'inödo: —Beometä ucutucu chö̧jä̧cua̧sä̧. Ja̧u̧nu̧ o'ca'a ttörö hue'inö ö̧ja̧'a̧ ppa̧dä̧chä̧cua̧sä̧.

San Lucas 10:4

Cuȩpä̧tu̧cuä̧' cusacuyutucu'inä, pärätä ȩnä̧huä̧yu̧'i̧nä̧, cu̧jä̧pö̧ isäya'inä. Ja̧'hua̧ta̧nö̧ mä̧nä̧ttö̧mä̧ te'ähui'ö 'cuä'opätucui.

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

Hebreos 11:16

Ja̧'hua̧ ja̧'a̧nä̧ korome ji̧nä̧ isocu adihuome, mo̧ro̧jä̧ra̧'a̧, pä'inätödo. Ja̧'hua̧nö̧ ja̧'a̧ttö̧ chutä Dios, jitötä “Ujutu Tu̧ru̧hua̧ Dios ja̧'a̧” pättomenä, yoröiso dä'äcuocödo. Iso päi'önä jahuätö ttöäre ötahuiyä aditinödo.

San Marcos 12:26

Juhuorö'inä ttö̧ja̧ ttoächäcuähuä huȩnȩmä̧, Dios isade cuoadettö ucuocu Moisés i̧huȩyu̧ti̧nö̧mä̧ ¿ucuocuocotö pä'ijätöjä tä̧ji̧? Pa̧'a̧nö̧ pä'inö: “Ttötä Abraham Jä̧do̧ ä̧cua̧ Diossä. Ttötä Isaac Jä̧do̧ ä̧cua̧ Diossä. Ttötä Jacob Jä̧do̧ ä̧cua̧ Diossä.”